بالفيديو.. «أديب» للجيش: «لما تطلعوا علاج جربوه ع الحيوانات الأول»

قال الإعلامي عمرو أديب :"بعيدًا عن السخرية والفنكوش والكفتة خلينا نعمل حاجات صح بقى، لو فيه مشكلة أطلع قول جيت أعمل اكتشاف وماوصلتش لحاجة"، خلال تعليقه على إعلان القوات المسلحة تأجيل استخدام جهاز علاج الإيدز وفيروس سي لمدة 6 أشهر.
وأضاف خلال برنامجه "القاهرة اليوم" على قناة "اليوم" مساء السبت: "الأشياء دي ليها بروتوكول في العالم، نرجو من إخواننا في القوات المسلحة يمشوا عليه، لما يبقى فيه دواء جديد البروتوكول بيقول إزاي يتعمل وبعدين يتجرب على الحيوان وبعدين على الإنسان، علشان كده صناعة الأدوية بتكلف مليارات، علشان محدش يطلع دواء يجربه في الناس كده".
من ناحية أخرى علق أديب، على خبر نُشر بأحد المواقع الإخبارية، يفيد بحصول عضو بالكونجرس الأمريكي على معلومات تؤكد تخطيط الرئيس المعزول محمد مرسي، لاغتيال وزير الدفاع، آنذاك، المشير عبد الفتاح السيسي، قائلًا: "أنا شخصيًا مظنش، كان عنده بلادة غير عادية، كان ممكن يخلص عليه بس كان خايف ومتردد".
وتابع: «مرة جابوا رئيس الحرس الجمهوري وطلبوا منه يقبض على السيسي، قالهم سيسي مين اللي أقبض عليه دا القائد بتاعي».