أحمد السقا : عايزين جمعة للعمل

وجه النجم أحمد السقا رسالة لجمهوره عبر مدونته الشخصية يقول : " شوفتوا عملنا كام جمعه من أيام الثورة؟؟ ... جمعه الغضب، والرحيل، والصمود، والجيش، والفتنه الطائفية، والوحدة الفولاذية، و... و... و... أنا بأتحداكم جميعاً أننا نعمل جمعة ومليونية للعمل ... كله يروح شغله يوم الجمعة ويشتغل ببلاش ويخلص الحاجات اللي وراه ... عارفين جمعة زى دي تفرق أد إيه في إقتصاد البلد، وفي روحنا، وتوجهاتنا، وإثبات حقيقي لحبنا لمصر وتكمله صحيحة لثورة 25 يناير .
مصر أهم من أى حاجه متفكرش فى نفسك فكر فى بلدك لأن خير البلد هيعود عليك فكر وطور وإشتغل زيادة ... إنتج إتعب وفى الآخر مصر اللى هتردلك الجميل محتاجين فعل مش كلام مصر محتاجه نبنيها تانى علشانك وعلشانى وعلشان أخواتنا وأولادنا وأهلنا علشان تحس بالأمان بس مع الفرق أمان مع إقتصاد قوى لو بتحب مصر بجد أكيد هتنفذ الكلام دا وهتقول لأصحابك يعملو كده .
عملنا الثورة وكمان لازم نعمل حاجه لمصر.. نضفنا البلد من الحرامية ومازلنا هنضفها من أى مرتشى وحرامى بيسرق خير بلدنا ... لو عجبك الكلام ده إتحرك وأنشرها " .