شن الفنان هشام سليم نجل صالح سليم رئيس النادي الاهلي الأسبق هجوما حادا على الادارة الحالية للنادي وتحديدا رئيس النادي حسن حمدي بسبب الأزمة المثارة حاليا حول حصوله على عضوية النادي. وكان العامري فاروق عضو مجلس إدارة النادي قد أكد فى تصريحات تلفزيونية أمس الأول أنه الأهلي لن يعدل لوائحه من أجل هشام وأنه عليه استكمال الأوراق الخاصة به للحصول على العضوية. وبدوره رد هشام فى تصريحات لبرنامج "الرياضة اليوم" مع الاعلامي خالد الغندور يوم الاحد: "تحدثت قبل ذلك 100 مرة عن موضوع الكارنيه ولم يبلغني أحد من الأساس بوجود متأخرات مستحقة علي ولم أسمع هذا الكلام الا من العامري فاروق أمس فقط". وتابع: "مش حكاية ادفع ايه. انا مستعد من غير اشتراك اتبرع بهذا المبلغ عشان ميتاخدش اني بحاول اخش النادي عشان انا ابن صالح سليم وده عيب". وأضاف: "ميشرفنين اني اكون فى النادي الأهلي لأني متأكد ان المسئول حاليا ذوقيا مبيعرفش يتصرف ازاي. عضوية النادي الأهلي لا هتزود حبي له ولا هتنقصه. انا حاسس بإنتماء لهذا النادي وابويا تعب فيه وقضى فيه عمره كله وكان النادي أهم من بيته". وكرر هشام ما أكده مسبقا من أنه لاقى تجاهلا متعمدا من مسئولي النادي بقوله: "لو قالولي فى الأول مش هنعمل الكارنيه عشان سبب عدل، انما التجاهل اسخم من أى حاجة وكده مفيش أى أصل". وأضاف: "كل انتخابات فى الأهلي بسمع ان النادي فوق الجميع وانهم ماشيين بمبادىء صالح سليم وولا بشوف حاجة من دي. حسن حمدي هو المسئول عن كل حاجة وهو المسئول ان لما ابن صالح سليم يطلب العضوية يكلمه على الأقل ده لو فى ريحة من اللي بيقولوا انها روح الكابتن صالح". وعن رؤيته للسبب وراء هذا التجاهل، كشف سليم عن أن وجوده فى النادي ربما يكون غير مرغوب فيه من قبل حسن حمدي موضحا: "السبب إن هشام صالح سليم لما يكون فى النادي الأهلي هيلاقي ناس بتسمعه لو انتقد حاجة وهما مش عايزين كده. بإختصار حسن حمدي مش عايز حد تبع صالح سليم". واختتم هشام تصريحاته بتوجيه حديثه لجمهور الأهلي قائلا: "انت اعظم جمهور وخليك انت فى النادي وملكوش دعوة باللي بيحصل ده أما الجمعية العمومية فأنا سامع عن اللي بيحصل وفى عمال فى النادي بتقولي احنا مبنقبضش بال 6 شهور فى الوقت اللي فىي ملايين بتدفع على اجانب مستحتقش تلعب فى فريق مكسحين".
