بعد الهجوم عليه.. محمود العسيلي ينفي عن نفسه تهمة الغرور

تعرض الفنان محمود العسيلي، خلال الساعات القليلة الماضية، لهجوم شديد على مواقع التواصل الاجتماعي، بعد نشره تغريدة على حسابه الرسمي على موقع "تويتر"، كتب فيها "الإخوة اللي عايزين يبقوا ملحنين أو شعراء اللي بيبعتوا على الواتس اب الخاص ويكلمك فجأة على انه متربي معاك وإنكو كنتوا مع بعض في المدرسة، ويبعتلك أغاني، وسبحان الله كلهم الجو بتاعك ولايقيين عليك وباعتهملك مخصوص.. بلوك مع جزيل الشكر".
واستقبلت التغريدة السابقة الكثير من التعليقات التي انتقدت طريقة العسيلي في الحديث عمن يحاولون الكشف عن موهبتهم في الشعر أو التلحين، ويحاولون التواصل معه، وهو ما جعل العسيلي يقوم بتوضيح قصده مما كتب "بالنسبة للهجوم الرهيب.. للتويتة السابقة.. والناس اللي بتسخن على أي حاجة.. كل اللي اقصده، هو غزو الخصوصية على نمرة تليفوني الشخصية".
ولم تكن التغريدة السابقة كافية للحد من الهجوم الذي طاله، ومحاولة لتوضيح الأمر بصورة أفضل، نشر رسالة في 3 تغريدات، جاءت على النحو التالي:
- "واضح من رد الفعل على التويتة الأخيرة إن الناس مبتفهمش يعني ايه خصوصية بني آدم، ومش فاهمين بردو الفئة اللي انا بتكلم عليها من الناس اللي بتطاردك على تليفونك والواتس اب بتاعك، بشكل جنوني وطلعت أنا جالد المواهب الشابة ومغرور وتنك وشايف نفسي ومدعي".
- "كتير نصحوني إني مردش خصوصا بعد الكم الرهيب من قلة الأدب والسفالة والسواد اللي شوفته في الريبلايز.. عمر ما كان الجري ورا حلمك ويخليك تعترض خصوصية غيرك بالشكل دا.. ودا اللي خلاني اكتب التويتة الأولانية.. عارف ان الموضوع صعب بس في طرق تانية توصلك".
- "الحمد لله رب العالمين انا أي حد موهوب بجد وبيوصلي شغله بطريقة محترمة بجد بحاول أساعده وأقوله رأيي واشوفله سكك مختلفة حتى لو شغله مش مناسبني فنيا.. على فكرة الميل بتاعي موجود وبرد عليه وحاطه هنا وعلى الإنستجرام وشكرًا".
جدير بالذكر أن العسيلي طرح مؤخرًا أغنيته الجديدة "ولاد اللذينة"، والتي يتعاون فيها مع المطرب الشعبي عبدالباسط حمودة.