أحمد حلمى يطلب من جمهوره على سوشيال ميديا "خدمة"

طلب الفنان احمد حلمى عبر حسابه الرسمى من جمهوره ومتابعيه على موقع "فيس بوك" بالتاكد من الحساب الرسمى له وعدم اتباع اى حسابات غير رسمية تنتحل اسمه عبر مواقع التواصل الاجتماعى.
وعلق "حلمى" عبر حسابه الرسمى قائلا:" مساء الخير عليكوا جميعااااا .. انا طالب منكم خدمه .. ودي اول مره اطلب فيها خدمه منكوا .. انا هاقولكوا ايه الموضوع ، في بعض الاصدقاء والصحافين الاعزاء كلموني وقالولي ان في اكاونتات كتيره منتحله شخصيتي وحاطين صورتي واسمي ، وطلبوا مني ارد علي الاكاونتات المزيفه دي لانهم بيتكلموا بلساني والناس بتصدق وبعض الناس بتشتم من غير حتي ما يتآكدوا اذا كانت الاكوانتات دي بتاعتي فعلا والا ، المهم انهم طلبوا مني ارد واوضح الصوره ، فانا لقيت نفسي بقولهم جمله قولتها قبل كده في احد مشاهد فيلم - الف مبروك - قولتلهم " والله ما انا رادد" فضحكوا .
وتابع، علشان كده ارجوكم اي حد يقابل في وشه اي اكونت يحمل اسمي او صورتي ياريت يتاكد انه حقيقي قبل مايتعامل معاه .. وللعلم انا معنديش اكونتات خالص مش مؤكده . كلها مؤكده بعلامة الصح الزرقاء .
أوضح، الخدمه بقي اللي انا طالبها منكم ان اي حد يشوف اي اكونت منتحل اسمي وصورتي علي فيسبوك او تويتر او انستجرام انه (( يعمل معاه الصح )) وطبعا الصح الي انا اقصده انه ينصحه ويقوله " كده كوخه "
واختتم تعليقه بتوجيه الشكر لجمهوره قائلا:" طبعا انا اللي خلاني اطلب هوالحب العشم والله . شكراااااا جزيلاااااااا ".