تأثر شيرين رضا خلال حديثها عن أحمد زكي: "وحشني أوي ومفتقداه"

أكدت الفنانة شيرين رضا، أنها تفتقد بشدة الفنان الراحل أحمد زكي، قائلة: "وحشني أوي لأننا كنا صحاب جدًا وكنت بحبه وبحب أقعد معاه"، مضيفة: "مرة رحت أقعد معاها وزرته في البيت، وكنا هنتغدى وهنتفرج على فيلم السادات والفيلم أصلًا طويل، وهو كان مهتم جدًا بكل تفصيله عملها وقعدنا نتفرج على الفيلم دا 6 ساعات وكل شويه يوقف ويشرح كل مشهد وكان بيحب اللي بيعمله وكنت على طول معاه في الآخر".
وقالت "شيرين" في حوارها لبرنامج "أنا والقناع" والذي تقدمه الإعلامية منى عبد الوهاب، على فضائية "الحياة"، مساء الأحد، إن أحمد زكي كان يحب ما يعمله أكتر مما نتخيله، موضحة: "في أواخر أيام أحمد زكي كنت على طول معاه وكان لازم أروح كل يوم لأني أنا اللي بزعق فيه وبخليه يتمشى معايا شوية، لأنه مكنش بيسمع كلام حد".
وعن حياتها الشخصية، تابعت: "لا أحب لبس قناع الزعل لأني مش بحب النكد، وكان فيه واحده صاحبتي عزيزة عليا وقعت من نظري بسبب التصرفات، ولما حد بيجرحني بلومه لما يكون فارق معايا، وبحب أشوف الجمهور شايفني إزاي، وأنا في المجال ده عشان الناس".
يذكر أن برنامج "أنا والقناع" هو برنامج رمضاني تقدمه الإعلامية منى عبدالوهاب ويُعرض على قناتي الحياة وcbc ضمن خريطة الشركة المُتحدة للخدمات الإعلامية وإنتاج شركة DS+، ويستضيف عدد من الفنانين، مثل النجمة يسرا والنجمة غادة عادل والنجمة نيللي كريم والنجم شريف منير وشيماء سيف والنجم الكبير محيي إسماعيل وبيومي فؤاد وريهام عبد الغفور.