كل يوم مجنون

تفتكر الكستور
او حتي الدمور
او نخلات النبقه
...........
تفتكر حد من صحابك
او حد بيفكر فيك
او يعرف
في الطريق
تفتكر الطبليه
واللمه والجريف
والضحك..
اللي كان..
بيطير الكلاب
......
والباب...
اللي كان مفتوح
واحد طالع
واحد داخل
للفجريه
..............
حد كان فاكر
فلوس.
حد كان ماشي
يحسبن
ويخش في الحيط
حد كان بيخاف
من مين؟!
من ايه..
ايه اللي غيرها
النفوس؟
ايه الحكاية
بالضبط
ايه اللي خلي
القلوب
ترشح وترشح
عل
والرأس ممسوح
والدوخة
بتخبط فينا
شمال
ويمين
ولا حد..
شايف حد
تقدر تفتكر
وتراجع نفسك
تقدر تبص
للكدب في عيونه
تقدر تقول
لاخوك ارجع
تقدر
تعافر تعافر
وتطلع
تقدر
تنزل الشارع
في قلب الموت
وباعلي حسك
وتزعق
شايف
وعارف
وسامع
والنفس مكسورة
ماشي
هامم وهامم..
لاسفل بورة
فين الخلق
فين الناس
فين الحب
الكبير
الحبل المتين
اللي كان ممدود
قبل ما تفكر
في نفسك
قبل ما تقول..
....
....
باين عليه السيد
باعك في اقرب
سوق
قايض عليك
بكرسي؟
خشبه
وكام مسمار
.....
كل يوم شايفه
كل يوم
محتار
كل يوم
الدوخه
كل يوم النار
كل يوم
تنظر
يمكن يفج
النور
كل يوم
مجنون؟
بيلف بيك
التور
كل يوم
مجنون
حتي يموت
السور
كل يوم
كل يوم..