حالة حوار

د/عمروعبدالسميع : مساء الخير وأهلا بكم في حالة حوارثقافة الانتماء حلقات من هذا البرنامج نستضيف فيها رموز السياسة والاقتصاد والأدب والفنون والرياضة والإبداعات في كل المجالات لننفض الغبار عن الانتماء ونحولها تاني لأنها تبقي مش مجرد حالة عابرة ترتبط بمباراة كرة قدم ولكن تبقي حالة وجود أو حالة حياة ضيفي اليوم محب للأدب والفنون ولكنة عالم كبير غير مسار حياته الى الميكانيكه التطبيقية وفيزياء الجسيمات عالية الطاقة له عدد من الأبحاث العالمية في عدد من جامعات العالم في الولايات المتحدة وبريطانيا وفرنسا في الفيزياء النووية والنانو تكنولوجي النانو تكنولوجي تعبير ظهرفجأة في عام 2004 ويتعلق بهندسة أو اختراع مجموعة من الأدوات والأجهزة اللي حجمها لا يزيد على واحد من المليون من المليمتر أنا عاوزكم تسمعوا ضيفي كويس لأنه كلامه يتعلق بالانتماء الى المستقبل الانتماء الى المستقبل هو الانتماء الى النهضة والانتماء الى التقدم ومخاصمة الجهل والرجعية والتخلف والجمود وأيضا مخاصمة الكسل العقلي ويا ايها الشاب الجميل حب بلدك حب وطنك ده الحب بعدة مستحيل . اسمحوا لي أولا ان أرحب بضيفي وضيفكم العالم الكبيرمحمد النشائي وأرحب بأبنائي وبناتي شبات وشباب مصر أهلا وسهلا بكم , دكتور نشائي في الحقيقة علاقتك بموضوع الانتماء وهو موضوع هذه الحلقات علاقة وثيقة جدا كما أتابع مسيرتك الشخصية في الكتابة الصحفية اللي بتكتب فيها مقالات بالغة الإثارة في جريدة روزاليوسف احنا عارفين انك تخرجت من جامعة هانوفر في المانيا سنة 1958 ودرست في كامبردج الجامعة البريطانية العريقة لمدة 11 سنة كنت بدرس رياضيات وكنت بتدرس مش الطبيعة النظرية وقبلهم خدت الماجستير والدكتوراه من جامعة لندن ودرست في عدة جامعات العالم من ضمنها جامعة كوفال في الولايات المتحدة الأمريكية السؤال يبدوا مباغتا في الحقيقة أنت جيست ليه رجعت ليه يعني احنا بنشوف بعض علمائنا المصريين لما يسافريأخذ الباسبور يأخذ الجنسية البريطانية أو الأمريكية ويجي يجلنا هنا من وقت للتاني زيارات سياحية للاطمئنان على الشعب المصري الصديق لكن أنت معملتش كده ايه اللي جابك ؟
د/ محمد النشائي:السؤال ده الحقيقة اجابته سهل جدا بالنسبة لي واضحة وضوح الشمس لما يكون واحد أبوه في حرب فلسطين ضابط جيش لما عاش في حظر تجول في حريق القاهرة وهوطفل شاف أمه بتاخذ في عربية إسعاف بتاعت الجيش علشان تقدر تدخل المستشفي لان في حظر تجول وشاف جلاء الانجليزشاف رجعهم هما وإسرائيل وهما عاوزين يدخلوا تاني
د/عمروعبدالسميع : حرب 56
د/ محمد النشائي : آه وشاف كل ده ده مهما سافرده عايش في اللحظات دي طول عمرة قرارمن رئيس الجمهورية بتأميم قناة السويس العالمية شعر راسي وقتها وقف وأنا عيل صغير فانا عمري ما سبت مصرالا بجسدي يعني لكن حياتي وكياني وأفكاري
د/عمروعبدالسميع : أنا مصرى أكمل طيب رجعت تعمل ايه ؟
د/ محمد النشائي: لأ الحقيقة في يكفي دلوقتي اني أنا قاعد أتفرج على الشباب اللي زي الفل ده وأنا بتكلم ويسمعوني ايه قيمتي أنا في أوروبا آه أنا عايش حياتي يمكن أكثرمنها لكن مقرفة الحياة هنا متعبة جدا لكن لها طعم أجمل هو الرحلة من أ الى ب مش الوصول الى الرحلة نفسها ممتعة لها معني الحياة مهما كانت متعبة فهي حياة بس إنما تكون أنت تتفاعل مع الناس أنا اقعد مع الجماعة الانجليز اكلمهم على ايه على مجلس اللوردات هو ده السبب
د/عمروعبدالسميع:في الحقيقة أنا بشوف مثلا تخصصك اللي بدرسه في جامعات الخارج هو علم الفوضي المنظمة أو الفوضي المحددة أنا توقفت قدام هذا التعبير كثيرا جدا هو يعني طبعا علاقة بنشاة النظام من رحم سواء كانت الفوضي دي متعلقة بالعناصر الكيميائية أو الحرارية أو العناصر الحية احنا طبعا عوزينك تشرح ده للشباب يعني ايه الكلام ده كله لكن أنا خطر في بالي شيء أعجب شوية اللي هو العلاقة المجازية العلاقة البلاغية ما بين التعبير وما بين تعبير الفوضي الخلاقة اللي احنا بنسمعة في مجال السياسة وسمعناه على أيد إدارة جورج دبليو بوش السابقة في الولايات المتحدة الأمريكية ووزير ة خارجيته كوندوا ليزا رايس في الأخر
د/ محمد النشائي : كوندوا ليزا رايس دي امرأة من اجهل وزراء الخارجية اللي أنا كان ليه عدم الشرف اني شوفت تصرفاتها وخربت في الشرق الأوسط بالفوضى اللي هي أساسا موجودة في مخها هي مش في الحقيقة احنا العلماء معشر العلماء نكرة جدا استخدام العلم لتفسر ما هو غير علمي خالص دائما استغلال لغة العلم علشان يطبق على نفسه شرعية مش موجودة
د/عمروعبدالسميع : اذن هما اقتبسوا تعبيرمن العلم اللي أنت كنت بدرسه ؟
د/ محمد النشائي : طبعا اللي أنا أسسته الحقيقة مع عدد من زملائي مش من أكبرهم لكن أنا احد مؤسسين هذا العلم اللي حصل فعلا ان ده خصوصا لغة علمية وهي لا حتي فهمة بتتكلم على ايه ولا لها أي حاجة فحضرتك قلت على الحراريات علم حاجات ملهاش دعوة في هذا الشكل بالعلوم الإنسانية أنت بتتكلم على ان الفوضي بالنسبية للجزيئات بالنسبة للاليكترونات تتحرك مع بعض تخلق أشكال جديدة وبيحصل " دي ان ايه " جديد أو حامض نووي جديد تبتدي تظهر أشكال في الطبيعة مش تيجي للشعب من أكثر الشعوب المتقدمة زي العراق ودولة عظيمة كانت ماشية في طريق بصرف النظر مي اللي يحكمها أنا ميهمنيش مين يحكمها المهم العراق ككل كانت درع من دروع العالم العربي وتخربها وتكسرها وتموت حوالي مليون بني ادم وبعدين تقولي أنا بعمل فوضي خلاقة كذب
د/عمروعبدالسميع : ايه رأيك في طرح هذا المفهوم بالنسبة لمصر يعني هما طرحوه بالنسبة لمصر عدة مرات وطبعا الكتيبة بتعتهم هنا في القاهرة رددت هذا الكلام ورآهم؟
د/ محمد النشائي :ما هو في موجود دلوقتي في أمريكا من المحافظين الجدد ده لسه بيتكلم عاوز يطبق الكلام ده على إيران طبعا مفيش زي السيد الرئيس قال هو ضد أي حركة عسكرية ضد إيران مش كفاية اللي عملته في العراق عاوزة تعمله في إيران وبتفكر تعمله ؟
د/عمروعبدالسميع : مين ده ؟
د/ محمد النشائي: المصالح الصهيونية اللي موجودة في العالم كله هما اللي عاوزين كده مش شخص واحد دول مجموعة يعني تشيل زيد تحط عبيد لكن هي في الحقيقة مصالح مؤسسة لدولة أو جزء من العالم عدده حوالي 10% من سكان العالم يستغل حوالي 90% من خيرات العالم وده طبعا يتطلب هذه الأشياء
د/ محمد النشائي: اشرح لنا بقي حكاية الفوضي المحددة أو الفوضي المنظمة بالنسبة للكيماويات والحراريات ؟
د/ محمد النشائي:الحقيقة لان ده ابتدي الى حد ما من حوالي 30 , 35 سنة بعالم أمريكي رياضي واكتشف ان ما يبدولنا احنا كفوضى هو في الحقيقة قصور في عقلنا احنا لما تنظر له جدا جدا تلاقي انه نوع عالي من النظام بس العقل البشري مش بالسهولة يعتبر بعض المفاهيم انه يفهم ان دي مش فوض خالص إنما لها قوانينها فعلي الرغم انها بتظهر لي كما لوانها فوضي إنما هي لها قوانينها العميقة وهي مش فوضوية لنا قال الكلام ده
د/عمروعبدالسميع : طيب اشرح لنا مثل للكلام ده مثل من هذا النوع ؟
د/ محمد النشائي: مثل بسيط جدا لما قال الكلام ده ملقاش ولا جامعة تخده تشغله عندها اضطر في الأخر انه مصلحة أرصاد جوية في جامعة يعني معقولة خدته مع انه عالم رياضيات ضخم جدا دلوقتي طبعا بعد ما سنة بقي 70 سنة
د/عمروعبدالسميع: مين ده ؟
د/ محمد النشائي: ادوارد تورث والله يرحمه مات كنت أعرفه معرفة جيده رجل في منتهي الجمال الحقيقة المهم اشتغل في مصلحة الأرصاد الجوية بدأ يطبق أفكاره على الشيء الواضح الجو احنا دائما عرفين الشتاء هيجي دائما عرفين الصيف هيجي دائما عرفين ان الصيف يومين ثلاثة درجة الحرارة 45 لكن متى بالظبط منعرفش كون ان دائما عارف ده نظام كون ان أنا مش عارف بالظبط ده نوع وده التضارب هو التضارب ده الفوضي المحددة علشان كده البورصة البورصة لما تطلع في شيء أكيد هيحصل علشان كده ان مش بشتغل فيها أكيد هتنزل بعد ما تطلع
د/عمروعبدالسميع: طيب ما أنت تطبق حكاية الفوضي المنظمة على العلوم الإنسانيةأو على الظواهر الإنسانية ؟
د/ محمد النشائي: واي ظاهرة مس حجم بني ادم كامل عايش في مجتمع اعمل فيه تجارب ما حنا كمان علشان نعمل مصل جديد لمعالجة الأمراض تجيب مليون واحد نموتهم لأ نجيب فئران فهي كوندا ليزا رايس في الحقيقة كانت لازم تجرب أفكارها الزفت دل على فئران تجارب الأول وبعدين تطبقها في العراق
د/عمروعبدالسميع: الحقيقة يا دكتورايضا في تعبيرأتوقف إمامة كثيرا سواء في خطاب النخب المثقفة في مصر أو حتي في الخطاب الشائع الزائع وسط الناس يعني في نوع من الربط المتواصل ما بين فكرة الديمقراطية وفكرة التقدم العلمي مع ان احنا بنشوف أمثله بتقول لنا غير كده يعني مثلا في المانيا النازية كانت متقدمة علميا جدا ولكنها لم تكن ديمقراطية الصين الشعبية اللي هي شيوعية حتي الان متقدمة جدا رغم انها ليست ديمقراطية احنا عاوزين نعرف ايه العلاقة بين العلم والديمقراطية على وجه التحديد
د/ محمد النشائي: الديمقراطية هو حل علمي وجدناه ان هو اقل الحلول سوءا لإدارة دولة جميع من بها على مستوي عالي من الفكروالمعارضة يعني لما يتقدم شعب الى حد كبير بحيث مفيش أميه مفيش 1% حتي من الأمية لما يتقدم شعب بحيث اغلبهم فهمين ايه الحاجات المهمة بالنسبة لهم في قانون في مؤسسات كل واحد من ده له رأي قوي جدا يختلف عن الأخر أزاي نحل مشاكل الناس دي كلها تتخانق مع بعض محدش هيسمع كلام حد قوم اتفقنا شوفوا يا جماعة الغالبية هي اللي تحكم أيام أفلاطون دي كانت الغوغائية يقولك أزاي يتساوي الذي يعلم مع الذي لا يعلم ويبقي صوته زي صوتي يبقي ده الديمقراطية في رأي أفلاطون لا ده حكم الغوغاء لكن الديمقراطية بالمعني الجديد هو ان الناس كلها سواسية الناس كلها عارفه زي السيناتور بتوع روما كلهم ناس كبار القوم دلوقتي ما بينهم هما كان ديمقراطية لما " يوليوس سيزار "
د/عمروعبدالسميع : يوليوس قيصر ؟
د/ محمد النشائي: يوليوس قيصر وزعلوا منه وقتلوه في الأخر حتي بروتس قتله ليه لأنهم متساويين هذه الديمقراطية
د/عمروعبدالسميع : وصاح صيحته الدرامية الشهيرة وقال حتي أنت يا بروتس ؟
د/ محمد النشائي : الحقيقة مهمة جدا تعرف أي مرحلة لما أنا اطلع من القمقم العلمي يبقي معناها الديمقراطية هتساعدني على التقدم أما الطلوع من القمقم ليس بالضرورة ان اقرب للديمقراطية ولذلك كما حضرتك قلت وصح وأنا عايش طول عمري في المانيا مش بس هتلر والنظام النازي كان ديكتاتوري ده غليوم كايزر وليم اكبر ديكتاتور في أوروبا وعلشان كده الحرب العالمية الأولي حصلت مش علشان هتلر أو اليهود أو أي حاجة تانية لأ ده كان بسبب ديكتاتورية غليوم ومع ذلك كان المانيا في هذا الوقت كان اقوي جيش لأنها اكبر دولة متقدمة صناعيا ولذلك كان وصناعيا ليه لأنها أكثر دولة متقدمة علميا أكثر دولة متأخرة سياسيا في أوروبا كانت هي أكثر دولة متقدمة دي مرحلة ثانية لما الديمقراطية دلوقتي موجودة في المانيا تقوم المانيا المتقدمة تتقدم وتتقدم علشان تطلع أنت الهند من التأخر اللي كان فيه لازم واحد بجمال شخصية نهرو وديكتاتوريته لان نهرو مش ديمقراطي كما يقول
د/عمروعبدالسميع: ياأولاد جواهر لولا نهرواللي أسس حركة عدم الانحيازمع الرئيس عبد الناصر والمرشال سوكارنو .
د/ محمد النشائي : فالحقيقة هو سوء فهم المنهج العلمي يقول ايه ادرس كل حالة وشوف ايه الحل بتعها متستوردش أفكار جاهزة ولو هي جايه من الولايات المتحدة ولا هي جايه من الاتحاد السوفيتي
د/عمروعبدالسميع : حضرتك ذكرت في كلامك حالا حكاية ان احنا نخرج من القمقم العلمي ولما نخرج من القمقم العلمي نتكلم على الديمقراطية طيب ايه هي حدود هذا القمقم يعني أمتي اعرف اني خرجت ؟
د/ محمد النشائي: اللي احنا فيه ده الى حد ما علميا مستوي لا يليق بنا ان مقولتش انه قمقم الموقع العلمي لمصر أعظم دولة موجودة في الشرق الأوسط وأكبرها اقل من المقبول علميا والتعليم العالي والتعليم عمومة أحسن من بلاد كثير لا يليق بمصر ومش كمان عدم اللياقة وإنما مقدرتنا اكبر من كده بكثير احنا عندك هنا ناس يخرجوا بس من الوضع الى هما فيه ونشوفهم يعني خليني أتكلم عن نفسي لان دي مفيهاش إحراج أنا لم أكن من المتميزين أنا كنت معقول
د/عمروعبدالسميع : ايه كنت بليد قوي ولا ؟
د/ محمد النشائي : أفندم
د/عمروعبدالسميع : كنت بليد قوي ولا ؟
د/ محمد النشائي : لا لعبي
د/عمروعبدالسميع : لعبي كنت بتلعب ايه بقي ؟
د/ محمد النشائي : بلعب كورة ولما طلعت بره وأتيحت لي الفرصة هي اللي خلتني أتميز لكن مفيش حاجة ابدا تمنع أي واحد من هنا قاعد عادي خالص تفتكر ان هو شخص عادي أنا لما يطع بره يأخذ جائزة نوبل جائزة نوبل خده بره ليه بالإمكانيات اللي بره طيب نجيب الإمكانيات اللي بره جوه شوف الشعب المصري
د/عمروعبدالسميع : برضه عاوز اعرف ايه هو الحد أو الحافة اللي أم أوصل لها علميا ابتدي أتكلم عن الديمقراطية ؟
د/ محمد النشائي : لأ مفيش هذه الحافة المرور من حالة منطقة كاملة أنت حتي تستمر لدرجة انك متاخذش بالك الموضوع ده مهم جدا ايضا دلوقتي في رأي أنا اني أنا فاكر في أعظم أوقات ديمقراطية مرت عليها مصر من أيام 100 أو 200 سنة ومع ذلك علشان الموضوع ده خد مده طويلة أيام الانفتاح أيام السادات الناس مش شاعره بالانجاز أنا بقي اللي جاي من بره وأفاجأ ان أحط الكارت بتاعي اسحب فلوس اطلع محدش يفتشني أبوي عاوز يزورني ياخد الطيارة ويسافر مش يقف في طابور في المجمع لمدة ستة اشهر علشان يأخذ فيزا مش لألمانيا فيزا ان يطلع بره مصر الناس مش واخده بالها من الكلام ده كله لان فترة الانتقال دي مده طويلة متاخدش بالك منها احنا هناخذ بلنا منها حنا خدنا بلنا منها لما دلوقتي أنا عندي كمية ضخمة من المهندسين وصدقني ايامي أنا اللي علمني الهندسة وخلاني انجح في المانيا اثنين مهندسين مصريين كانوا جيين يدرسوا دراسات عليا فين في المانيا فخدوني علموني الهندسة من اللي هما أتعلموا هنا في مصر وقدرت امشي كان مستوانا معقول جدا دلوقتي عندك كمي ضخمة من المهندسين تيجي تدور على مهندس متلقيش ده ايه ده النوعية
د/عمروعبدالسميع:طيب سؤال يا دكتورطيب أنت كنت لعبي في مصرعلشان كده مكنتش متميز هو اللعبي ده يفضل طول عمرة لعبي كنت لعبي في المانيا ولا لأ ؟
د/ محمد النشائي: ما هو ده فرق لما يبقي شغلك يبقي هو المتعة أنت بتلعب ليه مش علشان تستمتع لما أنا أكون مخلوق علشان أكون " بيتهوفن " واحد يجبرني اني أكون " اينشتين " هكون أتعس اينشتين موجود على فكرة اينشتين كان رجل تعس جدا أتعس اينشتين ممكن تتخيله
د/عمروعبدالسميع : على فكرة بيتهوفن مكنش سعيد ؟
د/ محمد النشائي : يعني لا بس اقصد كان سعيد في عمله لما مكتب التنسيق يأخذ واحد مش عاوز يدرس آداب يخليه لازم يستخسر المجموع شوف الكلمة العجيبة يستخسر المجموع لازم ادخل هندسة يعني ايه تستسخر المجموع
د/عمروعبدالسميع : علشان يستخدمه كله يعني ؟
د/ محمد النشائي : يستخدمه كله علشان يلاقي الوظيفة علشان يلاقي المهيه كلها حاجات واقعية ومهمة جدا لكن دي بتقتل المواهب أنت تقدر كل واحد يختار الطريق اللي هو عاوز يمشي فيه لما يكون فيه نوع من الرخاء والإمكانيات المادية قوم أنا مفكرتش في المادة لما صدقني متفكرش في المادة تجيلك لأنك تنجح في عملك هيكون لها عائد بشكل أو بأخر لو مش عائد مادي يكفي السعادة ان أنت أحسن واحد في شغلتك سواء كنت عالم أو إعلامي أو صحفي أو الخ المتعة دي تدي جودة عالية من الحاجات تقوم تخليك متلعبش
د/عمروعبدالسميع : الإصلاح في هذا الاتجاه مين يعمله في بلد زي مصر الدولة تعمله هل الدولة جاهزة انها تعمله ؟
د/ محمد النشائي : هذه الدولة إذا أعطت الهدوء إذا أعطت الوزراء متزعلش أنا فرحان جدا اني موجود هنا
د/عمروعبدالسميع : أنا هنا مش بزعل ولا بفرح أنا بستفسر بس .
د/ محمد النشائي : الآراء والمهاجمة ليل نهارتخلي الوزير يدوبك يفكم يعني يدوبك يلعب معاكم بينج بونج لازم الواحد يكون مطمئن زي ما أنا قاعد مطمئن معاك كده وقاعد شاعر بطمأنينة
د/عمروعبدالسميع : أنت كده بتحيدني علشان ألزم حدودي يعني ؟
د/ محمد النشائي : طبعا ما ده جزء من
د/عمروعبدالسميع : شطارة عالم .
د/ محمد النشائي : شطارة العالم سقراط لازم ان الواحد يشعر بأمان في مكانه علشان يقدراشتغل في كمية من الهدوء يا جماعة محتجين لها يمكن أنا مايسمهاش لان هذا الهدوء في كلامي لكن والله نيتي والأعمال بالنيات اني عاوزكمية من الهدوء والعمل يعني احنا مش محتاجين لكثيرمن المحامين في الوقت الحالي على الرغم من الدكتور هاني هلال وأنا أؤيده محتاجين لكمية كثير من المهندسين من الدكاترة من العلماء اللي يشتغلوا تفعل شوية كمية الكلام اللي يتقال وتزود كمية العمل
د/عمروعبدالسميع : ده الحقيقة يدفعني الى تساؤل حول مضمون احدي مقالاتك المهمة خالص اللي نشرتها في روزاليوسف عن مجلس اللوردات في بريطانيا ومجلس الشورى بمناسبة انتخابات التجديد النصفي لمجلس الشورى في الفترة الأخيرة في هذا المقال أنت قلت ان الناس تعودت لفترة طويلة تسير مغيبة العقول وبالتالي جربوا مرارة النتيجة اللي يتحصلوها نتيجة انه مغيبي العقول ولذلك عمرهم ما ينتخبوا جماعات محظورة أو غير محظورة لا تؤدي بهم الى التفكير ولا تؤدي بهم الى الاشتراك العقلي حتي لو كان فيها احمد زويل أو محمد البرادعي ما تشرح لنا الحكاية دي ؟؟
د/ محمد النشائي: أو محمد النشائي أو أحسن من الثلاثة الأسماء الرنانة دي اللي اتعملت في الغرب لا تعني شيء لا تعني لواحد أتعمل في الغرب أنا أتعلمت في الغرب لا تعني ليه أي شيء أنا الحقيقة بحسد الناس اللي عملت أعمال داخل مصرمش اللي جايه من الخارج وبيقول عليها انها كانت أستاذ في جامعة كامبردج أو مش أستاذ هذا لا يعني للمصري أي شيء أكثر من ان هو عنده إمكانية لو طلع بره انه ينتج ده شيء محزن على فكرة هو المفروض ينتج هذا اللي قعدوا هنا واشتغلوا هما دول الناس اللي أنا بنظر لهم باحترام والعكس بنظر لهم بحسد ان مشفتنيش من 15 سنة أول مرة لما جيت هنا كانت والدتي مريضة وعلشان كده السبب المباشر اني أنا جيت هنا فكان التلفزيون يكلموني يعني أنت أنجزت أنت مرشح أنت مش عارف ايه أنا شايف اني أنا غيران منهم عائلتهم ولأدهم بيتكلموا عربي بطلاقة أنا ولادي مبيعرفوش يتكلموا عربي هو شاعر انه ساهم في الدولة اللي عاش فيها أنا مش شاعر اني أنا عاله علي الدولة أبوية قعد صرف عليه وأنا في المانيا يعني أنا أديت ايه لمصر ولا حاجة يعني لما اسمع أنا الكلام اللي كندي كان بيقول
د/عمروعبدالسميع: لا تسال أمريكا هتدي لك ايه أنت تقدر تعمل اللي هي زي ما تقول متقولش أديت ايه لمصر ؟
د/ محمد النشائي : فكنت اكرهه لأنه بيغظني من غير ما يقصد يعني هو لأنه طبعا شعورعلى فكرة اغلب الناس اللي عيشين بره عندهم شعورمركب نقص أنا اعترف به اهو مركب نقص ان أنت مصري بشعورك كده
د/عمروعبدالسميع : طيب من كلامك على كده تعالي نسأل أنت أديت ايه لمصر ؟
د/ محمد النشائي : والله قليل قليل جدا
د/عمروعبدالسميع : أديت لها ايه برضه ؟
د/ محمد النشائي : الحقيقة الحاجة الوحيدة اللي بديها لمصر هو حبي الشديد لها ورغبتي اني أقول الحق كما أراه حتي ضد أرأي الشخصية لما كنت شباب عاوزالخبرة اللي أنا خدتها والتطبيق والغلطات اللي أنا عملتها متتكررش فانا بتكلم بصراحة قصادك آه دلوقتي يقول ان في غلطات كثيرة جدا حاولت
د/عمروعبدالسميع: بس .......
د/ محمد النشائي: يصلح غلطات الناس فمثلا أقولها وأنا خايف ان الناس تسيء فهمي أولا أنا احترامي للدين أنا راجل متدين جدا احترامي للدين لا حد له واحترامي لكل المؤسسات الدينية في مصر كما هو ولا أريد أغير فيها أي شيء سواء كانت إسلامية أو مسيحية ولكن واحترامي للعلم معروف شغلني لكن لما تقول الإسلام هو الحل انزعج لأنه أنت بستخدم مفهوم ديني أنا احترمه جدا على مستوي عادي خالص السياسة أنا رأي كده أغيره بكره كده
د/عمروعبدالسميع : يعني بتجرجر الدين الى ساحات في الواقع مهياش ......؟
د/ محمد النشائي : فانا اقترحت لناس باحترمهم كلهم احترمهم اشد احترام ولا اقلل من قدر أي مخلوق في مصر بصرف النظر هو مين العلم هو الحاجة اللازمة للشاعر ليه لان أنا لما أقول الإسلام هو الحل معناه واحد يقول المسيحية هي الحل واحد تاني يقول اليهودية هي الحل واحد تاني يقول البوذية هي الحل واحد تاني يقول الغوا الديانة كلها ده هو الحل وبيقول كل الكلام ده بيزعجنا لأنه بيخلي بيلفت نظري لاتجاه خطاء انا بفكر
د/عمروعبدالسميع : يوظف مفهوم معين في سياق خاطئ ؟
د/ محمد النشائي: أنا عندي مشكلة اقتصادية اللي يحله ليه أنا أؤمن بأي شيء هو يقوله لما تخليلي العامل المصري ومتوسط الدخل بتاع الفرد المصري فلاح عامل يصل الى المستوي الراقي بتاع أوروبا حتي بتاع اليونان اللي هي فلست من شوية فلست صناعيا كده علشان تأخذ لها قرشين من بلاد تانية لما تؤهلها هو ده أشكالي الحقيقي كل الكلام التاني هو انك
د/عمروعبدالسميع : أنت تقويمك للتفكيرالاقتصادي اللي يوهلك هناك اقتصاد إسلامي يعني فرق ما بين الحقائق العلمية وما بين الحقائق الدينية ؟
د/ محمد النشائي : أنا لا افهم في هذه الأشياء كثيرا علشان أنا لن ابدي رأي لكن لا ارتاح لهذا الكلام أساسا ليه أنا كان فيه واحد من اللي هما اعتقدهم مراجع دينية كبيرة جدا في مصر وأنا احترمه جدا فكان بيتكلم علشان
د/عمروعبدالسميع : يعني ايه واحد ؟
د/ محمد النشائي : شخص
د/عمروعبدالسميع : اسمه ايه يعني ؟
د/ محمد النشائي : مش عاوز اذكره لان أنا عاوز المثال هو الاهم
د/عمروعبدالسميع : لأ أهم بالنسبة لنا ان احن نعرف مين اللي قال المثال ؟
د/ محمد النشائي : شخص والله
د/عمروعبدالسميع : دي شغلتنا في الاعلام ان احنا نعرفه اسمه ايه ؟
د/ محمد النشائي : هقول لك بعد
د/عمروعبدالسميع : لا مفيش حاجة والشباب دول لازم يعرفه والمتفرجين دول لازم يعرفوا
د/ محمد النشائي : الحقيقة
د/عمروعبدالسميع : اللي هو مين ؟
د/ محمد النشائي : يعني شخصية محترمة
د/عمروعبدالسميع : اسمه ايه
د/ محمد النشائي : أقول لك المهندس أسامة فريد المهم كان يناقش مع شباب من الشباب اللي هما متمسكين ده بالاتجاه الديني وبيقوله ان الإنتاج ومش الإنتاج فثار عليه وقال له متقوليش ان الدين يتدخل في إنتاج عربية العربية تتكون على خط التجميع نفس الفكرة بتاعة في الاتحادالسوفيتي وهو في هنري فورد في أمريكا هو اللي بيعملوه في الجمهورية الإسلامية إيران هو اللي بتعملة في مصرهواللي بيعلموه في كل حته المنطق بتاع إنتاج علمي أوإنتاج صناعي ملوش دعوة بالدين إيماني ان يديني هدوء نفسي وسعادة اني أنا مش خايف من الموت مش خايف من الغيب مؤمن بان لن يصيبكم الا ما كتبه الله لكم فانا بنتج أنا مرتاح الإنسان اللي ينتج وهومرتاح نفسيا ينتج أحين من الإنسان اللي هو مخضوض خايف على نفسه لدرجة انه مش قادر يعيش
د/عمروعبدالسميع : ايه هي حدود العلاقة ؟
د/ محمد النشائي : دي هي حدود العلاقة كلها كلام منطقي توظفه بالطريقة اللي يشوفها كشخص عايش في الغرب مدة طويلة جدا لكن جاي من عائلة متدينة ند ان ده استغلا ميصحش علشان كده قلت العلم هو الحل والدين الإسلامي يحس على العلم في أجمل من كده ايه خلاص هو ده اللي أنا اشوفة
د/عمروعبدالسميع : العلم هو الحل مش معقول نكون معانا ومتكلمش عن المشروع النووي المصري اللي هو العلم هو الحل بالنسبة لمصر لماذا تأخر هذا المشروع طويلا وكثيرا وايه هي التداعيات أو الآثار بتاعة هذا التأخير ؟
د/ محمد النشائي : خلينا نبدأ بالخبر الكويس وبعدين نتكلم عن الأخبار اللي هي مش اد كده الخبر الجميل هو ان السيد الرئيس أعلن من مده ان حان هندخل العصر النووي الأخبار الطيبة ان دلوقتي في مجهودات كبيرة ان على الأقل دلوقتي هيبقي عندنا محطات كهربائية تعمل بالطاقة الذرية ده جميل ولازم يتم وارجوا ان ميكنش محطة أي احنا محتاجين في رأي أنا 25محطة
د/عمروعبدالسميع : 25 محطة ؟
د/ محمد النشائي : والموضوع ده يأخذ 25 سنة على الأقل للدراسة والعمل لما توصل الى الخبر ده للأسف بقي الأخبار السيئة الموضوع جه متأخر حوالي 25 سنة نتيجة لإخطار وأنا أسف لان ده تخصص ومهما كان الناس سياسيا أعلى مني بكثير يعني ناس سفراء سابقين لهم في الأمم المتحدة ويروحوا ويجوا يعني على سبيل المثال دكتور البرادعي وهو رجل فاضل بدون شك لكن هو مش عالم الناس بتفتكر علشان هو مسئول عن الطاقة الذرية ده عالم
د/عمروعبدالسميع : كان مسئول ؟
د/ محمد النشائي : لا هو دبلوماسي من وزارة الخارجية لكن أنا بقي عارف أنا بول ايه فطبعا كانت هناك أشياء ومعلومات خاطئة أعطت للدولة بحيث ان القرار لم يكن على المستوي
د/عمروعبدالسميع : زي ايه مثلا ؟
د/ محمد النشائي : أنت عارف ان السادات الله يرحمه الرئيس السادات كان عنده مشروع كبير ورضي انه يمضي المعاهدة بتاعت منع الانتشار النووي وتنفيذ مصر بينما إسرائيل أديها مفتوحة في كل الاتجاهات علشان يبني 15 أو 8 مش فاكر العدد بالظبط محطات نووية ومضينا ودي كانت برضه من الحركات الرائعة لذكاء ثعلب الصحراء الحقيقي اللي هو السادات مش روميل في رأي أنا وبعد كده بعد ما مضينا لم نبني دفعنا الثمن وما خدناش البضاعة وعلشان كده أنا برجوا ان احنا معدناش نمضي تاني
د/عمروعبدالسميع : في رأي حضرتك ان واقعة تشرنوبل المفاعل النووي السوفيتي الذي تشرب منه الإشعاع أدت الى تأخر مصرأو ترددها في هذا السياق شوية ؟
د/ محمد النشائي: ما هو ده يسهل أنا عالم ميهمنيش الحاجات دي ليه تشرنوبل دي كانت في أوكرانيا أوكرانيا كانت الابن بتاع بعامل معاملة مرا الأب بالنسبة لباقي الاتحاد السوفيتي وانفصلت وبقت دولة مختلفة دلوقتي عن روسيا يعني تشرنوبل إذا هو حدثت فيه الحادثة دي ماكنتش تقدر تحصل الا تحت نظام اشتراكي أنت تعرف زي جهنم الاشتراكية لو لقوا الحطب مش هيلاقوا البنزين ولو لقوا البنزين مش بتشتغل فالموضوع ان أنت تقارن حاجة لا تقارن المفاعلات الحديثة اللي بتعملها كندا اللي بتعملها فرنسا دي وصلت الى كمية من الأمان ان المرور الموجود في مصر مضر بالصحة أكثر من أي تسرب بيحصل للمحطات دي أمريكا كان بيقال لي من رجل فاضل اعلم مني كثيرا في السياسة كان في نقاش ما بيني وبينه في الراديو وزعل مني وأنا مش قاصد لأني احترمه جدا لان بيقول إذا كانت أمريكا
د/عمروعبدالسميع : احنا برضه بنحب نعرف مين؟
د/ محمد النشائي : إذا كانت أمريكا
د/عمروعبدالسميع : مين الراجل الفاضل ده ؟
د/ محمد النشائي : أنت على فكرة يدخلني في مشاكل
د/عمروعبدالسميع : لا مفيش مشاكل على الإطلاق بس تعرف مين يعني ؟
د/ محمد النشائي : دكتور محمد شاكر
د/عمروعبدالسميع : دكتورمحمد شاكركان سفيرمصر قبل كده في بريطانيا وهو من اكبر العارفين في مصر بالشئون النووية
د/ محمد النشائي : وهو رجل فاضل في كل شيء من أحسن الناس اللي قابلتها
د/عمروعبدالسميع : بالقطع هو جالكم هنا قبل كده عن المجلس المصري للشئون الخارجية لما كان رئيسه
د/ محمد النشائي : بس أنا بختلف هنا لان أنا بتكلم أنا الحرفي أنا السمكري اللي عارف بالظبط المواسير راحة فين وجايه منين النقطة المفاعلات الذرية اللي هي موجودة النهاردة مفيهاش اى خطورة نهائيا فقال لأ ده أمريكا قالت ان فيها خطورة أمريكا أمريكا تلعب بالمفاهيم زي ما هي عاوزه
د/عمروعبدالسميع : فرق التكلفة ما بين أيام السادات دلوقتي اد ايه ؟
د/ محمد النشائي : لا مئات الملايين لكن النقطة ان زي ما بيقول ان النقطة ان أمريكا كانت مش عاوزة لسه تدخل لأسبابها هي علشان البترول وعلشان دولة غنية و اقوي دولة في العالم اللي بتقوله بتعمله فعلشان كده تلاعبت بالمفاهيم قالوا ان مثلا الأسلحة الذرية دي أسرار دي أكثر حاجة مفيهاش أسرار هي الأسلحة القنبلة الذرية أسهل حاجة في الدنيا قالوا ان مفيش داعي للمفاعلات لان دي خطيرة على البيئة دول بيخلوا مجلات عالمية تكتب مقالات غلط علشان يواجهوا العالم في اتجاه غلط
د/عمروعبدالسميع : يستدرجوهم ؟
د/ محمد النشائي : دلوقتي بقي باراك اوباما على الولايات المتحدة المفاعلات مفاعلات قديمة مش حتي المفاعلات الحديثة اللي بتحصل عليها لذلك القرار معالي دكتورمحمد شاكر قل دي أمريكا احنا نخالف أمريكا آه نخالفها لان أنا فاهم والكلام اللي هو جاي من عندهم ده كلام مدسوس عليه علشان يربط لي مخي أنت عارف التجار لما يربطوا مخ بعض علشان يلعبوا بعض في التجارة فده ربط مخ المهم يكون عندي العالم اللي عنده ثقة فأمريكا تقول زي ما تقول ده غلط هو ده الاتجاه الصح وأنا بقول دلوقتي وبكل شدة الاتجاه اللي وره لنا السيد الرئيس عن العصر النووي مصر تدخله بكل قوة ضبعه غير ضبعه ده كلام يزعجني جدا احنا مش هنعكل محطة واحدة احنا عاوزين كذا محطة وعلشان ايه علشان تحليه الميه احنا محتاجين لتحليه أنت شوفت أزمة نهر النيل نستني 25 سنة تاني لنفاجأ بأزمة مشابه أفظع يمكن ظروفنا السياسية اقل
د/عمروعبدالسميع : محتاجون الى عشرات المحطات النووية ونتواصل بعد الفاصل
فاصل
د/عمروعبدالسميع :