تصريحات نارية لحارس الزرقا السابق بعد فسخ تعاقد المنصورة

تعليقا على خبرفسخ التعاقد بين مسئولين نادى المنصورة و اللاعب محمدعبد الوهاب حارس الزرقا سابقاوالبالغ من العمر 24 سنه قام بالتوقيع لمدة ثلاث سنوات لنادي المنصورة وانتقل حديثاً في صفقة إنتقال حر.
علق اللاعب عبر موقع التواصل الاجتماعى الفيس بوك قال (والله ياريت بس نكون متاكدين من الكلام ونقول الاسباب الحقيقه اولا السبب فى مده التعاقد ومقدم العقد وقيمته.. ثانيا رئيس النادى واعضاء مجلس الاداره واعضاء فى الجهاز الفنى كان على اتصال بى منذ اكتر من ثلاته اشهر .
وهم على علم باللى بيحصل معايا وعارفين اننى لا العب لسب سياسى ولبس سبب فنى لان هذا اخر موسم لى فى النادى والنادى كان واقفنى مش عن اللعب بس دا كان عن التمرين كمان عشان انى اجدد للنادى ولكنى رفضت وكان رد الناس اللى بتكلمنى احنا محتجينك متجددتشى واسالو برضو رئيس النادى لما عرف ان فيه انديه تانيه كبيره برضو عاوزه تتعاقد معايا قال ازاى احنا مكلمينك من زمان احنا اول ناس متكلمه معاك مينغعشى وكلام من هذا القبيل انتا معانا خلاص .. ولعلم انا اخر مباره انا اللى لعبها امام بلقاس .. ياريت نقول الحقيقه بس بدل ما نقول كلام مش حقيقى نقول مفيش نصيب وخلاص ,
ورداًعلى احد رواد الصفحه بما تم التعليق كان الرد الاخر له (لا والله يا افندم دا شرف ليا انى العب فى نادى المنصوره دا كفايا جماهيره العظيمه العاشقه والوفيه للنادى .. بس فيه ناس جوا النادى بصراحه بتشوه اسم النادى ومش عاوز اقول اللى حصل معايا عشان حصل حاجات كبيره وخطيره بس مش هقولها واحتفظ بيها لنفسى عشان مبحبش الاسلوب دا خلاص بقول محصلشى نصيب وخلاص .. اوكد تانى شرف ليا انى العب فى نادى المنصوره وحبى للكيان والجمهور العظيم بغض النظر عن الاشخاص اللى فى مجلس الاداره).
جدير بالذكر انه تم فسخ التعاقد مع اللاعب بسبب علم الجهاز الفني بقيادة ياسر الكناني بعدم مشاركة اللاعب منذ عامين بالملاعب ليتم على اثرها فسخ التعاقدبين الطرفين .