أكرم حسني: «الست المصرية أستاذة في الهري والرغي ونقل الكلام»

قال الإعلامي أكرم حسني إنه «الست المصرية أستاذة في الهري والرغي والكيد ونقل الكلام وتتكلم على الفاضي والمليان».
وتابع «حسني»، في برنامج «للرجال فقط» على إذاعة «نجوم إف إم»، مساء الثلاثاء، أن «الزوجة رغاية ع الفاضي، فمثلًا أكون في اجتماع تلاقيها اتصلت تقولي يا علي بودي بدأ يمشي، ولما تلاقي لهجتي متغيرة تقولي أنت مبقتش تهتم»، مضيفًا: «الرجل يحب السكات، والست تقعد ترغي وميفرقش معاها أني مصدع أو تعبان».
بينما قال «حسني» إن «الست تحكي تفاصيل كثيرة لا نهتم بيها، وفالرجل ماله يعرف صحبتيك أتجوزت ليه أو جارنا جاب عربية لبنته، فالزوج يحب يقعد في البيت مريح وميتكلمش عشان يفكر أو ميفكرش»، مضيفًا: «الرجل يحب الأنتخة والراحة، والزوجة تستغرب من ده، وتعتبره دلع منه».
وأردف أن «متوسط عمر الست تضيعه في الرغي في التليفون، وده اسمه الرغي المكلف، اللي بيخلي الرجل يدفع كثيرًا، وقفل التليفون يكون للاضطرار فقط، فالستات ميعرفوش يسكتون».