للبنات فقط

للبنات و الستات ...... الكلمتين دول ليكو
سواء متجوزة ولا مخطوبة و لا لسه حتى
و ممكن كمان الموضوع ده يفيد الرجالة شوية
مين فينا مجاش يوم اتخانقت مع خطيبها لا جوزها
عادي بتحصل كل يوم
طيب للمخطوبات كده تعالو على جمب
الاول ماما كانت بتحب خطيبك و اعتبرته ابن من ولادها
و الضحكة الحلوة و المقابلة الي زي الفل و الترحيب
و شوية بدأت تنشف معاه كده
سلام عادي
مش الترحيب الي هو و بدأ تمارس دورها كحماه مع ان مامتك طيبة
تعالي نفتكر سوا
انت كام مرة حكيتي لمامتك عن مشكلة هايفة او كبيرة حصلت بينك و بين خطيبك
انتي يوم ما هو زعلك كنتي مخنوقة جدا و رحتي هوب رامية كل حاجه في حجر ماما
و شوية هو صالحك و انتي نسيتي الحوار تماما و حب و دلع و كان محصلش حاجه
روحتي قلتي لماما خلاص اتصالحنا
الموقف ده اتكرر كام مرة و على مواضيع هايفة ولا كبيرة
احسبيها مع نفسك
فجاه لقيتي اهلك شايلين منه و مش حاسين بالامان معاه
و من هنا يبتدي هو يحس بده و يسالك اهلك مالهم تقولي مفيش و هو يكون حاسس و متاكد ان في حاجه بس هو مش فاهم
انتي للاسف حملتي كل الشحنة السلبية لاهلك
لما بنكون متخانقين سهل قوي اقول كل كلمة تدايق قالهالي و غلط فيا و قال كذا و على صوته عليا و انا محدش يعلي صوته عليا و تعيطي
و اهلك يشوفو بنتهم هتطق يبقو ولا الجمر
هو بقى يكلمك معلش يا قلبي انا عمري ما اقدر انام و انا مزعلك كلمتين حلوين و ناعمين و هدية صغنونة ليها معنى كبير عندك حتى لو جابلك مصاصة
هوب تنسي كل حاجه و يفضل هو متربع على قلبك
طبعا كل الي اتقال و حصل هيوصل لماما منه انه خلاص صالحني " يا حلولي"
و ماما مش هتحس احساسك و انك فعلا نسيتي و خلاص هي هتفضل فاكرة اليوم الي دمعتك نزلت فيه بسببة
هتقولو يعني منحكيش لاهالينا
لا انا مقولتش كده بس مش كل حاجه تتقال و مش لازم تتقال في حموتها
هو اتعصب ولا اتنرفز و اتخانقتو
استني شوية يمكن الراجل مشحون و طلعت معاكي انتي يا غالية و قلبه هياكلة و يصالحك علطول
ولا حتى هيصالحك بعدين
اهلك بيشيلو هم دمعتك دي و مش بينسوها
و مهما قلتي انه صالحك الوجع بتاع دموعك دايما هو الي حاضر اكتر من جلجلة ضحكك بعد ما اتصالحتو
خصوصا ان عندك بابا غيراااااااااان من الي هياخد الورده الي بيزرعها طول عمره
و الانيل لو كان خدك خلاص و انتي متجوزة
لو اشتكيتي لبابا ولا ماما هيحسو انك يا عيني خرجتي من عزهم علشان تتبهدلي مع واحد غريب عنهم
نتقل و نفضل عاقلين
شوفي واحده صاحبتك هادية كده و عاقلة و قوليلها الندل الدون زعلني و فكي بالكلمتين المزنوقين و هو تتقفل السماعة و كان محصلش حاجه صاحبتك من دورك و سنك و هتقدر احساسك و يمكن كمان متتكسفيش تحكي ليها عن الكلام الحلو الي هو قاله
الاهالي لما بتشيل صعب قوي تنسى
انما انتي حبيبك ممكن ينسيكي لانك بتكوني حاسه الحب ده و مصدقاه و بتقدرو تشيلو بعض
تخيلي لو زعلتيه و راح قال لمامته ايه ممكن يحصل ؟؟؟؟؟!!!!!
ايووووووة هو الي جه في بالك ده