سخر الفيسبوكيون من التعديلات الجديدة التي طرحها موقع الفيس بوك حيث لم تنل إعجاب الكثيرين منهم، خاصة مع وجود شريط جانبي على اليمين يكشف كافة التعليقات والأعمال التي يقوم بها الشخص لكل أصدقائه مما يفقده حقه في الخصوصية. وكان الفيسبوكيون قد أعلنوا أن موقع التواصل الأول يقدم خدمة جديدة وهي "افضحني شكرا"، لتنهال التعليقات الساخرة منها. وإليك بعضا من التعليقات المضحكة والمتهكمة على شكل الفيس بوك الجديد: - قريبا الفيسبوك هيبقى كده: أحمد توفيق بياخد دوش Happening now ريم حسن ملقتش بيبسي في التلاجة فبعتت أخوها يجيب five minutes ago ميادة ووائل بيتكلموا اينبوكس وعمالين يجيبوا في سيرتك happening now أحمد خلص دوش ولقي كل بوكسراته في الغسيل Just now سامي فاتح كوكي بمشاعره وكوكي قلبته ten minutes ago رامي قام من على الفيسبوك ودخل الحمام 30minutes ago ميرا عطست -* (يرحمكم الله) Click here to send her أم محمود بتنده على محمود علشان حطت الأكل على السفرة أبوك طالع على السلم، اطفي السيجارة وهوي الأوضة سوسن بتغير لابنها لتالت مرة النهاردة - يعنى ايه كوك زيرو ؟؟ يعنى نقعد شهور نطالب بتعديل حاجات كتير في البلد وفى الأخر إدارة الفيسبوك هي اللى تستجيب وتعدلها - التحديثات بتاعة الفيس دي لو إتعملت قبل 25 يناير.. كان زمانّا بنشرب شاي يوم 24 يناير بليل في أمن الدولة،الحمد لله.. الثورة كانت هتبوظ. - الفيس بوك بقى اوضة وصالة وحمام ومفتوحين على بعض...أنا خايف ادخل استحمي اطلع على اليمين - الفيس بوك بقى مشغل خاصية برج المراقبة ع اليمين .. وفى ناس هتسميه بعد كده ركن الفضايح - من الأخر : أنا مع محاكمة الفيس بوك عسكريا - فيس بوك يطلق خدمة جديدة.. خدمة "افضحني شكرا" - مشكلة فى الفيس بوك الجديد - انك لو هرشت .. الفيس كله هيعرف انك هرشت !! وهرشت مع مين وايه سبب الهرشة ومكان الهرشة فين بالتحديد - برج المراقبة اللى عاملهولنا الفيس بوك يقولنا أصحابنا بيزوروا مين عالفيس بوك وموجودين فين وبيتفرجوا على ايه تبقى خدمة جرسنى شكرا مهلبية خالص - يا سلام بقى الأنبوكس والشات كمان وتبقى حمادة بالجنزبيل - جماعة بمناسبة إن الفيس بوك بقى "اوضتين وصالة ومطبخ وحمام " - أنا خايف ادخل الحمام القى الناس شيفانى وانا جوه دى تبقى فضيحة - الناس اللى بتقول تغيير اللغة هو الحل .. أحب أقولكم : يا فرحة مامهاتكو بيكو لا ريلى .. يا فرحة ماماهاتكو بيكو يا فرحتى غيرت اللغة ومشوفتش الناس بيعملوا ايه والناس كلها مراقباك وشايفين كل حاجة بتعملها عالفيس - الفيس بوك يقدم أحدث خدماته .. افضحنى شكرا !! - الأكشن اللى أنت عملته ده متصور .. لو قلت نزيع هنزيع لو قلت منزيعش هنزيع بردوا لأن انت عالهوا - يعنى ايه الفيس بوك الجديد ؟ واحد بيقول لحبيبته : وحشتينى يا بيبى موووووووو تلاقى نص أصحابه بيبوسوا معاه والنص التانى بيشجعه ( ايوا ياعم الله يسهلك ) ( أجبلك شجره واتنين ليمون - عباس الضو بيقول لا لبرج المراقبة اللى على يمين الفيس بوك - وأحب أقول لكل واحد راشق عينه يمين الصفحة أنت كائن لزج ومتطفل - تجديدات الفيس فى الطرف اليمين . .قصدك تقولي ان اللي بيستخدم الفيس يميني متطرف - الفيس بوك يرفع شعار .. احنا فى زمن النفخ
