قررت مدربة اللياقة البدنيه ساميه علوبة بمساعدة مدربات اخريات، إطلاق حملة يوم أجمدي الرابع والذى يساعد كل امراه على مواجهه التحرش حيث قالت سامية فى الدعوة التى قامت بنشرها على مواقع التواصل الاجتماعى وعلى مواقعها الخاصة " تعبتي من التحرش؟ عمرِك حسيتي إنِك لوحدِك و إنِك مش قادرة تتصرفي؟ ده مش حقيقي! تعالي و شاركينا في حفلة "إجمدي 4′′ – يوم لتمكين النساء و الفتيات للتصدي للتحرش الجنسي. تعالي عشان تزودي لياقتك البدنية و تعرفي جسمك أكتر مع "الزومبا فيتنيس" و إتعلمي إزاي تتصرفي في مواقف التحرّش مع "الوين-دو" للدفاع عن النفس و خلّي "خريطة التحرش" يلهموكي بكلامهم عن شغلهم على وقف التحرّش في الشارع المصري و إعرفي أكثر عن المبادرات الجديدة اللي بتعمل على التصدّي للتحرّش زي "هي مصر". وعن فقرات اليوم قالت " الحفلة هتضم فقرات لل"زومبا فيتنيس" مع أهم مدربات الزومبا المعتمدات دولياً: جيسي لارسن و ايميلين لافندر و علا العباني و دينيس جراني مع مدربات تانيين و ظهور خاص جداً لسامية علوبة بالإضافة إلى فقرات ال"وين دو" للدفاع عن النفس مع شيرين سالم واحدة من أهم مدبرات ال"وين دو" في مصر.