العباسية كلها علي الفيس بوك: يا حينا العريق العظيم سنمحي عنك العار و تعود العباسية في صف الثوار

صفحة "العباسية كلها على الفيس بوك" التي دعت إلى مسيرة "العباسية مش تكية" ترد على المشككين في أن المسيرة كمين للثوار ب احنا أصلا ثوار.
وكتب أدمن الصفحة الآتي:
بعد ما قريت اللي اقدر عليه من مشاركات الناس الكتيره أحب أوضح كام نقطه كده و ياريت تقروا الكلام كويس ...
- البيدج دى معموله من أكتر من سنة و ارائها معروفه من زمان و اللى بيشكك يقدر بمنتهى السهوله يرجع لبوستاتنا القديمه و يعرف بنفسه .
- احنا لا ننتمى لاى حزب او اى كيان سياسي و برضه تقدر ترجع لبوستاتنا القديمه و تتأكد بنفسك .
- لمن لا يفهم كلمه " مسيره " .. دى لا فتنه ولا محاوله الايقاع بين اهالى العباسيه ولا كل الكلام الكبير ده احنا نازلين هنقول راينا كل واحد ماسك فى ايده يافطه مش اكتر و مش هنحتك باى طرف تالى ولا تالت :)
- اللى إدانا الحق نتكلم باسم العباسيه اننا من اهلها و زهقنا من تعميم فكره ان العباسيه تابعه للمخلوع .. و هو نفس اللى اداهم الحق برضه يتكلمو باسم العباسيه .
- بالنسبه لاسم الصفحه اللى بتقولوا هيعمل فتنه .. اسم الصفحه كده من يوم ما اتعلمت و برضه تقدر تراجع من زمان .
- اللى بيقول ده كمين للثوار .. احب أأكد اننا اصلا ثوار :)
يوم الاثنين الساعة 4 العصر بإذن الله
مسيرة سلمية لأهالي العباسية داخل شوارع العباسية لتوصيل رسالة .. نتبرأ أمام العالم كله من من تهمة خيانة الثورة
كلنا هاننزل مع جيرانا و أصحابنا و اخواتنا و كل اللى ييجي يكتب اللى عاوز يقوله فى يافطة و يمسكها كلنا هنعبر عن نفسنا و عن رفضنا للى بيحصل كتروووو من اليفط مش عاوزين حد يتعرض لنا ، عشان كدا تعبيرنا الأكبر هيكون بالكتابة اكتر من الهتافات صوتنا هيوصل لكل وسائل الإعلام و كل مصر.. سلميه سلميه.
يا حيّنا العريق العظيم .... سنمحي عنك العار و تعود العباسية في صف الثوار
ووجهت الصفحة رسالة إلى توفيق عكاشة :
رسالة رقم 1 إلى الدكتور توفيق عكاشة :
إلزم حدودك .. من الآن و صاعدا العباسية محرمة عليك دخولها انت و اتباعك
لن تدنسوا العباسية مرة ثانية.. لقد طفح بنا الكيل و فاض
الا تخجل يا اخى .. ألا تنظر لنفسك فى المرآة
الم تفكر يوما فى حال ام الشهيد ؟ ابو الشهيد ؟
كانت الام تقوم تحضر الفطار لإبنها
و لكنها الآن تقوم لتدفن ابنها فى المقابر .. اليس لديك ذرة احساس
بأى عصر نعيش ؟.. فى اى زمن نحيا ؟
اقسم بربى لن انسى دم الشهداء
و سيأتى اليوم الذى يسأل ابناؤنا ماذا قدمتم للوطن
الشهداء قدموا ارواحهم.. و انتم ماذا قدمتم ؟