في عيد ميلادها ال 33 سالي عبد السلام :"عيانة وحرارتي 39"

وجهت المذيعة سالي عبد السلام رسالة لجمهورها بمناسبة عيد ميلادها ال 33، ونشرت صورة لها، عبر صفحتها الشخصية بموقع تبادل الصور "إنستجرام".
وكتبت قائلة:" مش أنا عيد ميلادي النهاردة عيانة ومعرفتش أحط صورة جديدة! برد ودرجة حرارتي 39 وعندى تصوير 8 الصبح! لا مكنش نفسى نبتدى كدة الحمدلله".
وتابعت:" في عيد ميلادي ال33 دي أحلى هدية منكم ليا ..500 ألف متابع نص مليون دعوة حلوة غيرت قدري كذا مرة، على فكرة لما طلبت منكم دعوة حصل الدعاء يغير الأقدار".
وأضافت:" بوسة مني على رأس كل واحد فيكم.. شكراً لكل الحب ده، اللهم حبب فينا خلقك، شكراً دي حاجة بتباهى بيها وبتحسد عليها".
وأكملت:" السنة دي شفت فيها اكتر من أي سنة اتعلمت..اتفرجت..اتوجعت..بس عمرى ما ندمت عشان معايا ربى، وربما كانت دعوة وأصرف عنى شر ما قضيت..كل حد أو حاجة شايلالى حقد وكره ابعدني عنها يا رب ".
واختتمت كلامها:"إنتوا على رأسى شكراً لنص مليون فولور حقيقى! شكراً لنص مليون دعوة! شكراً لنص مليون فرحة ربى يسعدكم".