أصل الحكاية

الابن‮ .. ‬والقصص الوهمية

انا مطلقة منذ ست سنوات وابني عمره الآن ست سنوات ايضا،‮ ‬وحتي الان لم‮ ‬يري ابني والده ولا‮ ‬يعرف حتي وجهه،‮ ‬ومع اني حاولت كثيرا ان اعرفة والده ولكن اهل طليقي رفضوا تماما ان‮ ‬يعرفوا الولد او‮ ‬يشوفوه او‮ ‬يسألوا عليه،‮ ‬او حتي‮ ‬يصرفوا عليه،‮ ‬طليقي بالطبع‮ ‬تزوج وانجب ولدا وبنتا‮ ‬من زوجته الجديدة ونسينا او تناسينا‮.‬
منذ فتره قصيرة قال ابني لاحد الجيران‮ ‬اسمه علي اسم والده‮ ‬ان بباه خاصمه،‮ ‬وسافر من‮ ‬غير أي سبب‮. ‬
منذ وقت ليس ببعيد قال لاحدي صديقاتي ان بباه كان معاه،‮ ‬وتركه في شارع بعيد عن البيت لوحده‮.‬
من اسبوعين المدرب في النادي قال لي‮ ‬هو زوجك ضابط جيش ولا شرطه؟‮ ‬
قلت له‮ : ‬ليه،‮ ‬قال‮: ‬عشان ابنك بيقول بابا ضابط،‮ ‬لا احد‮ ‬يعرف في النادي اني مطلقة‮.. ‬افتكرت ابني بيهزر وبيسرح بالكابتن‮.‬
ومن اسبوع كنت في النادي وسمعت ابني بيقول لبعض الاولاد الموجودين في النادي ان والده ذهب معاه للسيرك وانه دخل قفص الاسود،‮ ‬وانه ضرب الاسد وركبه زي الحصان‮.‬
بالامس‮ ‬كنت مع العائلة‮.. ‬واولاد كتير موجودين سمعت ابني بيقول لاحدهم‮:‬
الطياره اللي فوق دي سايقها بابا،‮ ‬عشان هو ضابط طيران حربي
انا الان‮ ‬سوف اموت من البكاء والحزن ولا اعرف ماذا‮ ‬افعل؟
عملت وتعبت وصحتي لا تساعدني بجانب‮ ‬المذاكره وباذهب به‮ ‬للنادي حتي‮ ‬يتمرن‮.. ‬احاول اعمله اي حاجه،‮ ‬لكن لا اعرف اكون اب بجوار الامومه
ولا‮ ‬يوجد‮ ‬بدائل مثل اخ،‮ ‬لان اخي مسافر او اب لان والدي كبير في السن وابني بيقول له‮ ‬جدو‮.‬
انا هموت علي ابني‮ .. ‬ماذا افعل ؟
اللي عنده اي شيء‮ ‬يقوله لي واللي معندهوش‮ ‬يدعي لابني‮ ‬
هل اعرضه علي طبيب نفساني‮ .. ‬قولوا لي‮ ‬اتصرف ازاي‮!!‬
هذه الرسالة جاءت لي عن طريق الفيس بوك‮.‬
تجربة حياة
ما اجمل الانسان الذي‮ ‬يتألم ولا‮ ‬يتكلم‮.. ‬يبكي ولا‮ ‬يصرخ‮.. ‬يحب ولا‮ ‬يجرح‮.‬