الرئيسية
السياسية
الاقتصادية
الدولية
الرياضية
الاجتماعية
الثقافية
الدينية
الصحية
بالفيديو
قائمة الصحف
25 يناير
الأخبار
الأسبوع أونلاين
الأهالي
الأهرام الاقتصادي
الأهرام العربي
الأهرام المسائي
الأهرام اليومي
الأيام المصرية
البداية الجديدة
الإسماعيلية برس
البديل
البوابة
التحرير
التغيير
التغيير الإلكترونية
الجريدة
الجمعة
الجمهورية
الدستور الأصلي
الزمان المصري
الشروق الجديد
الشروق الرياضي
الشعب
الصباح
الصعيد أون لاين
الطبيب
العالم اليوم
الفجر
القاهرة
الكورة والملاعب
المراقب
المساء
المستقبل
المسائية
المشهد
المصدر
المصري اليوم
المصريون
الموجز
النهار
الواقع
الوادي
الوطن
الوفد
اليوم السابع
أخبار الأدب
أخبار الحوادث
أخبار الرياضة
أخبار الزمالك
أخبار السيارات
أخبار النهاردة
أخبار اليوم
أخبار مصر
أكتوبر
أموال الغد
أهرام سبورت
أهل مصر
آخر ساعة
إيجي برس
بص وطل
بوابة الأهرام
بوابة الحرية والعدالة
بوابة الشباب
بوابة أخبار اليوم
جود نيوز
روزاليوسف الأسبوعية
روزاليوسف اليومية
رياضة نت
ستاد الأهلي
شباب مصر
شبكة رصد الإخبارية
شمس الحرية
شموس
شوطها
صباح الخير
صدى البلد
صوت الأمة
صوت البلد
عقيدتي
في الجول
فيتو
كلمتنا
كورابيا
محيط
مصراوي
مجموعة البورصة المصرية
مصر الآن
مصر الجديدة
منصورة نيوز
ميدان البحيرة
نقطة ضوء
نهضة مصر
وكالة الأخبار العربية
وكالة أنباء أونا
ياللاكورة
موضوع
كاتب
منطقة
Masress
الحكومة تتابع تنفيذ توصيات الحوار الوطنى
فض التشابكات المالية بين عدد من الجهات الحكومية
مدبولى يتابع موقف منظومة رد الأعباء التصديرية
شكرى: نرفض أية عملية عسكرية برفح الفلسطينية
محامي الشحات ليلا كورة: قدمنا شكوى ضد محامي الشيبي.. وطلبنا شهادة رئيس اتحاد الكرة
أخبار الأهلي: تحرك هام من كولر قبل مواجهة سيمبا التنزاني
795 ألف مواطن يستفيدون من الكشف المبكر وعلاج الأورام السرطانية ودعم صحة المرأة وفحص وعلاج الأمراض المزمنة
ضمن مساعدات رمضان.. توزيع لحوم على ألف أسرة بقرى سوهاج
البورصة تهبط 2.36% مع نهاية تعاملات اليوم الخميس
"ثقة" من مدينة مصر... الحل الجذري الأول من نوعه لتحديات فروقات وديعة الصيانة في السوق العقاري المصري
نقيب الصحفيين يلتقي وزيرة البيئة لمناقشة سبل التعاون ودعم الصحافة البيئية
إقامة صلاة المغرب في كنيسة بصعيد مصر.
روسيا تسقط 131 طائرة مسيرة أوكرانية و26 صاروخًا
البيت الأبيض: نقلنا تحذيرًا للأمن الروسي وحاولنا منع الهجوم بموسكو
رئيس الوزراء الفلسطيني يتقدم ببرنامج عمل الحكومة
الأوقاف: الاحتفال بذكرى فتح مكة بمسجد السيدة نفيسة الجمعة
حريات الصحفيين تنظم حفل إفطار لأسر الصحفيين المحبوسين.. وتكريم لمَن نالوا حريتهم
نجم ريال مدريد على رأس اهتمامات مانشستر يونايتد
صدام حسام حسن مع محمد صلاح.. لوائح فيفا وقميص ميسي يبرآن «العميد»
تحديث تردد قناة روتانا خليجية 2024 بإشارة قوية HD على النايل سات
عذبها ب"الشوكة والمعلقة" والطب الشرعي أنقذه.. السجن 3 سنوات لنقاش تسبب في وفاة زوجته بالإسكندرية
الأساسات سليمة.. هل تأثرت المنازل المحيطة بموقع انفجار محطات الصرف الصحى بالقليوبية؟
إصابة 5 أشخاص في حادث تصادم بالقليوبية
دار الإفتاء المصرية تستعد لإستطلاع هلال شوال 8 ابريل القادم
ليلى زاهر تجيب على سؤال حول موعد زفافها على هشام جمال
"الحضرة المصرية" و "القومي للمسرح" نجوم الليلة العاشرة ل "هل هلالك"
تعرف على ضحايا حلقة الليلة من برنامج "رامز جاب من الآخر"
دراما رمضان 2024.. مواعيد عرض مسلسل إمبراطورية ميم الحلقة 18
أمين الفتوى: كل من يمتلك 35 جنيهاً يجب عليه إخراج زكاة الفطر (فيديو)
بالفيديو.. ربنا يحبينى ولا لأ؟..علي جمعة يجيب
شيخ الأزهر: الرسول دخل مكة فاتحا خافضا رأسه تواضعا لله عز وجل
"راعي مصر": تدريب أكثر من 30 سيدة على حرفة التفصيل والخياطة
تسبب الجلطات.. حسام موافي يحذر من الجلوس لفترات طويلة -(فيديو)
وزير الصحة يشهد توقيع بروتوكول بين "المستشفيات التعليمية" و"المؤسسة العلاجية"
مؤسسة المهند الخيرية تعلن تدشين أول وأكبر مستشفى مجانى لعلاج أمراض وأورام الصدر في مصر
«العتاولة».. حالة شعبية في الشارع المصري| صور
بنك ناصر ومدينة زويل للعلوم يوقعان مذكرة تفاهم لتمويل 10 منح دراسية
جمعية قبطية تنظم إفطارا جماعيا لمؤسسة تربية البنين بالمنيا
علي جمعة: المصريون وسطيون ومتسامحون وغير متشددين
"مراسلون بلا حدود" تطالب إسرائيل بكشف مصير صحفية فلسطينية
نائب: القيادة السياسية أرست لنهضة شاملة داخليًا وخارجيًا طوال 10 سنوات
رئيسة وزراء إيطاليا تؤكد ضرورة تجنب التصعيد على الحدود اللبنانية مع إسرائيل
عرض من الدوري السعودي لمهاجم منتخب قطر
بمشاركة مصر والإمارات.. الأردن تنفذ 5 انزالات جوية على قطاع غزة
التسجيل أونلاين.. فرص عمل جديدة بشركة قطاع خاص لشباب الإسكندرية
الجريدة الرسمية تنشر قرارا جمهوريا جديدا
وزيرة التعاون الدولي تستقبل السفير الفرنسي الجديد لتعزيز رؤية التنمية الوطنية
القبض على مزارع هارب من تنفيذ أحكام بالحبس 48 سنة بالشرقية
متى تبدأ صلاة التهجد في رمضان .. ما فضلها وعدد ركعاتها؟
الإمام الأكبر: النبي دخل مكة فاتحا خافضا رأسه تواضعا وخضوعا لله عز وجل
تحرير 507 محضرًا تموينيًا متنوعًا خلال أسبوع بسوهاج
مصرع 3 شباب بعد انقلاب دراجة نارية بقرية طنط الجزيرة في القليوبية
ضبط 10 آلاف قطعة ألعاب نارية وصواريخ محظور تداولها بالشرقية
وكيل تعليم مطروح يفاجئ مدارس الحمام لمتابعة نسبة الحضور
إليسا عن تعرضها للحرب من إحدى الفنانات: «عدوك ابن كارك»
مانشستر يونايتد يستهدف لاعب ريال مدريد
مسلسل الحشاشين الحلقة 18.. يحيى ابن مؤذن أصفهان يخطط لقتل حسن الصباح
ما النظام الغذائي لمرضى الضغط المرتفع في شهر رمضان؟
شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.
موافق
عارف يارب
مسعود شومان
نشر في
أخبار الحوادث
يوم 03 - 09 - 2016
7
عارف يارب
أنا شوفت أكتر م اللي لازم أشوفه
مع أخر الصناديق
هاتحول هوا وأعمي
والزحمه تتنفس بواقي الضلمه
لزمتها إيه اللنض
قدام طابور بيعبي السواد في جيوبه
وفي النهايه ها يظهر البلياتشو
يبقي حكيم العيله
وصندل الباشا في عز الطين
ومصبراتي المجروحين ساعة الفراق
وها يظهر الحاوي
ويعمل مننا كوره سفنج
ألوان كتير سايحه
واللفه علي بعضها ملزوقه بالكُله
والنور بيعرج بس رابط عينه
جرب معايا
والحجر يقدر عليه اتنين
وتعمل إيه ياللي مالكش عينين
أيوه .. هنا
لأ .. من هنا
خليك يمين حبه
خليك شمال حبتين
أيوه كده في النص
تحت الجبل
فهمت الصباره معناها
وحاولت أفهم معاها
رحمة المسامير في جسم عيل مريض
عياط راجل جريح م الفضا في جيبه
فراق اتنين بيحبوا بعض بجد
وقلة الزقزقه فوق الشجر
كلمتكم عن مرهم اسمه الصبر
وكنت قاصد بكره
غلطان يا ليل لما قصدت خيولك
عندي شوية شوق قديم للنور
أنا اللي زارعهم هنا
عندي جنينه كلها عشاق
طعم الهوي ع المداق
شيلوا الحجر ويانا
وغنوا والأزميل هانسمع صوته
"أنا كنت مسافر في الصحرا
ومشواري طويل"
الليل قديم بس صوتنا نهار
إنزل هنا
وقول للنار تصفي الجروح
خلي الحبايب يفرحوا بالشمس
ومن جديد هانشوف كلامها
ونبتسم للغيم.
8
عارف يارب
أنا كنت زعلان قوي
حتي شوف البحر خاسس
والحجاره كلها اتعرِّت وبان عليها العمر
كانت هنا أورطة مراكب
وعنيا كانت حته م الصاري
ساعة نزول الشبك
بامد دراعي وياهم
والحزن يملا عنيا والسمك في الطاسه
وكانوا لما بيفطروا بيحلا زادي معاهم
هيلا هيلا .. هيلا
أيوه السما سمعاهم
من زمن قفلوا الهويس
ووراه أزايز البلاستيك
وبواقي الزرايب
وقشر البرتقان
كوافيل العيال
الحمير الميته
والحزن واقف وفي إيديه الريم
من قد إيه الليل يتيم
يا ميه ما تجربي روحك
يا ميه عمرك كام وعمري كام
فاكره عكاره رجلي ولا كبرتي
ولا نسيتي ونسة الأحلام
طب شوفتي جرح الصيادين ع الشط
من قد إيه ماعامش فيكي البط
بطلتي ليه تطلعي بفساتينك
وتشاوري للعشاق برمش العين
طب مين ها يكتب ع الخشب
"سيري باسم الله
مرساها ومجراها"
ويحفر بالضوافر سهم
بيشاور
علي القلبين
قاعد بطرقع صوابعي والدموع حفاره
وأم العيال محتاره
قاعده تلم الحُصر وتكلمها
فين الصبايا الزين وتنهيدهم
فين الدعا وانت راجع يا حبيبي الفجر
والقميص مشتاق وبيرفرف عليَّ
كل دا منك يا ميه
زعلان قوي
وبكره تتعوض يابحر
وتعرف قيمة العشاق علي شطك.
9
عااارف يارب
قصقص جناحها وهو بيغني
قال الجبل أَوُلَي بُه
يمكن يشيله من هنا ويرتاح
طارت معاه الحجاره
وكل حبه اشتروا خاطر مكان
هنا مكان الخليفه
هنا مقام الولي
هناك لسور المدينه
وصحيت البياعين
- طازه يا جرجير ومنعنع
- من غيطنا يا فول من غيطنا
- يابو العيون السود والكحله رباني
- أحمر يا خد الجميل
غنا قديم بيونس الصحرا
حمّل وشيل ع المراكب
والحزن ع الشط واقف في الوداع
مع السلامه يا ابن بطني
تلات جناين لواحد
وكلنا جعانين
طب مين يدوق م الشجر
ومين يربي الخيول
ومين يسوق الحمير
ومين يقيد المشاعل ويلبس الحرس الهدوم
ومن ساعتها واحنا في الغربه
سنين تطول وحزننا في البير
والسؤال لسه
منين ياريش طاير
وفين عصافيرك ؟
10
عارف يارب
الحزن كل ما احطه في الميه بيكبر
والضحك ما بيتباعش في الأسواق
كنت اشتريت حبه لوقت العوزه
والدود سرح في جناين العشاق
والشمس نصبت محزنه ع اللوزه
ودعت باقي الخُضره وأنا دبلان
ونسيت صوابعي في صدرها ومشيت
ما شاء الله ملكي غيط من الأحزان
وعنيا بتراعي الجروح كأنها عيالي
كان فيه دموع فالصو وعامله نفسها دمعات
ودموع بتوصل روحي بالسموات
ودموع بتنزل كدا وكدا
ودموع كأن عيالها
قطر
الندي
ودموع تشوفها تفهم القناديل
ودموع بتحفر للحنان نهرين
ودموع بتمسح نفسها وتصهرج
والنور بعكاز الضلام يعرج
هو انت إيه يا حزن
ياريتني ما حزنتك
أنا قلت روح للجبل
تحت الحصي والرمل
سبع سنين طواف وإيديا في جيوبي
سبحانه من سكنك في عش محبوبي
دمعي علي دمعه
والحزن مونة طوبه علي طوبي
والبحر بيفيض بس روحنا هناك
ويشهد الصيادين علي يتامي الوداع
رصوا الشبك ع المرار
وطلعنا بجروحنا
والشط مش ناقص وتحته كتير
قلوب عذاري
ونهنهه مره
وإيدين تشاور لبعضها برعشه
داب العياط في الرمل
والحزن هو اللي نجي م الموت
شوفته كأنه ملاك بيتهجد
شايل معاه الحزاني ومركبه قشه
بيصلي لدموع الأطبا ويسجد
ملس عليه وأكرمه بحفان فرح صافي
خليه يغني للماجور والفرن
ويقول حكاوي الفلاحين في الجرن
ويلبس الجلابيه واللاسه
ويفهم الشوك اللي جرح رجليك
أبدأها من قلبك وقول أغانيه
لسه الشجر محتاج تطل عليه
والضل مش ليك لوحدك
فما تجرحوش بالشمس.
11
ياااارب
عليت جبال القش
والفيران سرحت في غيط الدُرا
والقرد بيوضي الحواه بالنار
والليل مربع ع الكنب في المندره
طب أعمل إيه والقمر غفلان
قاعد مكاني وبسقي جوز البط
وفي بالي غنوه نصها تايه
أنا قلت أغنيها ولو ناقصه
الليل تقيل بس النهار عشمان
خدت القمر من إيديه وابتديت الرقصه
استني حبه نسيت خيالي معاك
وأنا قلبي من غيره طريد الحزن
ما تسهنيش وتاخد اسمي م الدفتر
تعالي نتعرف علي الميه
علي الحنان وهو ماشي بيقطَّر
القش هايش وعامل نفسه كوم فضه
أطهر ما فينا البكا
والنيل نزل في بحره يتوضا
ومن ساعتها المراكب فهمت المالح
والصيادين نسيوا بكا إمبارح
وأنا نسيت نفسي في غناهم وانتشيت
أجمل ما فينا لقموه للموت
فضيت عينيا م الدموع ومسحتها بكمي
وشوفته علي حبل الغسيل بينقط
أنا كنت نايم ولا كنت بسقَّط
ولعت كوم القش والدخان عمّي عيني
وفِضِل لي حبة رماد
شوالين سواد دفنتهم في الرمل
الشعر لو حقاني ما يبطلش حمل
ولا قش ولا غيرُه
وآدي الشجر ونسان مع طيرُه
شاورت له حياني بالرفرفه
وفضلنا مع بعضنا نحكي ولا نملش
الشعر لو حقاني ما يقلش
تلاقيه هنا وهناك
منه الفيران تستخبي في الجحور
مش قلت لك لا قش ولا غيره
اللي باقي لنا النور .
12
عارف يارب
الصبح قامت وشالت مشنة الرحمه
وفي صدرها حبة كلام دفيين
طرحتها سودا ..
والشعر من تحتها مفروق
والله يا موت انت عديم الذوق
في السكه قالت لشالها
ما اشوفش دمع عينيك
أنا رايحه أفرح معاه
وانت عليك الرفرفه بالشوق
افهم كلامي واوعي لخطوتي وأنا رايحه
رمت السلام وإيديها في السياله
قالت العواف يا حبيب روحي
ملس عليها الهوا شال طرف جلابيتها
ضحكتها طالعه بالندي أما الشفايف صابحه
إزي حالك يا حبيبي
وإزي حال الشجر فوق قبرك
نفسك في صدري بيمرجحني وأنا رايده
إديني إيدك يا جميل
واجرح كفوفي بدفاها
كرداني زغرط والعيال حواليا ملمومه
قوم اتعدل وهات راسك علي صدري
من يوم ما ودعتنا وسيبت الطحين زعلان
الدار بينزل بياضها والهدوم بهتت
سبع سنين وعينيك في قلب الطاقه
ع المصطبه مفروده جلابيتك
وجوه جيب الصديري
علبة نشوق وبطاقه
عينيك بتلمع وتحتها اسمك كأنه خيالك
باين عليَّ جيت علي بالك
عيطت من غير دموع
وقومت واقفه لك
وقلت للحطب اللي فوق السطح
وللفاس اللي صدِّت من سنين في الركن
الصبح جايه لك
ماشيه بعافية إيديك
حتي شايف شالك
شبك في فرع الشجره فوق قبرك
بطل شقاوه يا عشيق روحي
أنا جيت اعفَّر رجلي في ترابك
واشوف جمايل خطوتك ع الأرض
طب ليه يا دمع تمسح كحلتي
جرّب حنانك في وش مش فرحان
ارتاح شويه ونام كأني معاك
وونس الليل بالدعا
وأنا سمعاك
والصبح جاياك
وشايله مشنة الرحمه .
13
عارف يارب
كان كل ورده يودعها
تطلع مكانها جنينه
والورد ياخده من إيديه
ويعدي بيه الشارع
عكازه قدامه ونضارته تخبي الليل
يمشي ويسمي الجناين
يعني جنينة الفل بيسميها روح الروح
وعود المسك اسمه شمخة العاشق
أما البنفسج قال له عنوانك تروح بيت الغرام
علي كدا كانت حروفه كلها من قلبه
أما الوحيده اللي سأل عن اسمها
كات زهرة الصبار
ملس علي شوكها
وقال لها : أبوكي مين ؟
قالت : أخويا البرد
إيديه تسوقه ع الطريق
أيوه هنا
علي اليمين حبه
ها تلاقي زهر القرنفل
ودا برج بيدفي الحمام
والورد عامل ونسه في الشارع
وبيبتدي ينقي الكلام
عدا وكان الفرح بيرف في الجلابيه
شاور بإيده للفضا والنور ملا كفه
الليله دخله والسما بكريه
عايم في بحر الشفايف
بتمرجحه الميه
قالت الملايكه سيبوه ينشف علي راحته
وملوا القلل وحطوها علي الشباك
غنا الماورد بنعرفه من ريحته
كنا عصاري وزي عادته الليل
ساكن عينيه كأنه ابنه الوحيد
عدا وساب ع العتبه حبة ورد
سهرنا وياهم
كأننا لسه أول مره نعرف بعض
وكأن سرب الطيور من بقية العيله
رقصنا فوق الحصي
إيدينا متشبكه والورد تحت وفوق
والليل هرب من عينيه وحكي لنا
واقف علي باب النهار ولا خافش
ياورد عندك حق
إحنا اللي ما بنشوفش .
انقر
هنا
لقراءة الخبر من مصدره.
مواضيع ذات صلة
عااارف يااارب
الشاعر.. والثورة
الندل في هدوم الشهامه
حدوته مش معروف نهايتها
بالفيديو.. مُختارات من قصائد "الخال"
"عاااارف يارب"
أبلغ عن إشهار غير لائق