حنان ترك: صحابي زعلوا مني وصعبت عليا نفسي.. والحمد لله ربنا نصفني

أعربت الفنانة حنان ترك عن حزنها الكبير بسبب تصديق أصدقائها المنشورات التي تداولت الفترة الماضية على صفحات مزيفة انتحلت اسمها وكتبت أمور غير حقيقية قائلة خلال بث مباشر على صفحتها الرسمية بموقع التواصل الاجتماعى "فيس بوك".

وقالت: "صعبت عليا نفسى أوى ان ناس صحابى زعلوا منى عشان منشورات على مواقع التواصل الاجتماعى أنا مليش علاقة بيها وعمرى ما قلتها، وقلت معقولة نسيونى للدرجة دى وممكن يفتكروا انى قلت الكلام ده، وأخدت على خاطرى منهم ولكن الحمد لله ان ربنا نصفنى وقدرت اوثق الصفحة بتاعتى".


وأضافت حنان ترك: "الصفحات التانية اللى كانت باسمى بدأت تتراجع، وانا عاوزة أقول لأى شخص كتب حاجة باسمى يحذف البوست لأنى هابدأ أخد إجراءات، وعايز أقول انى كمان عملت قناة على اليوتيوب مفيهاش لسه حاجة ولكن سنتواصل من خلالها في بث مباشر واتكلم في شوية حاجات عنى وعن اولادى رغم ان وقتى ضيق لأنى في غربة وولادى مسؤوليتي".

وكانت الفنانة حنان ترك نشرت تدوينة على حسابها الرسمى بموقع التدوينات "تويتر" كتبت خلالها: "فى صفحات كتير بتتكلم باسمي وانا غير مسؤولة عنها حبيت اعملكو فيديو مباشر من صفحتي الرسمية على الفيسبوك للتوضيح ".