حنان ترك: "صعب عليا نفسي من أصحابي ومعقولة نسيوني للدرجة دي" (فيديو)

قالت الفنانة حنان ترك إنها شعرت بضيق بسبب اعتقاد بعض أصدقائها ومن كانوا مقربين منها، بأن ما تنشره الصفحات الغير موثقة والتي تنتحل شخصيتها صادر بالفعل عنها.
وأضافت في فيديو بث مباشر خرجت به على جمهورها عبر صفحتها الرسمية بموقع "فيسبوك": "صعب عليا نفسي أوي أوي لما أصحابي وحبايبي اللي يعرفوني كويس زعلوا مني، من حاجات أنا ماليش علاقة بيها وعمري ما قلتها، اتاخدت كده من جوايا معقولة نسيوني أوي للدرجة دي ممكن يفتكروا اني ممكن أقول الكلام ده، خدت على خاطري منهم جامد، الحمد لله عرفت أوثق الصفحة بتاعتي وكل الصفحات التانية معظمها تراجعوا وغيروا الاسم".
وتابعت حنان "أنا مش هسكت خالص ولو حد عنده الشجاعة الأدبية وكتب أي بوست يلغي البوست ده ويشيله تماما لان هبتدي اخد إجراءات".
وأشارت إلى إطلاقها قناة باسمها على موقع "يوتيوب"، موضحة "عملت قناة على يوتيوب مفيهاش حاجة بس بحاول أتواصل معاكم عليها، اللي عنده أي أسئلة وحابب يكلمني نتواصل عليها ونتكلم مع بعض أحسن من اننا نصدق أكاذيب بتتقال في أماكن تانية، صحيح وقتي ضيق لإني في غربة والأولاد مسئوليتي بس هلاقي وقت إن شاء الله".
جدير بالذكر أن حنان ترك ارتدت الحجاب وعملت لفترة به في عدة أعمال فنية سينمائية وتليفزيونية، إلا أنها أعلنت اعتزالها التام للتمثيل، وذلك عبر برنامج "أنا والعسل" الذي كان يقدمه الإعلامي اللبناني نيشان على قناة الحياة آنذاك.