بكاء آيتن عامر بحرقة لهذا السبب في برنامج "العرافة" مع بسمة وهبة

حلت الفنانة أيتن عامر ضيفة على برنامج "العرافة" تقديم بسمة وهبة ويعرض يوميًا طوال شهر رمضان على قناة "النهار".
وتطرقت "أيتن" للعديد من الموضوعات منها طلاقها، ومشاريعها الفنية خلال الفترة المقبلة، وعن علاقتها بنجوم الوسط الفني، إلى جانب ظهورها الدائم على السوشيال ميديا وتفاعلها مع متابعيها وجمهورها.
وسألتها "بسمة": "الفنانة وفاء عامر أختك طلعت في برنامج قالت جملة الحقيقة غريبة ومريبة والناس كلها كانت حاسه انها بتلقح بالكلام عليكي أو تقصدك قالت بالظبط كده محمد ربنا يسعده ويكرمه وهو شخص كويس ليه بقى كل اللي حصل ده لما هو كويس بتقول لمين وفاء الكلام ده؟".
وردت عليها "أيتن عامر" قائلة: "هي بتقول للناس لأن بعد الانفصال انا كنت رافضة تمامًا أتكلم في الموضوع عشان أنا طول عمري مبحبش حياتي الشخصية تبقى على المشاع دايمًا عندي مساحة من الخصوصية بحب احترمها، وفاء لما قالت بني ادم كويس هو فعلا بني ادم كويس وإلا ماكنتش ارتبط بيه من الأول والخلاف حصل فين هرجع وأقولك جملتي الشهيرة اللي الناس انتقدوني عليها لما قولتها لياسمين عبد العزيز الناس مالهاش علاقة انتوا اتطلقتوا ليه ربنا يسعدك ويسعدوا ويكتب لكم الخير".
واستكملت: "وده اللي كنت مستنية الناس يقولوهولي أنا لكن هو للأسف طالته انتقادات وأنا كمان حتى هذه اللحظة وانا قربت اكمل سنتين على الانفصال، وتجربة الطلاق دي من أبشع التجارب اللي ممكن ست تمر بيها في حياتها ومن أصعب التجارب، والست ممكن تبقى بتنور بعد الطلاق بس مش عشان أتطلقت هي كانت منورة من قبل الطلاق ولكن في فترة ممكن الست تبقى استنزفت فيها وابتدت تحس انها بتفقد جزء من سلامها النفسي من صحتها من عقلها فلما بيحصل الطلاق الست بترجع تاني تنور زي ما كانت منورة قبل لكن الطلاق ده حدث جلل".
وأضافت: "الفكرة كلها مش حاجة كويسة أن حد يفقد حد من عائلته وبعدين احنا ازاي نفرح لما نعرف ان واحدة اتطلقت والناس عامة بتبص للست المطلقة إن هي بقت بتهتم بنفسها اكتر بس محدش شاف وحدتها بالليل مفيش ونسها مفيش سكنها، والموضوع صعب مش سهل وبيختلف من قوة بني أدمة للتانية بس الناس دايما مبتقباش شايفة غير الظاهر وتجربة صعبة طبعًا".
اقرأ أيضا:
50 صورة من حفلات سحور النجوم.. مي عمر وبسمة بوسيل ويسرا الأبرز