محفوظ : أتمنى من الإسلاميين أن يعيدوا فهم دينهم قبل يتكلموا بأسمه

قالت الناشطة السياسية، أسماء محفوظ، أن كل ما تتمناه من التيار الإسلامي أن يعيد فهم ودراسة الدين الإسلامي مرة أخري، لتوصيله للناس بدون فتاوى شخصية قبل يتكلموا باسم الدين.
وأشارت ''محفوظ'' عبر حسابها الشخصي بموقع التواصل الاجتماعي ''تويتر''، إلي أنها لا تريد تعميم ذلك علي جميع رجال الدين، قائلةً: '' أنا مش بعمم بس اتخنقت من كتر الكلام في الحلال والحرام وكل واحد بدقن يفتي على مزاجه ويقولك بندافع عن الدين.. ما دينك ياعم بيكفل الحرية للآخرين''.
وتعجبت ''محفوظ'' من الشيوخ ورجال الدين الحالمين بالوصول للنموذج التركي، مضيفةً: ''كل ما تكلم حد في السياسة يكلمك عن النموذج التركي والحلم إننا نوصله.. لكن تيجي تتكلم عن الحريات يقولك حرام ومجتمعنا بيرفض، تركيا ايه بقى؟''.
وأضافت ''محفوظ'': '' إحنا بنورث ديننا عن أهالينا.. لكن هل فعلا فاهمين تعاليم ديننا؟ نفسي اللي عايزين يطبقوا الدين يفهموه للناس الأول من غير تأليف وفتي''.
وتابعت ''محفوظ'': '' نسبة كبيرة من المصريين بينصبوا وبيكدبوا وبيشتموا وبيشموا مخدرات وبيتحرشو بالبنات وبيعملو حاجات كتيير حرام ويقولك على غيره كفرة وعايزنها إسلامية.. في رجالة كل اللي همها من الإسلام يتجوز 4.. ويضربو مراتتهم ويقعدوا يشتمو في خلق الله وهما ماشيين في الشارع ويروحو الشغل يناموا ويقروا الجرنان''.