معكم

من علي تويتر

** مبستطعمش الكشري إلا لما بكون مستعجلة. واضرب العلبة في دقيقة ونص. وأحس ان كل الناس اللي في الشارع بتتفرج عليا.
** رجعت لأسوأ لحظات عمري.. تحت سيطرة الحلاق.. شعر ودقن.
** لكي لا تموت مرتين لا تعد لمن خذلك مرة أخري.
** فيه ناس كده.. تحس إنها "جدعنة" ماشية علي الأرض.
** وكالعادة.. بنحرق دمنا علي ناس ناسيانا أصلاً.
** اللي يجيبلي عصير ليمون بالنعناع ومثلج.. لو كارهه ومش طايقه.. هحبه جداً.
** ومين فينا في الحر ده متخيلش لو المروحة وقعت فوقه وهي شغالة.
** وأنا صغير كنت أحب أجيب ورقة فاضية وأعمل نفسي بامضي عليها.
** هو صحيح الستات لما بيركنوا العربية بيوقفوا الشارع كله.. بس إحنا لما بنخش المطبخ بنبهدل الدنيا.
** أحد أهم مهارات السواقة الأساسية في مصر.. الكلاكس.
** ما أنا لما أبقي ماشية في شارع لوحدي. وعلي يميني ولاد واقفين عند الكشك. وعلي شمالي كلاب. وأنا أقرر أمشي ناحية الكلاب وأنا مرعوبة.. تبقي حاجة زبالة فعلاً.
** ليه بنشوف اللي بنحبهم في الحلم واللي بنكرههم في الحقيقة؟
** أكتر حاجة تحرق دم المصري لما مدة المكالمة تبقي 01:01
** أجمل إحساس في الكون لما تلاقي فلوس في البنطلون.
** أكبر كذبة في التاريخ.. الدايت.
** لا تنسوا صلاة الضحي.. قبل ما تنزلوا للجمعة.
** مفيش مشهد أكثر مأساوية من إنك تلاقي محلات اللبس بيشيلوا الشتوي ويحطوا الصيفي.. لنا الله.
** الكسل وصل بيا إني مبفكش رباط الجزمة عشان ألبسها. وبحشر رجلي فيها لحد ما تدخل.
** أحسن طريقة للتخلص من الصداع انك تقطع راسك.. وجع ساعةولا كل ساعة يا راجل.
** البنات اللي مبتعرف تعوم وتلاقيها ماسكة ركن البيسين وكل اللي بتعمله تطلع وتنزل زي باكو شاي لبتون.. حاجة تجنن.
** رجعنا تاني.. للحر والفرهدة والدوخة.. وخنقة المسلسلات التركية مع الحلقة تمنتلاف بعد المليون.
** الأخيرة: عايز فاعل خير يرش للناس في المترو.. مزيل عرق ويرحمنا.