محمد عبد المنعم يكتب : مأسآه

(اتين عاطلين قاعدين على القهوة )
- مالك ياعم كدة قافل وشك ليه على الصبح ?
ياعم سيبنى فى حالى واشرب شايك وانت ساكت انا قرفان ومش طايق نفسى
- ليه بس ياعم ايه اللى حصل ?
ياعنى انت مش شايف اللى احنا فيه الحاله بقت على الارض خالص وبنكح تراب انا رجلى ورمت من كتر اللف على الشغل ومش لاقى خلاص يئست ومبقاش معايا مليم ("دا حتى انت اللى هتحاسب على الشاى امال انا قاعد مستنيك ليه")
- ياعم انت جيت فى شاى
لامهو فيه كمان 20 جنيه بقالها اسبوع..
- ياعم وربنا انا عاطل زيك ("طاب انا عندى اقتراح ايه رايك هخليك رجل اعمال")
وحياه ابوك مش ناقصه شغل المخدرات دة على الصبح...
- ياعم بص هقولك حاجه .. هو احنا مش اجدادنا كانوا سايبلنا اثار وكدة ودى اللى بنفتخر بيها وبتاع اجدادنا ؟؟
ايوا ياعنى اعمل ايه ؟
- ياسطى احنا نبيع حته اثار ب30 مليون ونقوم راجعين عاملين شركه ("ونغسل اموالنا ونترشح فى مجلس الشعب بفلوسنا وهنبقا غنيييييييين اووووووى ")
- غنيييييييين اوى جتك وكسه ياعم لا دى شغلاااانه حراااااااااام والشيخ فى التلفزيون قال حراااام
- ياعم انت بتصدق التلفزيون ؟
لا يا عم
- طب انا عندى فكرة تانيه
قول يازفت اما نشوف
- ايه رايك نفتح مطعم وقهوة للملحدين ؟ عمالين بيزيدوا بقالهم فتره وهنكسب فلوووووس عنب ياسطى
ياعم لا اانا سمعت ان الحكومه بتقفلهم القهاوى بتاعهم وبعدين هنجبلهم اعشاب كافره منين لاياعم وبعدين بقولك شغلانه مش حراااااااااااااام اللى يخربيت اهلك انت ضارب ايه ("ياتقول حاجه عدله ياتقوم تحاسب وتسكت ")
- اعملك ايه ياعنى اجبلك شغل حلال منين ؟
خلاص اسكت القاعدة على القهوة حلوة
- بص بقا الفكرة دى حلال
الله يخربيتك قول ياعم
- احنا نبيع مخدرات ونعمل اعلانات على قناه الحياه او يعملولنا فيلم زى الاسطوره 69 دول اللى شغالين فى البلد وبيجيبوا فلوس
تعرف ياض ان انت فقعتهالى ("المرارة") قوم يابن التيييييييت من جنبى
- ياعم احمد ضيف الحساب على الواد دة وضيف عليهم ال20 جنيه
ماتشغلنى معاك ياعم احمد
- غور ياض
ودا بقى حال شباب كتير دلوقت نفسهم يوصلوا للى بيحلموا بيه بس مش لاقيين الفرصه لان الفرصه مبقتش بتاعتهم ، الفرصة بقت لتجار المخدرات وغيرهم اللى بيطلعوا على التلفزيون وبيروجوا لسلعتهم بكل امل وفخر .. للاسف الشباب خلاص بيدور على كوكب تانى ..... وياريتهم لاقيين
اعزلونا عن مدينتكم وهاتلونا كوكب تانى نمارس فيه البطاله زى مابنحلم بيها