ماهينور المصري بعد إخلاء سبيلها : مش خايفين ومكملين

طالبت الناشطة السياسية ماهينور المصري بضرورة استمرار الضغط لخروج كل السجناء والمعتقلين في مصر، مؤكدة أن قرار وقف تنفيذ الحكم الصادر ضدها بخرق قانون التظاهر وإخلاء سبيلها هو مسيس لتحسين صورة النظام المصري حسب قولها.
وقالت المصري في تدوينة عبر صفحتها على موقع التواصل الاجتماعي "الفيس بوك" اليوم الإثنين :" عدنا بعد التايم شير في بورتو الابعدية ...و معلش حقرفكم تاني .. أول لما عرفت موضوع وقف التنفيذ انتابني شعور بالرعب شديد .. الحقيقة إن لما قررت أحضر جلسة معارضتي كانت عشان نبين مش بس ظلم قانون التظاهر و لكن كمان عشان نبين للناس إن النظام مش بس استبدادي و لكن كمان مش عارف بيعمل ايه".
وتابعت :"طبعا ناس حتقولي خللي عند اهلك دم دول لسة مطلعينك و الحقيقة ده موضوع بياكد وجهة نظرنا ان الموضوع كله مسيس و مالوش دعوة لا بقانون و لا بجلب استقرار لأنهم بكل بساطة عايزين يعملونا وردة في عروة الجاكيت للنظام يطلعوا كام شخص برة السجن و كان النظام ديمقراطي في حين أن فيه آلاف في السجون .. أصل ايه المنطق أن لؤي و عمر حاذق و اسلام حسنين و ناصر أبو الحمد يتايد عليهم الحكم بسنتين و انا انزل ل 6 شهور و بعدين آخد وقف تنفيذ مع اننا في نفس المركز القانوني !!".
وأضافت الناشطة السياسية :" المهم إن طبعا الضغط اللي عملاه حملات زي جبنا اخرنا و الأمعاء الخاوية بيجيب تأثير و لازم نضغط لإخراج كل المعتقلين المظاليم الحرية لعمر حاذق و لؤي القهوجي و اسلام حسنين و ناصر أبو الحمد و محمد سلطان و محمود نصر و دومة و عادل و ماهر و أمام و ابراهيم اليماني و سناء سيف و سار سلام و ناهد بيبو و سماح سمير و اسماء حمدي و هنادي محمود و الاء محمد و عفاف أحمد و رفيدة إبراهيم و فاطمة نصار و هبة سامي و السيدة فودة و وداد كمال .. الحرية لكل المعتقلين .. لا تخافوا من الذين يحبسون الجسد .. مش خايفين و مكملين".
يُذكر أن أمرت حكمة جنح مستأنف المنشية، أمس الأحد، بوقف تنفيذ الحكم على الناشطة السياسية ماهينور المصري، بالحبس لمدة 6 أشهر وغرامة 50 ألف جنيه، وذلك في تهمة خرقها قانون تنظيم التظاهر، لحين النظر في طعن الدفاع.