بوسى: أنصار مرسى ضربوني والسبكي أنقذني

أكدت المطربة الشعبية بوسى أنها تعرضت لحادث سير أليم على يد أنصار الرئيس المعزول محمد مرسى أثناء مرورها بشارع صلاح سالم.
وقالت بوسى على صفحتها الشخصية بالفيسبوك: "اتعرضت امبارح بالليل لحادث بشارع صلاح سالم وده لما كنت راجعه من واحد من الاستوديوهات اللى فى مصر الجديدة لانى كنت بصور مشاهد من فيلمى الجديد "عش البلبل".
وتابعت: "واللى حصل ان فى عربيتين حاصرونى اول ما خرجت من نفق العروبة رايحه للمهندسين لإحياء حفلة فى واحده من الخيم الرمضانية "الهاوسجية" واتكسرت العربية اللى كنت فيها وأصبت بكدمات وجرح باليد واتحجزت مع جوزى ومدير اعمالى فطين وكانت العربيتين فيهم مجموعة من انصار الرئيس المعزول مرسى ومهربوش إلا بعد ما بعت السبكى مجموعة من الحرس الخاص بيه عشان ينقذونى وبعد كده روحت انا وفطين لمستشفى هليوبوليس عشان يعملولى مجموعة من الفحوصات الطبية وبعدين روحت البيت.. واعتذرت عن أى ارتباطات فنية" .
جدير بالذكر أن فيلم "عش البلبل" بطولة كريم عبد العزيز، سعد الصغير، محمود الليثى، بدرية وإنتاج أحمد السبكى.