كلام مسئول

22/10/2010
د/ احمد بهجت : من النادر لما يكون فى حاجة
محمد صلاح : هنتكلم عشان الاحوال اللى احنا فيها دى بس بر ضه ما جوبتنيش عن السؤال بر ضه هل ممكن رجل اعلام زواج البيزنس بالاعلام يعنى البيزنس بالسلطة معروف لكن الحديث شوية خلال العشرسنين اللى فاتوا زواج البيزنس بالاعلام يعنى رجال اعمال كثيربعد الخطوة اللى انت عملتها بقى فى خطواط اخرى وعلامات
د/ احمد بهجت : الحقيقة انا بقول دى حاجة كويسة كل ما باسمع موسيقى ما ناجحة جديدة طلعت فى مصردى حاجة جميلة جدا
محمد صلاح : هل التاثيرالسياسى هنا ايه او استخدامها سياسيا ؟
د/ احمد بهجت : مفيش لوحضرتك هتستخدمها سياسيا هتتحرق على طول القناة يعنى خلى بالك
محمد صلاح : المعنى ازاى يعنى ؟
د/ احمد بهجت : الشعب فاهم انت موجة القناة دى علشان مصلحة خاصة او مصلحة شخصية لايمكن هيتقبل برامجك دى ابدا ولا هيبص على القناة دى خالص وده يمكن ان احد الاسباب ان بعض القنوات الحكومية ما بيبقاش عليها اقبال لان هما صبغوها بصبغة حكومية فا بالتالى الناس بتقول لك ايه ده وجة نظرواحده يعن عايز اروح اسمع وجهات نظر ثانية فا انا باعتقد انه اللى بيحاول يستخدم القناة فى مصلحة شخصية ما بينجحش وانا ما اعتقدش على الفترة اللى فاتت انه حتى اثير هذا الموضوع لا من قنوات المحورولا من قنوات الحياة وقنوات دريم نفس الحكاية ما سمعناش ابدا ان حد اتهمنا ان احنا اسئنا استخدام
محمد صلاح :لأ ربما مفيش اتهامات انك اورجال الاعمال استخدمواالقنوات لتحقيق مكاسب سياسية لنفسهم ولكن ربما الاضرار بمواقف سياسية للاخرين ربما الحزب الوطنى والحكومة مثلا بتقال بتقال مش كده ولا ايه؟
د/ احمد بهجت : لأ يعنى احنا عمرنا ماكنا بنعدل فى الاضرار
محمد صلاح : لألأ عمرنا معملناش كده لأانا محدش وجه الى فى يوم اتهام بانه القناة هتستخدم ضد الحزب مثلا هوبيقول لك انتوا بتهاجموا الحكومة لما بيكون فى عمل تنفيذى خلى بالك الحزب مالوش علاقة بالتنفيذ التنفيذ ده فى ايد مجلس الوزراء والوزراء لما بيحصل ان يكون فى خلل فى نطاق ما واحنا بنلقى الضوء عليه فطبعا احتمال كبيران الوزيربيبقى زعلان مما اثيرفى هذا الموضوع احنا مش نيتنا ان احنا نزعل حد احنا نيتنا نقول ان هناك خطأ ونرجو صلاحة
محمد صلاح : من كام شهركده وزراء الاعلام العرب وضعوا وثيقة اولا كان فى فكرة مصرية لوضع قانون لتنظيم البث الفضائى والاذاعى ثم تطورالامر على مستوى الدول العربية وزراء الاعلام العربى وضعوا مفوضية عبارة عن تطويرللوثيقة نفسها تقريبا لتنظيم البث الفضائى ما عليك مسالة البث الفضائى اكيد كنت معنى بالمسالة دى يعنى يمكن زملائنا الاعلاميين فى الفضائيات هبوا واعترضوا نتيجة ان يكون ده من منظورفوقى اوهيهبط عليهم مشروع قانون ثم الوثيقة واعتبره تدخل فى عمله انت بصيت للحتة دى ازاى والا انت عامل ميثاق شرف لنفسك فى الحتة دى
د/ احمد بهجت : لأ احنا بالتاكيد ان احنا شايفين تهديد من فكرة التنظيم علشان الامور ما يبقاش فيها غموض لما يكون التنظيم من الخصم بتاعى يبقى فيها مشكله ماالتعامل مع الدولة لما تكون هى المنظمة وهى القاضى فى نفس الوقت عندك مشكله انا اللى بقولة ايه ان احنا المفروض ان يكون الحرية المتاحة اللى هى المتاحة وكويسة جدا حاليا انها تستمر ومايبقاش الصبربتاع الدوله ينفذ بسرعة لان احنا حاسين ان هناك نفاذ للصبرفا انا بارجو ان يكون فى نظرة فى ان احنا نجحنا نعمل حاجة كويسة جدا ان اعلامنا اعلام حر بنسبة كبيرة جدا وناجح جدا فى العالم العربى فمنجيش نقفل عليك لان لو قفلنا عليك هتلاقى قنوات اخرى هى اللى رجعت تاخذ البريق بتاعها اللى انطفى بسبب وجودنا احنا
محمد صلاح :بس الفضائيات المصرية ربما سحبت السجادة زى ما البعض بيقول يعنى من تحت اقدام القوات العربية اللى كان من الممكن انها بتكون بتضايق البلد او الحكومة احيانا اوربما بعض المصريين من افراد الشعب تضايقوا من طريقة نتاولهاللاحداث داخل مصر بس فى افراد شايفة ان مصر لما شدت السجادة بالتراب اللى عليها فجاء فى وشها ارصد لى اخطاء التجربة انت شايف ان ده ممكن يكون بث او وثيقة او تنظيم البث او مشروع للقانون نتيجة اخطاء بر ضه ارتكبتها
د/ احمد بهجت : ماانا هقول لك مثال سهل قوى واحد موت واحد حادثة عربية نمنع المرور نقول الشارع ده مات فيه واحد محدش هيعدى ؟ يعنى الفكرة ايه ان انت بتحل المشكله الانيه بحل يخلى الناس تمشى بالسيارات وكل حاجة بس نقلل الحوادث فهى الفكرة ايه ان هناك حوادث بتحصل فى الاعلام بتبقى نتيجة ايه ان مذيع اخذته النشوة وحب يعمل جماهيرية ولا حاجة فبيتكلم وبيخرج وبتاع انما لما بيتوجة ان ده انت خرجت عن المالوف
محمد صلاح :ماهو مين اللى بيوجه هنا ؟
د/ احمد بهجت : فيها نفس مسئولة انها توجه
محمد صلاح : يعنى انت عندك ميثاق شرف هنا ؟
د/ احمد بهجت : اه طبعا كل قنوات عندها الحدود الخطوط الحمراء اللى ما تقربش منها يعنى ابسطها الازمة الدينية اللى كانت موجوده الاسابيع الماضية
محمد صلاح : الاعلامية اللى تناولت موضوع الفتنة الطائفية اوتحول الى تحريض تقريبا بين المسلمين والاقباط
د/ احمد بهجت : تمام تمام
محمد صلاح : بس فى برامج؟
د/ احمد بهجت : نتيجة المشكله
محمد صلاح : دى المشكله مين هنا اللى يتدخل بقى ؟
د/ احمد بهجت : المفروض انه فى هيئة الاستثمار بتتدخل لما تلاقى واحد خرج عن الخط
محمد صلاح : زى اللى حصل الاسبوع اللى فات فى بعض القنوات؟
د/ احمد بهجت : بتثير فتنة طائفية مفيش هذار فيها دى 00 دى حاجة ما يجبش ان احنا نسمح انها تبدأ بمشكله فلابد ان يبقى فى وقفة فى الحاجات دى سريعة
محمد صلاح : فى كلام عن مشاكل حاصلة اليومين دول تتعلق بالعلاقة بين الملكية وبين الادارة وبين المضمون اللى بيقدم للناس سواء فى الصحافة او فى الفضائيات الشكل عندك ايه وانت رايك الشخصى يعنى هل يجب الفصل انت رايك الشخصى ايه يعنى هل انت الفاصل انت القورى انت صاحب القناة مامدى تدخلك فى المادة اللى بتطلع على القنوات دى؟
د/ احمد بهجت : انا لا اتدخل خالص الا اذا ..........
محمد صلاح : ايوا ما كل واحد بيقول الا اذا........
د/ احمد بهجت : ما كل واحد بيقول الا اذا ايه بقى خرج الموضوع عن النطاق المسموح يعنى ان اناما اسمح افاجئ مثلا ان انا عندى مذيع وبيجرح فى وزراء انا قلت لأ انت تنتقد اداء وزارة شئ وانك تنتقد الشخص نفسة ده شئ تانى احنا مش مبدأنا ان احنا نجرح فى حد وده خطأ شديد يجب ان احنا لا نقبل به فلابد ان احنا نتدخل حينما نرى ان هناك نوع من التدخل ضد الناس بظلم ما انت عارف الشخص هيعمل ايه يعنى احنا عندنا عدة مواضيع بتثار من حين لاخر وبيحصل خلاف فى التفكير فيها فلابد ان احنا نقول له يا سيدى الفاضل ممنوع ان انت تجرج فى شخص انت ممكن تهاجم سياسته لكن لا تهاجمة هو شخصيا
محمد صلاح : مفيش كود يظبط الحكاية ديت بدال ما انت كل شوية قاعد على التليفون ؟
د/ احمد بهجت : لألألألأ مش قاعد على التليفون اللى بيحصل ان انا باشوف بعض البرامج مش كل البرامج انما بعض البرامج حينما اجد ان هناك خروج عن المالوف خلى بالك لان هما خلاص هما عارفين القاعدة اللى احناماشيين بيها لما بتلاقى ان واحد خدتة الجلالة قوى بتقول له حاسب انت ماشى فى سكة غلط بس
محمد صلاح : بس يا دكتورفى الاعلام فى حاجة اسمها الاثارة يعنى مش شرط يكون تجريح لشخص او قيامة بارتكاب مخالفة قانونية للقذف او السب او حتى اللى يعمل تحقيق مصلحة ما مثلا مصلحة اقتصادية اللعب فى البورصات والكلام اللى حضرتك فاهمة يعنى او فعل مشروع معين او لشخص معين ماهوممكن الاثارة فى حد ذاته تكون خروج عن المالوف له الخروج عن مواثيق الشرف الاعلامى مين اللى يفهم هنا كده المالك هو اللى هيفهم ده ولا القائمين على القناة فى ادارتها والا على اعداد المضمون وتقديمة للناس ؟
د/ احمد بهجت : القائمون على القناة هم المسئولين اساسا مش المالك المالك حينما يسمع بتجاوز بيبلغ لاننا ما بنعرفش كل حاجة انا مش قاعد 24 ساعة باشوف القنوات فا ما بيحصلش ان انا بشوف برنامج اواثنين منهم وخلاص انما فى رئيس مجلس اداره موجود وبيقولوا فى مديرانتاج موجود وفى رقابة موجودة عندنا
محمد صلاح : ايه بقى الرقابة اللى عندك دى 00عندك جهاز رقابة ؟
د/ احمد بهجت : اه طبعا 00 طبعا لان عندك برامج كثيرة فا انت مش عاوزواحد يطلع يقول كلام خارج عن النص او كلام خارج ادبيا وذوقيا ويبقى فيها تعبيرات فيها خدش للحياء يجب ان الحاجات دى كلها طبعا تتشال مينفعش ان انت تطلع علشان واحد قال كلمة خارجة ويقول اللى هو عايزة اه لازم تشيلها شئ طبيعى يعنى
محمد صلاح : طب مش معايا ان بعض البرامج برامج التوك شو وبعض البرامج بالذات الاخرى ما بتحملش نفس اللفتة يعنى لافتة التوك شو تحولت الى يعنى تبنت مواقف اكثر راديكالية اكثر من احزاب المعارضة نفسها ؟
د/ احمد بهجت : هو مفيش احزاب معارضة تقريبا الا حزب او اثنين يعنى يمكن فا بالتالى الفراغ حد بيخش يملآه فا اللى ملأ الفراغ السياسى هوالقنوات الفضائية والتوك شو بتاعت بالليل لكن الاحزاب غير متواجدة وبر ضه هى مش متواجدة مش بسببها هى مش باختيارها لان هم لما يجوا يعملوا مؤتمرات يعملوا ندوات او حاجة بتضيق عليهم فى بعض الاوقات فا بالتالى معندوش نافذة يتكلم فهو يجي يطلع الغلب كله فى التوك شو ويقول الكلمتين اللى عايزهم
محمد صلاح : فا انت بقى بقيت المكان اللى بيطلع يغلب الناس .
د/ احمد بهجت : مش بس احنا ناس كثيرحتى الذوق المصرى ايضا فى برامج كثيرة موجودة فى حرية دلوقتى وبالتالى بيحصل ان ناس بتيجى تتكلم
محمد صلاح : دسيس يعنى ؟
د/ احمد بهجت : ما لازم يحصل كده
محمد صلاح : مش ممكن القنوات ديت فى بعض الاحيان زى ما حاصل مثلا دلوقتى انها تسمح بقوة سياسية الدولة بتعترض عليها او مش من حقها ترخيص زى الاخوان المسلمين مثلا ويبقوا ان توقفت تحت البند اللى حضرتك بتقول علية مفيش حركة سياسية تبرز نفسها وتظهر للناس على القنوات وبالتالى انا هيبقى انا محتاج حد من الاخوان كل يوم يسخن الدنيا ويدخل حد من الوطنى يعمل وهكذا يعنى هو ده فى النهاية بيدخل فى مجال الاثارة مش ان انا ............
د/ احمد بهجت : فى النهاية انا متفق معاك مينفعش يبقى فى حاجة الدولة عملة عليها حظر واحنا نتبناها لان ده ضد القانون فهى ان الفكرة بيحصل بعض الاوقات اخطاء وبيتم تلافيها بسرعة ان انت مش عايزانا شخصيا مقتنع ان خلط الدين بالسياسة غلط ولا يجب ان يكون ده الطريق بتاعنا وانا قلت اكثرمن مرة ياريت جماعة الاخوان المسلمين تهتم بالعمل الاجتماعى وتترك السياسة لان هما حتى فى مجلس الشعب الاخيركان عندهم 88 كرسى انما مطلعش منهم حاجة يعنى الحاجة الوحيدة اللى انا اذكرها لهم كانوا معطلين قانون زراعة الاعضاء للمرضى وانا كنت فى غاية الضيق من ان هما ان انا قلبى اتغير فى 2006 وكنت باموت لولا تغير القلب بتاعى كنت مت من زمان فا انا ببقى عارف انا واحد من المستفيدين من هذا القانون من حسن حظى ان انا فى امريكا فى اوربا عملت العملية هناك انما لو فى مصر كنت مت فا الفكرة ايه هما بيتدخلوا فى حاجات وانا ارى المفروض ان هما ما يتدخلوش فيها اللى هى السياسة يعنى هما خليهم فى العمل الاجتماعى فى العمل الخدمى خير وبركه
محمد صلاح : الله ما هم بيطلعوا فى السياسة بيتكلموا عندك فى قنواتك بر ضة ؟
د/ احمد بهجت : ماهو ده غلط مكنش مفروض يحصل مثلا عندنا كان خطا شديد حصل ان احنا انتقلنا لمقر الاخوان وعملنا حديث هناك وانا اعلنتها ده مكنش واجب انه يحصل مكنش مفروض انه يحصل السبق الاعلامى ساعات بيكون سبب شخص بيخرج عن المالوف للنور شوية كده انما فى حقيقة الامر ان هذا التصرف ده صح وان احنا بنفرضة انا بقول لك لأ
محمد صلاح : فى انطباع سائد عند الناس بغض النظرعن الحكومة والحزب الوطنى يعنى ان الفضائيات مقدمة كل حاجة سودة لانك لما تتابع حتى امورحياتية تتعلق بالناس مية ماسورة بتنفجر حادثة عربية الطماطم مجنونة الفاصوليا دماغها ضربت حتلاقيها طبعا مشاكل العلاج والوقفات الاحتجاجية
د/ احمد بهجت : خد بال حضرتك دلوقتى الوقفات الاحتجاجية
محمد صلاح : الناس ياعينى بيفضلوا قاعدين اول لما الكاميرا تيجى تعلمك بيريحوا يعنى انت مش شايف معايا انه فعلا اتقدمت صورة سودة للوضع لدرجة انه بعض الزملاء مخبيش عليك يعنى خدوا موقف من برامج التوك شو بيقولك انا عايزانام هادى شوية يعنى ممكن يكون مقتنع باللى بيتقدم على فكرة وان ده حقيقى واكيد هو حقيقى يعنى وقدمت التلفزيون المصرى فى برامج التوك شو بتعكوا بر ضه بس نفسنا فى حاجة وردية صغيرة بر ضه ولا ايه رايك
د/ احمد بهجت :ان متفق معاك تماما وانا شخصيا شايف ان احنا عندنا دايما يقولك الكوباية نصها مليان ونصها فاضى احنا مقدمنها فاضية كلها وانا فى اعتقادى ان ده خطأ شديد ومهواش مهنيا صح مفروض ان انا دائما باطلب من كل الناس اللى عندى القاء الضوء على الايجابيات الموجودة فى الدولة يعنى الطرق الجديدة لو فى مستشفى جديدة او فى اى حاجة جديدة مدارس جديدة تم بناءها ان احنا نقول
محمد صلاح : كله قديم ده كل اللى فى التوك شو بيبقى قديم مفيش فيها جديدة كله القديم اللى هو بنقول عليه السلبى
د/ احمد بهجت :هو دى النقطة ان الفكرة انه السلبى بيجذب الجمهوراكثر لكن الايجابى يقول لك لأ يعنى انا اعتقد ان ما تم فى مصرانا امبارح كنت فى 6 اكتوبر فرايح بالف انا من مؤسسى مدينة 6 اكتوبر الحمد لله اول واحد عمل مشروعات فيها انا فوجئت بحجم النموامبارح كنت بروح بزور مكان فوجئت ان المكان كله بقى مشاء الله حاجة رائعة مشروعات عملاقة قائمة طيب مادى حاجة تحسب للدولة
محمد صلاح :اه كان حديث بيتكلم على الطماطم وبتاع
د/ احمد بهجت : يعنى انا بقول محدش بيتكلم عن دى ليه ما بتنزلش بالكاميرا وتروح تشوف كل المشروعات العملاقة وتفوت على مدينة 6 اكتوبر و10 رمضان والسادات وبرج العرب وتقول ان هناك مصانع جديدة قائمة وكويسة وبتنتج وبتعمر انا باعتقد ان احنا محتاجين ان الفكرالايجابى يبقى مخلوط بالافكار السلبية الموجود نطلع الموضوع ان مش الدنيا سودة ان البلد فيها خيركثير ويجب ان احنا نركز الضوء علية
محمد صلاح : استاذ الدكتوربهجت سياتك علشان المشوار بتاعك بتاع اول امبارح ولا يعنى مش حكاية بلد لأ.؟
د/ احمد بهجت : انا عارف انا بقول الكلام ده ليه انابقالى 4 سنين ولا 5 سنين انا بقولك انا ما بتدخلش فى الادارة انا باعمل انا بادى النصايح لوجهة نظرى ان احنا مقصرين فى النواحى الايجابية ارجو ان انتوا تركزوا عليها تركزوا عليها اسبوع او اثنين وبعدين يمشوا فا احنا محتاجين ان احنا نعمل رقابة داخلية على الرقابة
محمد صلاح : اه مشكله دى
د/ احمد بهجت : اه مشكله كبيرة
محمد صلاح : 11 سنة خليك معايا يا دكتورلسة الكلام ماخلصش رقابة على الرقابة دى فكرة جديدة بر ضه لسه الكلام ما خلصش
فاصل
محمد صلاح : جديدة حكاية الرقابة على الرقابة طب ما الناس عارفة فا الدكتوربيقترح رقابة على الرقابة دكتور بهجت كان معايا رئيس قسم الاعلام بالجامعة الامريكية دكتورحسين امين دكتور حسين امين كان شارك فى وضع الوثيقة اللى كنا بنتكلم عليها من شوية وكان معانا فى البرنامج هنا وتناولنا بالكلام تاثير الفضائيات المصرية نشوف قال ايه وحضرتك ترد عليه ؟
د/ احمد بهجت : اتفضل
محمد صلاح :نشوف دكتورحسين امين كان معانا قال ايه ؟
د/ حسين امين : هو حرية التعبيراحنا اللى بالعكس ده حقوق المفترض فى حرية التعبير ان نعبر عن الاراء
محمد صلاح : وجهات النظر بيطلع بيعبر عن رايه فا يسئ لطرف اخر ؟
د/ حسين امين : لا يسئ بالتجنى والادعاء والاختلاف فده تجنى واساءة كل المسائل دى من المحظورات يعنى فى العالم كله وبعدين احنا بنبص للمسالة على انها لو ده حصل انت بتروح قاطع المحطة وهو المسالة اصلا بتيجى تدريجيا بيبقى تحذير وبيبقى فى انذاروبيبقى غرامة وتغلظ الغرامة وفى كده بيبقى فى خطوات لان حضرتك بيحصل ان فى تجنى حتى على فرد اوعلى منشاة وبيحصل احناعندنا هنا فى الفضائيات العربية فى ناس بتلاقى ادعاءات على شركات يمكن الشركات دى اسهمها تضرب فى البورصة طبعا وبيحصل واحنا قاعدين دلوقتى
محمد صلاح: ولما بيبقى فى حد بيلمع شركة بر ضه دى وسيلة تتدخل فيها والا لأ؟
د/ حسين امين : ادخل فيها ما فى هنا افواج اخلاقية لازم نعرف ان فى اكواد اخلاقية لابد انها مش بس خاصة احنا ما بنوصلهاش رقابيا لابد ان يكون هناك مرصد
محمد صلاح : حضرتك متخيلى ان الاخطاء الاخطر بتكون من مين ؟ الجهات الحكومية منضبطة يعنى
د/ حسين امين :اكثر انضباطا طبعا بدون شك لان ليها فيها انضباط وفق منظومة داخليا غير الاستراتيجية بتاعت القنوات الخاصة القنوات الخاصة هى مش طلعة 00 طبعا علشان تكسب بالنسبة ده مشروع تجارى كل واحد هى يكسب ازاى طبعا فى المنافسة الشديدة اللى موجودة دية فى مبادئ كثير جدا بتهجرفبالتالى هوبالنسبة للقنوات الفضائية ان الناس هى المكسب فبالتالى فى اشياء غريبة وعجيبة جدا
محمد صلاح : ماتقولى شوية اشياء كده.
د/ حسين امين :لأ ادعاءات فى قنوات كثيرة جدا بتمشى مع التيار وتغيرتيارات فمثلا التيارالدينى ماشى فبدل ما تكون قناة ثقافية تبقى قناة دينة التيارالكورة ماشية فيبقى يتحول الى كرة قدم بس ففى انشطة بتتغيرادامك زائد الاستحواذ على الناس يعنى فى صراخ كثيرجدا على القنوات بتاعتنا فانت بتسال الصراخ ده ليه من الناس فتخاف من الناس ببساطة زى قنوات الدنيا كلها لان هوعايز يستحوذ مثلا على وتلاقى القنوات بر ضه كثيرة فى اشياء كثيرة فى الرياضة وفى السياسة والناس يعنى فى ناس متخصصين فضائيات وتشوفهم فى المحطة الثانية يعنى ممكن يتكلم اه شفتة فى المحطة الثانية بيتكلم فى السياسة وفى الاقتصاد وفى الاعلام وفى الهندسة وفى الطب ماشى زائد كده فى ناس متخصصة عارفة ان المهنة دى عايزة ناس متخصصة اللى بيطلع كثير فيها بيتحرق
محمد صلاح : مش دائما مضئ ؟
د/ حسين امين : اه والغلط بيبقى واضح ومسجل عليه بقية حياتة
فاصل
محمد صلاح : دكتورحسين امين شايف ان محدش هيعمل قناة فضائية كده لله يعنى ايه رايك فى الكلام ده يا دكتور؟
د/ احمد بهجت : فى مجملة كلام جميل جدا ودكتور محترم دكتورحسين وانا اعرفة شخصيا انما الفكرة ان انت تقدرتراقب كل ما يدارفى كل القنوات ده شئ مستحيل احنا انهارده عندنا 450 قناة فضائية وبعد سنة ولا اثنين هيبقوا 800 قناة فضائية مين اللى هيقعد حضرتك يراقب كل قناة من ال 800 دول بيقولوا ايه وايه البذائة ومش البذائة
محمد صلاح : لما تيجى البذائة ما انا هقولك لما تيجى البذائة .......
د/ احمد بهجت :هقولك الحكم هنا هو مين هو الجمهور الدكتورعبد القادر حاتم لما انابدأت القناة رحت اخذ من خبرتة وقلت له قال لى شوف انت عندك من 15 الى 20 ثانية والناس بتقلب بالريموت كنترول علشان تجذب انتباة الناس لو جذبت انتباه الناس هيتعودوا ان هنا يجولك وفعلا ده اللى بيحصل فى نفس الوقت ناس كثيرة جدا يعنى فى قنوات موسيقية فيها عرى وفيها حاجات بزيئة ما بيقلبش فى اهالى كثيرجدا عملوا بلوكد عليها وقفلوا القناة ما بتتشفش فاذن لما حضرتك بتخرج عن الاطاربيروح عامل ايه صاحب البيت بيقطعك من الريموت كنترول بتاعة تبقى غي متواجد هو ده هى دى الرقابة الحقيقة انما تقولى هتقعد تجيب بقى 1000 موظف تليفزيون قاعدين 24 ساعة محتاج الى 3000 واحد قاعدين يشوفوا جميع القنوات
محمد صلاح : لأ انا مش حضرتك انت قلت من شوية عاملين رقابة احنا اللى عامين رقابة داخل القناة
د/ احمد بهجت : ايوا
محمد صلاح : طب ايه المشكلة انه يكون فى كل قناة رقابة داخلية ؟
د/ احمد بهجت : كل القنوات انا متاكد ان فيها رقابة
محمد صلاح :انما الاعتماد على انه الجمهور فقط ؟
د/ احمد بهجت : نوع من الهجروالاثارة بر ضه ماهو حضرتك الاثارة شئ وقلة الادب شئ ثانى
محمد صلاح :اه
د/ احمد بهجت : الناس فى مصر ذاتية جدا واذكى شعب فى العالم احنامش هنضحك على حد يعنى لو واحد الناس رفضتة تاكد انه لا يستحق انه يتشاف ولوواحد كويس الناس هتشوفة مهما عملت فيه
محمد صلاح : فانا بقولك القنوات اللى بتقدم عرى والحاجات اللى قلعة
د/ احمد بهجت : دى بقى الناس اللى .............
محمد صلاح : بالضبط ما انت بتتكلم فى شعب نسبة الامية فيه بر ضه عالية
د/ احمد بهجت : وظيفة الاهل مش وظيفة الرقابة يعنى واخد بالك لما انت اساسا سامح عندك بالعرى بالحاجات الفاضحة هتعمل رقابة على ايه ما انت ALREADY سامح بيها بالمنطق ده
محمد صلاح : انا اطرح المخدرات ؟
د/ احمد بهجت :لألألأ انا ما بقولش كده انا بقول فى حاجة اسمها ميثاق الشرق الاعلامى اللى هو الطبيعى عدم الخروج عن الدين عن الاخلاقيات عن العادات الاجتماعية عن عن فا الناس عارفة فى 500 قناة جنسية على الهوت برد جنس جنس يعنى افلام جنس طيب ما هو اللى عايز يتفرج هيتفرج هتمنعة ازاى فاهم قصدى وده طبق بيتحرك من زاوية الى زاوية خلاص وصل للامرالتام الفكرة ايه ان مكنش واحد عنده اخلاقيات مش هتقدرتمنعة ان هو يعمل اللى هوعايزة الانترنت ما فى حاجات فاضحة ممكن اى حد يخش عليه
محمد صلاح : ايوا يادكتوربس الفرق هنا ان ده منتج بيجلى من الخارج بحاول اواجهة بشكل او باخراقفل القناة يطلع على قمرصناعى بعيد عنى بس ما بتقاش المادة انا اللى بطلعها
د/ احمد بهجت : انا بقول لحضرتك فعلا لوسياتك شايف ان القناة من القنوات بتعمل هذا الكلام بتبعث لهاانذار بتبعث لها انذار ثانى بتهددها بالايقاف بتحط عليها غرامات يعنى هناك وسائل عديدة تستخدم خطوة ثم خطوة مش من اول حاجة اروح قاطع رقبة القناة وخلاص فكرة ان القنوات مهياش بالبساطة دى انه واحد ده خلى بالك المشكلة مش بس فى القناة انت عندك كل اللى بيشتغلوا فى القناة دية بيتحولوا الى ناس من غيروظيفة ومن غيردخل انت فاهم انت عندك 450 قناة حاليا هتلاقى منهم فى مصربيطلع 200 والا 300 واحدة بيشغلوا كل قناة اد ايه احنا شوف الاستديوهنا فى كام واحد موجودين وده برنامج لوانت عندك قناة شغالة طول الوقت فعندك مئات من الناس بتشتغل
محمد صلاح : مش عايزحد يقف بس محدش يرضى بانه اللى يطرح على الناس يخالف القيم وتاريخهم ودينهم واديانهم وهكذا ؟
د/ احمد بهجت : انا منتفق معاك 100 فى ال100 فى اللى بتقوله مفيش شك فيه
محمد صلاح : هى حزبة قناة دريم ايه يا دكتوربهجت بتكسب ولا بتخسر؟
د/ احمد بهجت :الحمد لله بتكسب ماشى الحال بتعها كويس
محمد صلاح :المكسب ده بيديك دافع انك توسع اكثر من دريم وان .........
د/ احمد بهجت :والله شوف
محمد صلاح : فى ناس كانت اسرع منك فى انها تعمل بقى ايه مسلسلات وافلام والحاجات اللطيفة كتروا يعنى ؟
د/ احمد بهجت : اه انا يعنى ماشى بنظام بايقاع اناماشى كويس كدة ومبسوطين كده ومش عايزين نزود كفاية قناتين
محمد صلاح : مش عايز تكسب ؟
د/ احمد بهجت : ما انت لما بتزود بتصرف اكثروبعدين لازم تطلع مواضيع موريعنى اكثريعنى جذبا للجمهور مش مجرد برامج وبس
محمد صلاح :خلينا نتكلم عن التوك شو ناس لاقت فى التوك شو زى ما حضرتك كنت بتقول من شوية منافذ الناس بتيجى وبتدت تقراها ويسحب البساط شوية تحت قنوات عربية هنا يعنى بزيادة كثافة المشاهدات هنا بعتبر زى التك تك يعنى بيمشى فى كل حاجة وبيخوض فى اى حاجة وطبعا كلها برامج على الهوا كلها ضبط الايقاع فيها فى نفس اللحظة مسالة صعبة بتعالجها ازاى يعنى مالك القناة ما بيدخلش بس على فترات السياسة العامة يعنى ؟
د/ احمد بهجت : هقول حضرتك لما يكون عندك برنامج هولازم تبقى متاكد ان الشخص اللى بيدير هذا البرنامج على وعى وفهم للى بيعمله ميكونش واحد جاى لسة بيجرب لانه لما يكون بيجرب ممكن بيعمل مشاكل كثير جدا فا احنا متاكدين ان الناس اللى عندنا بتقدم برامج مباشرة ان هما على وعى كامل بما يحدث وعارفين حدودنا ان حصل تجاوز ساعات بيحصل تجاوز مش من المذيع بتعنا من مداخلة هوائية او من ضيف فاقداعصابة ويقول كلام يعنى خاطئ فى حق حد فده ماتقدرش تمنعه الحقيقة يعنى خلاص هو بيحصل المشكلة والضريبة ما مقابلها بتقدم مادة ثانية يعنى
محمد صلاح : فى ناس الحراك السياسى الموجود فى البلد بقالة كذا سنة البرامج دى كانت جزء من الحراك ولا هى حركتة ولا اتحرك معاة يعنى ؟
د/ احمد بهجت : انا اعتقد ان هما الاثنين مشيوا مع بعض يعنى الفترة اللى هى من 2005 لحد انهارده الفترة دى اعتقد انها كان فيها سماح بهامش الحرية كبير وفى نفس الوقت فى حراك سياسى كبير وبعدين يستتبعة انت عارف زى كرة الثلج كل ما تعدى عليها بتلم مور اسمول
محمد صلاح : بتلم ثلج يعنى ؟
د/ احمد بهجت : اه بتاخذ ثلج يعن بتزيد الكتلة بتاعتها كل ده خيرحتى لو فى تجاوزات الحل انك انت تدى حرية اكثروليس اقل وانك انت بتوجة الناس يا جماعة خلى بالكوا من دى وخلوا بالكوا من دى انما ما تقفلش القفل ه هيرجعنا لورا مش هيفدنا بحاجة وبعدين العالم انهارده ماهو ده اللى عايز اقوله بقى انهارده حضرتك قفلت مصر كلها ومنعت القنوات الفضائية جدلا هيجيلك من بره هتمنع الدش استحالة هتمنع الانترنت انا بتكلم على ده فى ناس كتبت فى الجرائد فى الفترة اللى فاتت ان احنا يجب ان احنا نمنع كل القنوات دية علشان وجع الدماغ يعنى انا استعجبت ان ده الفكراللى بعض الصحفيين كتبوه وقالوا فيه احنا نقفل كله واللى يتكلم الفكرة ايه احنا هيطلع لك من بره ما اصل العالم بقى قرية صغيرة زى ما بيقولوا ودى حقيقة انهارده لما بيكون فى خبربيحصل مهما عملت هتلاقى بعد 3 ثوانى وصلت الاشارة بالخبر وحتى هما بيمنعوا دلوقى ال SMS مش هيحل حاجة هيطلع حل ثانى
محمد صلاح : يعنى ليه انت واخد المسالة منع ليه ما تسميهاش تنظيم ؟
د/ احمد بهجت : لأ منع انا ما احبش اذوق يعنى انا بقول ان انا اللى شايفة ان ابتدى يحصل منع لاسباب يمكن يراها المنظم انها اسباب وجيهة انما انا بارى ان اى تقيد للحرية هوانتقاص من القدر بتاع الحرية السياسة اللى عندنا فى مصر اطلقوا الابواب افتحوا الابواب حتى لو فى بعض التجاوزات وده اللى الحقيقة عمله الرئيس مبارك الفترة اللى فاتت كان عنده من الصبروالاناه انه قدريتحمل كثيرمن التجاوزات فى حقه هو شخصيا فى بعض الجرائد وفى بعض البرامج ولكنه ساب الباب مفتوح والناس الحمد لله يعنى تجاوبوا وعرفت حدودها
محمد صلاح :استاذ بهجت برامج كرة القدم واستديوهات التحليل انت عارف مبارات الجزائرين وعملت ازمات وصلت الى مرحلة الازمات السياسية ايه اللى يضبط ايقاع الحكاية دى مع احترامى طبعا للزملاء الاعلاميين اللى بيقدموا برامج وهما اصلا كانوا لاعيبة كرة يعنى هل شايف انه اهلوا جيدا عشان يقعدوا امام كاميرا ويقعدوا يتكلموا على الهوا
د/ احمد بهجت : فى بعضهم مؤهل وبعضهم غيرمؤهل وانا اعتقد ان فكرة اللى حصل موضوع الجزائر ده ده كان زى الفتنة الطائفية كده كان مجموعة زايدة جدا من التسخين تسببت فى ازمة كبيرة جدا بيدفع ثمنها نجيب ساوريس انهارده فى شركتة فى الجزائرالسودانيين زعلوا مننا وليهم حق لان احنا اتهمناهم بحاجات غيرحقيقية والجزائر زعلوا جدا مننا واحنا اتقال من عندنا حتى فى قناتى انا
محمد صلاح : هسأل اتقال عنك عبارة فظيعة ؟
د/ احمد بهجت : انت اتكلمت يومها على فكرة انا شفتها بالصدفة البحتة بالصدفة البحتة شفتها وطلبت قطع البرنامج عليه يعنى انا فوجئت باللى اتقال وانا طلبت الحقيقة ايقاف البرنامج لكن ما استجبش المديرين بتوع القناة
محمد صلاح : ايه ايه محدش سمع كلامك ولا ايه ؟
د/ احمد بهجت : مش كل حاجة ما انا ماقدرش افرض رأى بالعكس لأ برضه فى الاخرانا اضطريت شخصيا على فكرة كان عندى مشروع فى الجزائر بعد يوم واحد جالى رفض للمشروع وكان ليهم حق فيعنى احنا غلطنا عندنا فى القناة جامد جدا واحنا
محمد صلاح : عرفت الحكاية دى بعد كده ازاى يعنى علشان يبقى فى اسلوب اكثراحترافا بتؤدى به هذه النوعية من الحرفنة ؟
د/ احمد بهجت :انت عارف حضرتك جمهورالكورة
محمد صلاح : طبقة من الطبقات الشعبية يعنى والمتحمسين واللى بيغلب عليهم الحماس حتى فى الاندية الكروية فى مصروبيحصل فتنة كروية زى ما بيحصل فتنة طائفية بتنتج عنها كوارث بر ضه ظبط الحاية دى ازى بقى ؟
د/ احمد بهجت : احنا حطينا معاييران محدش يتكلم عن الدول ولا عن اهل الدول ولا يتحشرفى السياسة انت برنامج رياضى مالك ومال السياسة يعنى الفكرة ان احنا بنحاول نقلل من تدخل المذيعين فى مالا يعنهم خارج الرياضة ملكش كلام انت بتتكلم عن متش كورة او عن مباراة معينة ما تخرجش برة الايطار ده تقعد تحكى لى حكايات طويلة عريضة وانت بتتكلم مباشراحتمال كبير قوى انك تغلط فى حاجة وانت بتتكلم
محمد صلاح : لأ ده فى حاجة كمان تجربة البرامج الخاصة فى مواضيع البرامج الرياضية تلاسن بين البرامج وبعضهم لان ده حضرتك حتى اللى بيقدموا ما ده كان فى الاهلى وده كان فى الزمالك وده كان فى الاسماعيلى فجوه كل واحد انتماءة لاصلة وده معروف انت عندك برنامجين انت عندك برنامج بيقدمة اهلاوى وزملكاوى مع بعض يوم ما بيقدمه الاهلاوى بيبقى شكل ويوم ما بيقدمه الزملكاوى بيبقى شكل تانى لكن عندك قنوات تورطوا مع قنوات اخرى اوبرامج بقنوات اخرى مش كده ؟
د/ احمد بهجت : حصل
محمد صلاح : انا بيعجبنى فيك انك بتخر كل حاجة
د/ احمد بهجت :ننكرالوقائع ازاى حقيقة ومسجلة حصل تلاسن بين احد المقدمين عندنا واحد المقدمين فى برامج ثانية وهو الحقيقة الثانى ابتدى مش اللى عندنا
محمد صلاح : ماهو ابتدى غلط
د/ احمد بهجت : قام الثانى رد عليه ماهى الفكرة ايه ان واحد ما انت خلى بالك انا كنت بقول مرة القنوات دى عاملة زى القنبلة الذرية المفروض ان انت تستخدمها علشان ترد على حدحدفك بطوبة انما للاسف اللى بيحصل ايه ان انت بيبقى فى احد مندفع متغاظ شخصيا يروح رادد وعامل لخبطة ياأذى القناة وياأذى الناس يعنى دى مشكلة كبيرة فلازم تعمل ايه تعمل تحفظ على الكلام ده بسرعة وايه تشوف الكلام ده وتمنع ان ده يتكررثانى وان اتكرر ثانى تهدده انك انت تفصلة وتلغى البرنامج بتاعه
محمد صلاح : مفيش حاجة كده من اصحاب القنوات الخاصة يا دكتوربهجت انت والدكتورسيد البدوى والدكتورحسن راتب ابرز ثلاثة يعنى من غيرعمل بيملكه ولسة النائب ابوالعنين اللى هيعمل شبكة فى قنوات اخرى وهكذا يعنى تظبطوا المسائل مع بعض يعنى تتظبط امور زى الخناقات والتلاسن والشتايم
د/ احمد بهجت : احنا على فكرة على المستوى الشخصى اصدقاء
محمد صلاح : ما اهلا وسهلا خلينا بقى احنا على المستوى اللى بيطلع ادام الناس ؟
د/ احمد بهجت : انما مش احنا اللى على الشاشة التلاسن واللخبطة والغلط والكلام ده كله بيحصل من المقدمين مش مننا احنا متفقين فى الراى ومتفقين فى الفكرانما اللى بيحصل للاسف الشخص اللى هوعلى الشاشة دهبيقول اى حاجة تعمل مشكلة علشان كده احنا لازم نحجم طول الوقت
محمد صلاح :عملتوا ايه انتوا بقى عشان تحجموا طول الوقت ؟
د/ احمد بهجت : انا باحجم
محمد صلاح : انت بتحجم لوحدك لازم تحجموا كلكوا .
د/ احمد بهجت : وانا بقولك انا شخصيا باستدعى الناس اللى عندنا فى القناة واقول لهم احنا عندنا فى الخطة بتاعنا كذا وعايزين نطلع كذا مش كل مرة بيستجيبوا عشان تبقى برضه الامور واضحة لان هو برضه على الهوا ما تقدرش تمنعة لازم تقطع عليه البرنامج كله فمهياش بالساهل يعنى
محمد صلاح :ثمنها غالى يعنى ؟
د/ احمد بهجت : ده مش حلو للقناة انا فى اعتقادى بالتوجية وتكرارالنصح بس لما يكون اصحاب القنوات واللى بيديروها والعاملين فيها
محمد صلاح : اللى بتطلع على الناس وعلى الشاشات معترضين على قانون تنظيم البث معترضين على وثيقة لتنظيم البث معترضين على مفوضية نظام تنظيم البث طب ما تقعدوا وتعملوا وثيقة موازية عن الاجهزة الرسمية للدول العربية مثلا يعنى يبقى فى جهد بتقدموه عشان انا ما اقولش ان انا باعترض على التنظيم وبسمية منع وسايب الدنيا كده
د/ احمد بهجت :اناعلى فكرة اللى بيحصل اقل بكثيرمن اللى ممكن يحصل عندنا هفوات فى بعض القنوات وبيتم معالجتها على الفوريعنى انا هقولك هنا فى مصردايما بيحصل هوجة العربيات اللى بالمقطورة طلع قانون مرور جديد قانون مفزع رهيب هه ولا يطبق يطبق ايه عشوائى
محمد صلاح : لأ والمقطورات اتمد لها ؟
د/ احمد بهجت : ما انا بقولك ايه اللى بيحصل هوجة ويقولك ايه والناس ماتت والناس بتاع وتشعر ان ده ايه نهاية ما انا ماشى على الدائرى كل يوم
محمد صلاح : انا على الدائرى بس من الناحية الثانية
د/ احمد بهجت : فا انت كل يوم بتشوف كوارث فى الطريق ولا حدش بيعمل بها حاجة
محمد صلاح :خلينى فى القنوات بقى يا دكتوربهجت انت خدتنى فى المرور
د/ احمد بهجت : انا اخذتك فى المرور
محمد صلاح : فا انت كنت بتضرب لى مثل على ان يكون فى قوانين انا بسالك على الجهد اللى المفروض يعمله اويقوم به اصحاب القنوات دى لتلافى الاخطاء اللى بتحصل وتحسين صورة القنوات عند الناس ولعدم الانصباب بين ......
د/ احمد بهجت : شوف كل اصحاب القنوات عندهم ديناميكية للتدخل وبشكل شخصى يعنى تجاوز هكلم اللى بيعمل البرنامج نفرض عمل مشكلة مع الدولة او مع غيرها
محمد صلاح : هكلم طب ما نعمل كلنا مع بعض كده ؟
د/ احمد بهجت :سنة الحياة مادى لازم حضرتك يكون ايه يكون برامجك كلها تسجيل ونلغى المباشركله
محمد صلاح :انتوا تقعدوا مع بعض اقعدوا مع بعض على قهوة فى كافيتريا فى فندق فى اى حاجة وتتفقوا على صيغة بيتم بيها عدم الدخول فى صدام مع الدولة الالتزام بمواثيق الشرف على حتى اذا كان فى عندى برنامج بيهاجم برنامجك نعمل برنامج زى ما حصل فى الرياضة وغيرة يعنى لغة التلاسن لونتفق على كود اخلاقى وكود اعلامى بيتقدم للناس اوبنلتزم به وبالتالى بتطلع المادة للناس محترمة يعنى
د/ احمد بهجت : فى اغلب الاحوال بيتم هذا لأ وفى اللقاءات احنا بنتقابل على المستوى الشخصى كل فترة قريبة مش احنا قريبين من بعض محناش بعاد عن بعض
محمد صلاح : لكن انت دائما تقول ان قنوات دريم جابت لك وجع الدماغ صح سمعتك دايما بتقولها الحكاية دى ؟
د/ احمد بهجت : حصل
محمد صلاح :هل وجع الدماغ نتيجة جهود بتمارس مثلا ولا نتيجة طلبات بتتطلب منك ومابتعملهاش ولا هددت رؤوس اموالك ولا ايه ؟ ولا كلها مع بعض
د/ احمد بهجت :لا تعليق
محمد صلاح : يعنى ايه نوعية وجع الدماغ ادينى سكة كده فى ....؟
د/ احمد بهجت : انت قلت التشكيلة
محمد صلاح : انت قلت مثلا ال 3 دول ؟
د/ احمد بهجت : دى ممكن تكون احد الحاجات شوف احنا ما نقدرش نقول ان القنوات بتاعتنا يعنى حصل اخطاء بس ساعات بيبقى رد الفعل اقوى بكثيرمن الفعل نفسه فبنتعوق فى السكة وده اللى بيحصل بعض الاحيان يعنى
محمد صلاح : شايف تجربتك الفضائية فى المستقبل هتنتهى عند ايه ؟المصرية طبعا اقصد يعنى
د/ احمد بهجت : انا فى اعتقادى انها تعتمد على الحاكم اذا كان عنده نوع من التقبل للانتقاد يعنى زى ما احنا فى الوضع اللى احنا فية دلوقتى هتمشى عادى جدا وهتنجح وهتتقدم لوحاكم لا يشعر بهذا بيشعر ان الهامش يقلله هيقل
محمد صلاح : قولى يا دكتوربهجت انت شايف انه لولا الفضائيات فى مصركان الوضع شكله عامل ازاى والاعلام ؟
د/ احمد بهجت : كا ن هيبقى اسعد كثير هههه
محمد صلاح :فعلا
د/ احمد بهجت : طبعا انا كنت هبقى فى موقف احسن من كده كثير جدا
محمد صلاح : انت حد ضايقك ولا ايه ؟
د/ احمد بهجت : ماهو انا ما قلتش حاجة انا مسئول عن اخطائى
محمد صلاح : يعنى هى اخطاء؟
د/ احمد بهجت : اه طبعا
محمد صلاح : ده بناءا عن تجربة ؟
د/ احمد بهجت : يوم كده ويوم كده
محمد صلاح : يوم حلو ويوم مر؟
د/ احمد بهجت : يعنى انت على حسب ايه الحالة النفسية يعنى ساعات تقول كان ايه اللى عمل فيا كده وايه اللى دخلنى فى الموضوعات دى من اصله انما ساعات بتقول والله انا عملت حاجة ايجابية واضافة للبلد بالتاكيد ان انا سوف اثاب عليها يوما ما
محمد صلاح : مشاء الله شفتوا محدش بيكلها بالساهل يعنى حتى اصحاب القنوات بيبقى عندهم يوم حلو ويوم مر فياصاحب شبكة قنوات دريم الفضائية دكتوراحمد بهجت كلامه معانا انهارده كان كلام جميل كلام معقول اكيد كلام مسئول وخلص الكلام سلام نلتقى فى الحلقة المقبلة نورت يا دكتور
د/ احمد بهجت : الله يخليك 0