تليمة: «نعم للدستور مش هتجيب استقرار ولا هتودي الجنة»

قال خالد تليمة، نائب وزير الشباب إن «نعم» للدستور لا تؤدي إلى الاستقرار المنشود أو تدخل الجنة وإنما الاستقرار لا يكون إلا بالإيمان بكل حق انتُزع في مواد هذا الدستور ومدى الاستعداد للدفاع عنها.
وأشار تليمة على صفحته الرسمية بموقع "فيس بوك" إلى عدد من النقاط قبل التصويت على الدستور قائلا:
"قبل التصويت.. أولا: هذا الدستور لا يتجاوز كونه منتج لمجموعة من الناس اجتهدت وحاولت.
ثانيا: نعم مش هتجيب استقرار ولا هتودى الجنة، اللي هيجيب استقرار هو إيماننا كمواطنين بكل حق انتزعناه فى الدستور ده ومدى استعدادنا للدفاع عنه".
وتابع "ثالثا: أنا هقول نعم للدستور لأنه فى مجمله جيد وبرغم اختلافي مع عدد من مواده لا يتجاوز ه الخمس مواد، إنما رأيي ان مجموعة الحقوق اللى وردت فى الدستور جيده لحد كبير. رابعا: طريقة الدعاية للدستور كانت مستفزة وفجه وخسرت الدستور واللى مقتنعين بيه مش كسبتهم. خامسا: لو هتقول لا لمجرد ان واحد من رجالة مبارك هيقول نعم، يبقى انت بتعند مع نفسك مش معاه".
وأضاف "أخيرا أنا هقول نعم للدستور مش للفريق للسيسى. والسيسي لو عايز يترشح "برغم موقفى الرافض لترشحه" يقدم برنامج يخاطب بيه عقولنا لأنه بصراحة مفيش حد ليه جميل على البلد دى.. او على الأقل محدش ليه جميل عليا".