من ذوي الاحتياجات الخاصة.. ريما الرحباني تكشف حقيقة تعمد فيروز إخفاء نجلها

شنت المخرجة ريما الرحباني، هجوما حادا على ما تردد بشأن قيام والدتها المطربة الكبيرة فيروز، بإخفاء شقيقها "هلي" الذي يعد من ذوي الاحتياجات الخاصة، عن الإعلام، قبل ظهوره مؤخرا في قداس الذكرى 36 لرحيل والدهما الموسيقار عاصي الرحباني.
ريما، عبر صفحتها في موقع فيسبوك، شنت هجومها، وكتبت: "أعداء الخير، هيدي هلق إِنْسرت زغير.. بكندا، للتذكير إنّو هلي أخوي، مارق عندي على الصفحة قبل إذا حدا متابع، هلق اللي ما يتابع مشكلته، أكيد فاته شيء بس أكيد اللي بيهم بالموضوع، ما يبقى يتّهم غيرو بأفعال لا بتخطر لا ببال ولا بخاطر، آه ما لا بتخطر بخاطر مطلقيها لأن هنّي كانوا هيك تصرفوا، بيفكروا الكل مثلهم عديمي الأخلاق".
وأوضحت ريما: "أنا ما قلت مقابل كل فرح في وجع!، أنا قلت اللي كانوا يجاوبوني هيك جواب وغيرو ما كانوا يقنعوني، وبس تقلّكن قدّيه كلّكن بعاد عن الحقيقة اللي قلتا والفهم، وبالمُختصر الشديد لأن ما بتحبّوا القراية فوق الدكّة، بالمختصر الأقصى اللي يختصر البوست قصدت قول (هلي مش صليب هلي نعمة بوجوده معنا وحدنا، ومش نحنا خدمناه هو خدمنا، أوضح شوية، هلي من أوّل يوم ولغاية هاللحظات ولآخر يوم، مثله مثلنا بكل شيىء بل أكثر)".
وتابعت: "وما عاوزين تحليلاتكم ولا سخافاتكم ولا تدحشوا مناخيركم مطرح، ما لازم تدحشوها وما بيخصّكن ولا عاوزين تعاطفكم ولا شفقة حدا، اللي أشفق عليه فعلاً هوّ إنتو كلّكن سوى قشّة لفّة".
وعن ما تردد عن اختفاء والدتها المطربة فيروز، لنجلها "هلي"، كتبت ريما: "قال (أخفته عن الإعلام) قال، يا ساتر أي يجوز معوّدين أنتوا على اللي بيدلّل على مشاكله وبيستعطِف الناس، وبيشحت على حاله، أي لا ما حذرتوا، وبعدين مين تكونوا جنابكُن حتى نخفي أوما نخفي أي شيء عنكُم؟ شو ستار أاكاديمي؟ أو عنّا فحص بشي مادة مثلاً؟".
المخرجة اللبنانية ريما الرحبانية، اختتمت بنشر روابط فيديوهات تنفي بالصور، ما تردد عن إخفاء شقيقها، وكتبت: "اوعى حدا يفكّر إنّي معصّبة بالعَكس تماماً، متعودة على هالمستوى من اللَتْ والعجن وبِستغرِب كتير إذا تغيّر، شاهد بالتواريخ حقيقة تسريب، بعض الغموض وانظروا ماذا فعل! حصريًّا على هذه الروابط".
"هالي الرحباني" البالغ من العمر 64 عاما، ظهر في مجموعة صور نشرتها شقيقته المخرجة ريما الرحباني، الأسبوع الماضي بصحبة والدته المطربة الكبيرة فيروز، وشقيقه الموسيقار زياد الرحباني، في القداس الذي أقيم بمناسبة الذكرى 36 لرحيل الموسيقار عاصي الرحباني.
وولد "هالي"، وهو يعاني من إعاقة ذهنية، وأكد الأطباء لوالدته المطربة فيروز، أنه لن يعيش إلا 8 سنوات فقط، إلا أنه أكمل حياته ويعيش حاليا على كرسي متحرك.