حمزة نمرة يتجاهل قرار شطبه من النقابة

أكد الفنان حمزة نمرة أنه مستمر في تقديم حفلاته حتى بعد كل ما نشر حول شطب اسمه من سجلات نقابة المهن الموسيقية، موجهاً الشكر لكل من وقف جانبه ودعمه في أزمته الحالية.
وقال حمزة في حسابه على موقع "تويتر": "أنا باشكر كل حد وقف جنبى فى اللى حصل ده.. مافيش حاجة هتقدر تعبر عن حبى ليكم يا جدعان.. أنا ربنا كرمنى بيكم ويا رب دايماً أفضل عند حسن ظنكم".
وتابع: "أنا مستمر فى تقديم الفن اللى أنا بحبه.. ومستمر فى تقديم الحفلات.. وأشوفكم الحفلة الجاية والله أعلم".. "وكل واحد رغم اختلافه معايا ما منعوش الاختلاف إنه ينصفنى.. أنتم على رأسى من فوق والله".
وأضاف: "وأشكر مصطفى كامل لتوضيحه موقف النقابة، وده أفضل رد على الكلام العجيب اللى اتقال عنى الأيام اللى فاتت، اللى مالوش أى أساس من الصحة".. "وربنا يعلم أنا عمرى ما غلطت فى حق حد ولا أسأت لحد.. حتى لو حد ظلمنى.. باسكت وما بادخلش فى أى سجالات أو معارك لأن دي طبيعتى".. "اللى هيبقى للإنسان هو السمعة الحسنة.. ربنا يكتبها لنا جميعا".