مش لازم أحس

مِش لَازم أحِس بزياَدهَ
وأدوُق طَعم الألم والخوُف
أصل الإحساَس ماهُش عاَدهَ
دهَ طبع وفى القلوُب معروُف
لكن برضُه فى ليك كذا دوُر
تقوُم بيهُم وتبقىَ فخوُر
وتفضل ع القلوُب بتدوُر
وفى الأخر تعيش وتشوُف
ولو عايز تكوُن إنساَن
لازم تختاَر ماَبين أمرين
يأماَ تكوُن مَالكش حياه
ويبقىَ الحُزن لك موُصوُف
يا أماَ تعيش وتدي كماَن
حاجاَت مُمكن تعَدي العين
وتاَخدك م الألم وطوُف
فى دُنيا ماَليها كدب وزيف
تقاَبل فيها ناَس بالكيف
ومن حيرتك تناَم تخطيف
وتصحىَ ع الأمل ملهوُف
تلاَفي الحلم ناقصُه كتير
ودايمآ تبقىَ عكس الغير
مُجرد وَهم شوُفته فى بير
يروُح وَخدك لحد الجوُف
عشاَن تفضل عاَيش ف كابوُس
يقوُلك ياَبني عَدي ودوُس
بسيطة دي شكة الدبوُس
ماَفيش فيها ألم ولا خوُف
ودهَ برضُه اللى خلىَ الموُت
ياَخد بالُه ويجري يفوُت
على إحساسك المكبوُت
وجوُهَ القلب راَح مكشوُف
فى لحظهَ واَحدة تتمادهَ
وترجع دُغري ولاَ بتشوُف
مين اللى حس بزياُدة
ودَق طعم الألم والخوُف