يسقط حكم العسكر .. وليه لأ؟؟؟

نفسي أسأل سؤال مهم .. لما حد بيقول يسقط حكم العسكر الدنيا بتقوم وتقعد ليه؟؟؟؟؟؟؟؟؟؟ هوه العسكر اصلا من تصريحاتهم الكثيره انهم لن يحكموا مصر وانهم سيسلموا السلطه لرئيس مدني امال فيه ايه بحس اني انا وزملائي بنقول كفر .................احنا بنقول حكم (اي ان يصبح العسكر رئيس للجمهوريه او سلطه فوق رئيس الجمهوريه). ولم نقل يسقط العسكر هناك فرق كبير جدا. فالعسكر كلنا لاننا في الاحتياط ومعظمنا علي قوه الاستدعاء للجيش اذا فنحن جميعا في الجيش .الخلاف علي الحكم كرئيس فقط وليس علي بقاء المؤسسه العسكريه من عدمه. لان المؤسسه العسكريه هي درع مصر ولا يتصور اهبل ان حد يريد ان يسرح الجيش يروحوا يبيعوا بطاطا. ومصر تبقي سداح مداح كده كل من هب ودب يدخل يلطش فيها شويه ..............نختلف مع قيادات الجيش وماله ايه المشكله نطالبهم بالرحيل برضوا ايه الازمه ؟ همه مش بشر بردوا ولا ايه ؟ يرحلوا عادي جدا التدرج الوظيفي في الجيش معروف بالاقدميه يعني هيرحل واحد هيطحط مكانه واحد بشكل الي ................تبقي ايه المشكله محسسني ان امن مصر هيضرب. وان الكون هيخرب. وان الجيش مفهوش غير التسعه عشر دول. لا نفوق ونفهم الكلام ............اتفق باه علي مشيهم او لا.لكن الامر عادي ناس وناس تانيه بتطالب باستقالتهم يعني ده مش خيانه عظمي ولا تهديد لامن البلاد ولا حاجه. دي مطالب لبشر وجدهم او عدمه لن يضر الامن القومي ولن يهدم المؤسسه العسكريه لان كماان الترقي فيها الي جدا ولن يغير نظام الترقي بالاقدميه ..............ثم ياتي اخر فيصر الناس بتوع التحرير دول عاوزين المجلس يرحل يعني هندافع عن مصر ازي؟ الامن الداخلي والخارجي هوه مين اللي عرف يحكم مصر مش الجيش ؟...........يا عم بالراحه بس شويه.... غصب عن عيني وعينك وعين كل الناس الجيش ممسك وفقا للدستور بالملف الامني لان الجيش يحمي الشرعيه الدستوريه. فيرحل تعني ايه؟؟؟؟؟؟؟؟ يعني يرحل كرئيس دوله.... شفت هوه مش مبارك رحل ولا لا؟؟؟؟؟؟؟؟؟؟؟؟ ؟ الامر بسيط ده راي ناس بتحب مصر ...........طيب تعالي باه نتفق ان رئيس الدوله لسه انتخاباته قدمها فتره .طيب نستني ياعم .هيه فتره بسيطه نص سنه وماله ربنا خلق الدنيا في ست ايام . عندك حق بس الجيش ماسك كرئيس دوله بقاله سنه وحدثت مشكل كبيره ولم يحدث تقدم بل البلاد الي الاسوء و. وده مش اتهام للجيش ولكن هو طبيعه الجيش في الاداره ربما هي السبب في هذه المشاكل .طيب نعمل ايه يا معلم؟؟؟؟شفت هتعمل ايه يا اما المجلس يفضل ويلبس مصر كلها في الايام القادمه فحيطه ؟ يا اما نقوله لا يا كبير استني وندور علي حل تاني يخرجنا من الازمه . ونقول للجيش شكرا وانتم هتدعموا الحل اللاخروهتقفوا وراه لمصلحه مصر...يعني يا عمنا واحد عمال يخطئ اخطاء جسيمه .وعلي مدار سنه كامله لم يقدم شئ للوطن اسيبه يخربها ولا اقوله شكرا ناس تكمل المرحله القادمه .وربنا يعينهم وانتم كمان تعينوهم لكي نعبر بمصر للامان . الامر بسيط بس لو حبينا مصر بجد .انا لا اتهم الجيش ولا اتهم غيره لكن الامر بسيط جدا مين الاهم مصر ولا السلطه ؟اننا ناكل ونشرب ونشعر بالامن ونشعر ان الثوره والشهداء دول ليهم تمن حسينه وتدار البلاد ولا لازم نهتف عاش المشير او عاش الفريق او عاش الحاكم العسكري القدير. الامر مصر......... مش مين عاوز يبرشت علي مصر ...............طيب يا عم امشي من السلطه يا عسكري وكون معاون للمجلس الانتقالي القادم فيها ايه دي؟؟؟؟؟؟؟؟؟ علي الاقل تبقي مراقب ويتدخل حد تاني عنده قدره وفكرجديد لاداره المرحله القادمه ..................وممكن نستني ونسلمها لرئيس مجلس الشعب حتي تتم الانتخابات وكده الامر يختلف ويبقي موافق للشرعيه ..............يا اخونا الامر بسيط امال فيه ايه محسسني ان اللي بيقول يسقط العسكر كانه بيقوا كفر وخيانه .........هذا مبلغي من العلم والله أعلي وأعلم