لما العسكر يغور

الواد ف بطن امه.. ف الشهر التاسع من
شهور
قالتله اوعى تنزل ..بابني
البلد بتثور
... ...
و انا بوعدك..هبقى
أولدك ,,لما الريس يغور
...
أنزِل يا أماا -؟
يابني استنى الريس غار -
بس مافيش استقرار
علشان تلقى رغيف العيش
! اُصبُر ست شهور عالجيش
...
انزل يا أماا -؟
يا بني استنى ماتستعجلش -!!
!انا عايزاك يعني ماتنزلش ؟
سيب الجيش شغال بمزاج
ليه تفسي كاوتش الانتاج ؟
و خلاص بيحاكموا اهو المخلوع
يعني اتطمن م الموضوع
و بكرة جمعة التطهير
يوم السبت اِنزل على خير !
...
: هااا.. انزل يا أماا - ؟
لا استني كمان معلش-
اصل الناس يومها مانزلتش
يا أما ازاي ؟ ده أنا لسة شايف ف المصري
اليوم-
! التحرير فيه كذا مليون ...
ما تبقاش خايب زي ابوك -
! دول فوتوشوب .. ازاي خدعوك
...
: انزل يا أماا -؟؟
اسكُت يابني -
شفت ابوك راح يشتري فول
راحوا مسكوه على انه فلول ,,,
يا أما ازاي ؟؟؟ من غير قضية -؟؟
لأ محاكمة عسكرية -
...
: طب أنزِل يا أماا -؟؟
شفت في حادثة ناحية بيتنا -
كنيسة اتضربت فحصل فتنة
ازاي يا أما !! و الجيش فين؟؟-
أمما صحيح مجلس مساطيل
يا بني بس ماتظلمهوش-
!كانت الساعة اتنين بليل
...
أناا ناااازل يا أماا -
مش عارفة ليه مستعجل انتَ-
فاكر انك أجدع م الشرطة !؟
اُصبُر شهر اتنين ب كتيره
و اِنزل على تسليم السُلطة:
لأه خلاص يا أما و لايهمِك-
خدت خلاص عالقعدة ف بطنِك..
بس فحالة اني زهِقت
و صللي عندي كابل الِنت
و لو الكابل هيعمل زنقة
حطي بداله واي فاي مش فارقة
و بلاي ستايشن و دراع مالتي
نلعب أنا و أخويا يا مامتي
اه ب الحق اخوك عامل ايه -؟
سلملي بالمرة عليه
:اخويه كويس اهو بيقوللك -
ماتنسيش تبعتي ليه بلالين..
..بكره هيتم التلاتين
,,,
: و بيسأل
ينزِل يا أما؟؟