سوسن بدر : انا مستريحة جدا لما عملت باللوك الجديد.

علقت الفنانة سوسن بدر، على اللوك الجديد، الذي ظهرت به مؤخرا خلال لقائها ببرنامج "السفيرة عزيزة"، المذاع على فضائية "dmc"، الذي تقدمه الإعلاميتان جاسمين طه ونهى عبدالعزيز،قائلة: "بسيط جدا، ومستريحة جدا لما عملت كده".

وقال "بقالي فترة من ساعة ما ظهر الشعر الأبيض يبقى كتير مؤخرا، أنا شعري أبيض من وأنا في الثانوية وراثة في العيلة، فكل شوية أسيبه شوية وأقول لنفسي لية لأ، لية خايفة إذا كنت مبسوطة، أهم حاجة لما أبص في المراية أبقى مبسوطة اللي باسطك أعمليه".

وتابعت: "لما عملت مسلسل زي الشمس، الأحداث بتخلي الأم تهمل في نفسها فاسيباه طبيعي، كنت من غير مكياج وشعر طبيعي، بعد المسلسل روحت للكوافير قولته شيل كله، كان خايف، فقولتله شيل كل الغامق"، مستكملة: "نفسي أجرب اللوك ده بالشعر الطويل، متهيألي هيعمل شكل حلو".