بعد "موقعة الحواوشي" فيس بوك وتويتر: "غاز.. حواوشى.. المجلس لازم يمشي"

بعد حادثة التسمم الجماعى التى تعرض لها الثوار المعتصمون أمام مجلس الوزراء, استقبل نشطاء مواقع التواصل الاجتماعي "تويتر" و"فيس بوك" الخبر بشيء من السخرية تحمل مرارة شديدة، وأخرى غاضبة من المجلس العسكري الذي يتولى إدارة شئون البلاد.

وجاءت تعليقات النشطاء كالتالي: "حتى الحواوشى سممتوه.. مش كفاية الغاز اللى شممتوهونا.. منكم لله خربتوا البلد ووقفتوا عجلة الحووشى. غاز حواوشى.. المجلس لازم يمشي".. و"كبدة أو حواوشى.. العسكر لازم يمشي".. و"أيه ده الموضوع طلع فيه سمك كمان .. سمك و حواوشى .. أوبين بوفيه".

و"إزاى حواوشى من شخص مجهول - يعنى واحد هييجى يوزع 100 ساندوتش ومش هيقول هو مين ولا فى اسم مطعم ولا حاجة؟".. و"مفيش داعى لنظرية المؤامرة فى موضوع الحواوشى ده.. أصل القاعدة إنه لازم ييجي تسمم من أكله حواوشى من بره إلا فى حالات نادرة".. و"احنا اسفين يا حواوشى هههههههههههههههههههههههههههه".

فيما تطرق البعض إلى أبعد من ذلك فقال: "آدى اللى اخدنا من حمله اشترى المنتج المصرى.. اهم اشتروا حواوشى والعيال كلته واتسممت، اللعنه عليكم, ويسقط يسقط حكم العسكر".. و"اليوم موقعة الحواوشى وتتوالى المعارك انها الحرب القذرة".. و"الأمر لن يحتمل الكوميديا والسخرية.. الحواوشى طلع مسموم بجد .. كل اللى ليه حد معتصم امام مجلس الوزراء يطمن عليه".