طلب الفنان أحمد حلمي من جمهوره محاربة الحسابات المزيفة التي تحمل اسمه على مواقع التواصل الاجتماعي، بعد أن تعرض لهجوم شرس بسبب التصريحات المهاجمة للحكومة التي تنشرها على لسانه. وقال حلمى على حسابه بموقع "فيس بوك": "مساء الخير عليكوا جميعا.. أنا طالب منكم خدمة.. ودى أول مرة أطلب فيها خدمة منكوا.. أنا هاقولكوا إيه الموضوع، فى بعض الأصدقاء والصحفيين الأعزاء كلمونى وقالولى إن فى أكاونتات كتيرة منتحلة شخصيتى وحاطين صورتى واسمى، وطلبوا منى أرد على الأكاونتات المزيفة دى لأنهم بيتكلموا بلسانى والناس بتصدق، وبعض الناس بتشتم من غير حتى ما يتأكدوا إذا كانت الأكاونتات دى بتاعتى فعلا ولا لأ، المهم إنهم طلبوا منى أرد وأوضح الصورة، فأنا لقيت نفسى بقولهم جملة قولتها قبل كده فى أحد مشاهد فيلم (ألف مبروك) قولتلهم "والله ما أنا رادد.. فضحكوا". وأضاف حلمى: "علشان كده أرجوكم أى حد يقابل فى وشه أى أكونت يحمل اسمى أو صورتى ياريت يتأكد إنه حقيقى قبل ما يتعامل معاه.. وللعلم أنا معنديش أكاونتات خالص مش مؤكدة. كلها مؤكدة بعلامة الصح الزرقاء .. الخدمة بقى اللى أنا طالبها منكم إن أى حد يشوف أى أكونت منتحل اسمى وصورتى على فيس بوك أو تويتر أو إنستجرام يعمل معاه الصح، وطبعا الصح اللى أنا أقصده إنه ينصحه ويقوله (كدة كوخة) طبعا أنا اللى خلانى أطلب هو الحب العشم والله.. شكرا جزيلا". وكان حلمي قد تعرض لجوم مؤخرا من عزمي مجاهد مقدم برنامج "الملف" على قناة "العاصمة"، بسبب تصريح على لسان أحد منتحلي شخصيته على موقع "تويتر" كان يهاجم فيه الأحوال السياسية.