حالة هجوم شرسة تتعرض لها المغنية شيرين، بسبب مشاركتها يوم السبت الماضي في إحياء حفل برنامج المواهب "آراب إيدول"، في ظل بكاء مصر الحار على ضحايا مجزرة مباراة الموت في بورسعيد. لتزيد حالة استفزاز الفيسبوكيين من جراء نشر مؤسس صفحة شيرين الرسمية، لصور الحفل و لقطات خاصة من الكواليس، مما جعل الكثير من الأعضاء في الصفحة ينهالون بالنقد اللاذع على المغنية من ظهورها في البرنامج وابتسامتها العريضة التي ملأت الشاشة، دون ان تقدر حجم معاناة أهل مصر في ذلك الوقت العصيب لتقرأ تعليقات مثل: - هو مفيش دم خالص!!!!! ليكي نفس تغني لسه؟؟؟ اصلا المفروض البرنامج كله يتلغي الشعوب العربية بتموت و انتوا طالعين تغنوا. - ده وقته يا حاجة برضه....انتى وتامر حسنى اللى راح يعمل حفلة فى أمريكا......خلاص هتموتوا ع الفلوس اوى كده - عزيزتى شيرين انا كنت بحبك و بعشقك بس للاسف بعد ما روحتى فى عز المحنة و حالة الحداد و غنيتى فى اراب ايدول كرهتك !!!! - سقط القناع كله بتاع مصلحته وبس ... كنتى راعى شعور ام فقدت ابنها راعى مشاعر شعب في حاله خوف وتوتر وقلق - شيرين شكلها مش حاسة شو بصير في مصر - برشلونه وقفت دقيقه حداد، منتخب السودان وقف يقرأ الفتحة على ارواح الاموات نحتسبهم عند الله شهداء، وغيرهم من البلاد حطت شرايط سوده واحنا المصريين في مننا بيغنوا ولا فيه اي احترام - حلو يا فنانة انتي في وادي والناس في وادي فعلا يلعن ابو القرف وعدم الاحساس - مصر في كارثة وناس ماتت و احنا بنعرض الصور والأغاني والحفلات أنا عن نفسي هشيلها من عندي خالص أغلب الناس دي مش حسه بحاجه وبعدما أصبحت التعليقات المرفقة بصور كواليس برنامج آراب أيدول، تتهم شيرين بعدم مراعاة مشاعر المصريين، كتب أحد الأعضاء تعليقه الخاص محاولا الدفاع عن ملكة الإحساس قائلا: - انا عايز اقول حاجه مع احترامي دي مش شيرين ولا اي حاجه شيرين بجد جات في التلفزيون وقالت انها ملهاش اي علاقة بكل الصفحات اللي علي التويتر او الفيس بوك يبقي التفسير ايه ان دي مش شيرين مع احترامي. وسواء هذه حقا الصفحة الرسمية لشيرين من عدمه، فهذا لا يمنع أن غناءها في برنامج آراب أيدول يوم السبت الماضي، استفز الكثيرين من المصريين الذين كانوا يتمنون لو كانت شيرين تراجعت عن إطلالتها تقديرا لدماء مصرية سالت على الأرض ومازالت تسيل!.