بالفيديو| أزمة نسب جديدة ل أحمد الفيشاوي.. والدة ابنته "لينا" تكشف التفاصيل

عبر برنامج منصات المعروض على سكاي نيوز عربية، تحدثت هند الحناوي، والدة لينا أحمد الفيشاوي، عن ابن جديد له، وقضية نسب في طريقها للمحاكم المصرية، ترفعها سيدة ألمانية هي والدة طفل يُدعى "تيتوس"، وتؤكد نسبه للفيشاوي، عمره الآن 8 سنوات تقريبًا.
بدأت الحكاية في الظهور مع نشر لينا صورة تجمعها بتيتوس، أخيها غير الشقيق، عبر حسابها الشخصي على موقع "إنستجرام"، وتردد أن أحمد تعرف على الفتاة الألمانية قبل عشر سنوات تقريبًا أثناء تواجد والدته الفنانة سمية الألفي في رحلة علاج خارج مصر.
هند الحناوي، قالت "بدأت القصة من حوالي تسع سنين، بنتي بتروح لباباها وتتعرف على ناس، اتعرفت على واحدة المفروض إنها مراته، وبعدين البنت دي مشيت وهي حامل إحنا بعتنا لها إيميل عشان أتواصل معاها، عشان أخو بنتي ويتعرفوا على بعض، مردتش بس من سنة ظهرت على إنستجرام، وقالتلي أحب الإخوات يتعرفوا على بعض وجم زارونا فعلا".
أضافت هند "في الوقت ده كانت الأم رافضة الولد يطلع في أي صور، لينا كانت زعلانة من ده وحابة تحط صور أخوها، ومن حوالي أسبوعين ردوا علينا تاني وإنهم موافقين نحط الصور وهيجوا يزورونا تاني".
وأكدت أن التفاصيل عند المحامي هو من يملك الكشف عن أي شيء يخص القضية، والخطوات المُقبلة "هي طلبت مني المساعدة ومش من حقي أقول تفاصيل".
وعن قضية النفقة التي رفعتها وآخر تفاصيلها، أوضحت "القضايا بدأت أول ما سافرت إنجلترا، وعدني ينفق على تعليمها، القضايا لسه ماشية لحد دلوقتي القضايا لا تنتهي، اللي بيحصل إننا بندخل مدرسة وندفع المصاريف ونقدم فواتير للمحكمة عشان هو يدفع، الموضوع هيفضل مستمر هو مدفعش لسه".
واختتمت بإعلانها نية كتابة مذكراتها: "مش حكايتي الشخصية دي حكاية مجتمع كامل بيدفن راسه في التراب، هتاخد وقت لحد ما تتنشر لأنه عمل كبير، والمشروع الأهم بالنسبة لي إن لينا تدخل الجامعة".
جدير بالذكر أن مشاكل كثيرة أثيرت في علاقة هند وأحمد الفيشاوي منذ بدايتها، حتى تم الاعتراف بنسب ابنته، لكن عادت المشاكل مرة ثانية بسبب نفقة البنت ومصاريف تعليمها، خاصة بعد سفر هند وابنتها لإنجلترا.
View this post on Instagram
A post shared by سكاي نيوز عربية (@skynewsarabia) on Jun 12, 2020 at 8:52am PDT