ميريهان حسين تُبكي متابعيها برسالة لوالدتها

وجهت الفنانة ميريهان حسين رسالة إلى والدتها بمناسبة عيد الأم، وذلك على صفحتها بموقع "انستجرام" اعتذرت لها فيها عن الألم الذي سببته لها بعد أزمتها مع الشرطة.
ونشرت ميريهان صورة تجمعها بوالدتها وقالت: "أمي، النهارده أنا عايزة أقولك كلمة واحدة.. أنا آسفة بسبب حزنك اللي بتخبيه، آسفة إني اخترت طريق كان السبب إنه يسمح للناس تجرح وتظلم وتتهم، وتحكم، وأعوذ بالله من حكم النفس على النفس".
وتابعت ميريهان: "آسفة بالنيابة عن كل إنسان، وبعيدها تاني (إنسان) حكم على رد فعل وقرر إنه فعل وجرح مشاعرك بسببي".. "آسفة إني مش قادرة احققلك فرحتك يا أمي، ورغم كل ده بتقولي إن أنا فرحتك، من غيرك مفيش حب مفيش حياة، كل سنة وانتي نور حياتي".
وأضافت ميريهان: "انتي اللي فرحتي وراحة قلبي ونفسي.. انتي الحب الحقيقي والأمان والحياة... من غيرك مفيش حب مفيش حياة.. ربنا يخليكي ليا لآخر يوم في عمري ويقدرني أسعد قلبك ربع ما بتسعدينا كلنا.. كل سنة وانتي نور حياتي يا حياتي".