أكثر الفيديوهات تداولا...شريف مدكور يتحدى تنظيم داعش

يحب الإعلامي شريف مدكور من آن لآخر أن يوجه رسالة سياسية عبر برنامجه " ساعة مع شريف" الذي يقدم من خلاله فقرات متنوعة، لتكون آخر رسائله عن تنظيم داعش.
شريف قال في برنامجه: "لما يطلع مجموعة زي مجموعة داعش، اللي هم لا ينتموا لا للإسلام ولا للمسيحية ولا لليهودية، والكلام ده أنا بقوله ومش فارقة معايا، دول بيدبحوا في الناس ويطلعوهم من بيوتهم، يا فرحة إسرائيل وأمريكا فينا، كل ده بيحصل علشان العراق تتقسم، ما صدقنا ليبيا وسوريا ابتدوا يهدوا راحت طالعة لنا العراق".
ووجه رسالة للمصريين المعترضين على ما يسمونه "حكم العسكر:، قائلا: "الحلوين اللطاف اللي هم ضد الجيش، انتوا كنتوا عايزينا نبقى كده؟!، إحنا لو جيشنا مكنش جيش قوي محترم وطني، كان زماننا زي البلاد اللي حوالينا، واللي فيكوا شايف إن ده حلو يروح البلاد دي وميقعدش معانا، لإننا عايزين نعيش في سلام وحب وتآخي".