حدث في مكتب نائب عام جماعة الإخوان ورئيسهم مرسي

هذه القصه حدثت في مكتب النائب العام امس اثناء تقديم المحامين عن حمادة المصري تظلم للنائب العام يرويها محمد صبحي، محامي المعتقل "حمادة المصري" ورئيس اللجنة القانونية بحركة شباب 6 ابريل الجبهة الديمقراطية
شهاده اشهدها امام الله
امبارح المفروض كان يتم نظر تجديد حبس الناشط حماده المصرى
عرفنا امبارح انه اتلفقله قضيه تانيه وهو جوه الحبس واتحقق معاه فى نيابه الضرب الاحمر واخد حبس ايام
وعرفنا كمان ان حماده مش جاى تجديد حبس فى نفس اليوم وهاينزل تانى يوم
المهم مكناش متأكدين حماده هايتعرض امتى وفين والنيابه بتقول ماعرفش
المهم تقدمت انا ومجموعه من زملائى بطلبين للنائب العام يحملون ارقام 2646 و 2660 لسنه 2013 عرائض نائب عام كنت بطلب فيهم تحديد ميعاد ومكان تجديد حبس الناشط وكان محبسه وتصوير القضيه الملفقه الخاصه بنيابه الدرب الاحمر وطلب التحقيق مع رئيس نيابه الدرب الاحمر لامتناعه عن تطبيق القانون
تقابلنا مع السيد النائب العام المساعد حسن ياسين وقمنا باطلاعه على طلباتنا واثناء ذلك دخل شخص طويل وعريض وبيزعق لمدير مكتب النائب العام وبيقوله هو انت على رجليك نقش الحنه انت تجيلى هنا بسرعه ودخل مكتب حسن ياسين ومعاه اتنين حرس بسلاح وساعتها احنا عرفنا انه مندوب رئاسه الجهموريه
الغريب فى الموضوع ان حسن ياسين قام بسرعه جرى ناحيه الباب وقابله احسن استقبال لدرجه انه نسى ان احنا قاعدين وماعملش حسابنا، ومندوب رئاسه الجمهوريه حط ايده على كتفه وبيقوله القضيتين دول يخلصوا قاله ياباشا اكتبلى بيهم تظلم دلوقتى ونخلصهم
مندوب الرئاسه اتعصب جدا وقاله انا اللى هاكتب التظلم؟
على افور طلب حسن السكرتير الخاص بتاعه وقاله اكتبلى التظلمين دول وحصل وخلصوا القضيتين
الجدير بالذكر انى حبيت اتكلم مع مندوب رئاسه الجمهوريه انا والزميل محمود صلاح المحامى فضحكناله وقلناله كويس انك بتتعامل معاهم كده اصل الراجل مدير مكتب النائب العام فعلا راجل مش محترم لكن النائب العام والنائب المساعد محترمين وقلناله قصه مش حقيقية عشان يفتكر اننا بنشتكيله قالنا رئيس النيابه اللى مزعلكم انقلهلكم الصعيد
اقسم بالله العظيم الكلام ده كله حصل فى مكتب النائب ( الخاص ) نائب الجماعه المستشار طلعت عبد الله