السيسي: "الفارق كان كبيرًا لإسرائيل والمعركة كانت خسرانة بالحسابات"

قال الرئيس عبدالفتاح السيسي، إن الرئيس السادات كان صاحب قرار كبير نقدره حتى الآن، والتاريخ يذكره دائما، لأنه أخذ القرار في ظل مقارنة قوات ليست في صالحنا.
وأضاف السيسي، خلال الندوة التثقيفية التاسعة والعشرين للقوات المسلحة "أكتوبر تواصل الأجيال" بمركز المنارة للمؤتمرات، اليوم الخميس: "الناس لازم تعرف قد إيه قادة الجيش كانوا عارفين إن فرق القوة كان كبير قوي لصالح الخصم، ورغم ذلك معركة بكل المعايير بكل الحسابات خسرانة، ياريت نجيب مقالات اتكتبت في الوقت ده ونشوفها".
وتابع الرئيس: "في مقال للكاتب الراحل العظيم محمد حسنين هيكل، بيتكلم عن تحديات العبور، تضمن تفاصيل كثيرة عن قدرة خط بارليف في منع عبور أي قوات مصرية، الأمر احتاج قنبلة ذرية لكن إحنا معندناش قنبلة ذرية، عايز أقول إن القيادة السياسية في الوقت ده كانت مضغوطة جدًا بعدم اكتمال الصورة في نفوس الناس، وده أكبر تحدي هيقابل أي قائد في أي وقت، إن الصورة غير مكتملة في عقول كل الناس، حشد الناس يتطلب معرفة التفاصيل والواقع الحقيقي".
وأوضح الرئيس: "لو نزلت واتخذت قرار بالحرب وفشلنا مين اللي هيدفع التمن اللي عمل المظاهرة ولا اللي أخد القرار، بتكلم عن تظاهرات الطلاب للمشاركة في الحرب، ضغطت على القيادة في وقت غير مناسب لاتخاذ قرار غير مناسب، الناس مداقتش واقع الهزيمة في 1967 وما بعدها، الناس كانت بتعاني وكان الشباب بيدخل الجيش تحت السلاح ميقلش عن مليون شاب، مكنش عندهم أمل يخرجوا من الجيش إلا لما تنتهي المعركة".