تويتر: اتنين حواوشى وصاية للمركز الطبى العالمى

أثار حادث تعرض 55 من المعتصمين أمام مجلس الوزراء للتسمم سخرية أعضاء موقع التواصل الاجتماعي "تويتر" بعد أن قام مجهولون بتوزيع وجبات غذائية "حواوشي وسمك فيليه"عليهم.
علق أ حدهم قائلا: " أحمد شفيق وزع بنبوني وعصام شرف وزع شعارات وكمال الجنزوري وزع حواوشي.. القادم سيكتفي بتوزيع الورود علي القبور ".
قال آخر "شجع المنتج المصري واشتر حواوشي ونأكل المجلس منه، وياكل من اللي بياكله الشعب".
وأضاف آخر " مفيش واحد ابن حلال يبعت اتنين حواوشي وصاية للمركز الطبي العالمي؟ ".
وذكر آخر "زمان في الأفلام القديمة رسالة في الراديو لواحد علشان الدواء فيه سم قاتل لإنقاذ مواطن دلوقتي يبعتلهم حواوشي مسموم علشان إنقاذ الكراسي ".
وقال آخر "محمد علي يوم مذبحة القلعة كان عازم المماليك على حواوشي ".
كما تساءل آخر " إلا ليه؟الناس ركزت ع الحواوشي وقالوا انه دليل علي إن المعتصمين سبرسجية وبلطجية بياكلوا حواوشي..وماخدوش بالهم إن الحواوشي كان معاه سمك فيليه؟".
وسخر أحد الأعضاء: " ياترى هيفبركوا إيه المرة دي علي ظباط الشرطة واحد ماسك سيخ لحمة ولا دبابة بتوزع حواوشي؟".
وقام آخر بالتعليق وقال: "ماري انطوانيت قالت خليهم ياكلوا جاتو والمجلس قال خليهم ياكلوا حواوشي فرق في مستوى التعليم و البيئة ".
وذكر آخر "هما لقوا الغازات السامة مبتنفعش من برا فقرروا يدولهم حواوشي مسمم من جوا .. هما بيجيبوا افكار الأبالسة دي منين؟؟".
وكتب آخر "الله يرحم أيامك يا عيسوي ، كنت هتطلع تقولنا: ' معندناش حواوشي ".
كما رفع أعضاء " تويتر" شعارات "غاز .. حواوشي العسكر لازم يمشي " .