بالفيديو ..طارق الشيخ: ''فرقة سعد الصغير بتسرق موبيلات في الأفراح''

حلّ المطرب الشعبي طارق الشيخ، ضيفا على برنامج المقالب ''من غير زعل''، السبت، والذي تقدمه ريهام السعيد بالاشتراك مع المطرب سعد الصغير على فضائية ''النهار''.
وبدأت الحلقة باتهام سعد الصغير ل الشيخ بتعاطيه للمخدرات حتى يستطيع القيام بالغناء فى الأفراح، قائلا: ''أثناء مقابلتى بمتعهدين الحفلات بحاول احسن صورته أمامهم وبضطر أكدب عليهم و أقول كلام كويس فى حقه'' ورد الشيخ قائلا: ''غصبا عنك تتكلم عنى كويس , ولو هناك عشره مثلك هيتكلموا عنى كويس لأنى تاريخ كبير''.
وقال الصغير ''أنا خريج معهد الكونسرفتوار وأمتلك كارنية اعتماد من الإذاعة والتلفزيون، فرد الشيخ موجها كلامه لسعد ''أنت خريج معهد المؤسسة ومعاك كارنية فى الطبل والرقص''.
وقال سعد: ''أنت ناسى يا طارق لما الناس كانوا بينادوك باسم طارق دلعوا، ونسيت لما خدتك تسلم على الفنان محمود عبد العزيز اللى عمرك ما حلمت تشوفه فى منامك, وفى النهاية أنا نجم سينمائى كبير وبحقق أعلى الايرادات اللى صعب عليك تحقيقها''.
فرد الشيخ غاضبا ''أنت فاكر نفسك أحمد السقا عشان تتكلم عن السينما والإيرادات, وأنت نسيت لما بتروح أى فرح فرقتك بتقوم بسرقة الموبيلات''.