صدر مؤخرا عن دار "الكاتب" كتاب "البنات عايزة ايه" والذي يتم توقيعه في جناح المحروسة بمعرض القاهرة الدولي للكتاب لمؤلفتيه بسمة عبد الباسط، وبدرية طه. يبدأ الكتاب بمقدمة للمؤلفتين تقولان فيها: "لما فكرنا نعمل الكتاب ده كنا بنفكر فى كل بنت موجودة وفيه حاجات كتيرة نقصاها وهيا عايزاها من المجتمع وأول ما بدأنا عملنا مدونة البنات عايزة ايه واتكلمنا فيها عن حاجات كتيرة ولكن حسينا إننا عايزين نوصل لأكبر عدد من الشباب سواء كانوا بنات أو ولاد علشان كده فكرنا نعمل الكتاب علشان نوصل لكل بنت وشاب ولكل رجل وسيدة وبنتمنى يفهمونا صح ويعرفوا إحنا عايزين إيه. ليه بقى إحنا عاوزنهم يعرفوا إحنا عاوزين إيه ده لأن كل المشاكل الي في مجتمعنا راجعة لان كل طرف مش فاهم إيه احتياجات الطرف التاني وايه متطلباته ، وبالتالي تصرفاتهم بتسيء لينا سواء كان ده بقصد أو من غير قصد ، علشان كده قلنا نوضح ليهم إيه متطلباتنا وايه الي إحنا عاوزينه من مجتمعنا برجاله ونسائه وبالتالي المشاكل تقل فيما بينا ونوصل لحياة افضل وعلاقة سليمة بين الرجال والسيدات والشباب والشابات وبين الرجل والانثى في مختلف العلاقات علشان كده تناولنا في الكتاب ما تحتاجه البنت من والدها وزوجها وخطيبها وزميلها ... وكل رجل بتربطه بيها علاقة بصورة أو أخرى ونتمنى يكون الكتاب ساهم في الوصول لعلاقة افضل بين الرجل والأنثى في مجتمعنا". ومن عناوين الكتاب نقرأ: كلمة لا تكلفك شيئا، فقط اسمعنى، أسباب ضياع الحب، ومن الحب ما خنق، البنت عايزة ايه من خطيبها، زوجى من فضلك ناقشنى، البنت عايزة أيه من والدها، إلى زميل العمل، من فضلك كلمنى باحترام، قولها بدون خجل ..آسف، قولها أمامهم، لا للخيانة والغدر، لا أريدك أنانى، لا للغيرة الزائدة، من فضلك تحملنى، عايزاك تكلمنى، لا تقل لا فحسب، امسك ايدى، كن صريح معى، من فضلك احترم أهلى، احنا مش كمالة عدد، البنت مش بتشتغل علشان تلاقى عريس، مواقف كثيرة، لا لهذه الأفعال، عانس ولا مطلقة، لا تتطفلن، امنحنى الحنان، امنحنى الحب، امنحونى الثقة، امنحونى حق الإختيار، حقى فى التعليم، حقى فى النجاح، حقى فى العمل، حقى فى العلاج، حقى فى اختيار شريك حياتى، حقى فى اختيار مكان زفافى وحاجات تانية كتيرة، وشوية حاجات.