حظر تداول أموال عليها “شعارات”.. يشعل سخرية رواد التواصل من رعب الانقلاب

أثار قرار البنك المركزي منع تداول الأموال المدون عليها عبارات، سخرية واسعة عبر مواقع التواصل الاجتماعي، خاصة وأن القرار جاء بالتزامن مع حملة أطلقها معارضو الانقلاب بعنوان “#اطمن_انت_مش_لوحدك”، تهدف إلى كتابة تلك العبارة على النقود.
وكتب “تيتو تيفا”: “معتز بيهز البلد اقتصاديا بأفكار بسيطة… رعب النظام أحسن من ضربه”. فيما كتب إسلام توفيق: “عادى هنشيلها شوية لحد ما الحرقان عندكم يبرد.. الفلوس متشالة متشالة لوقت العوزة، فبرضو مش قرار صارم ولا هو عبقرى يعنى.. لا بالعكس ده هيحصل عجز عندكم أنتم.. هنرجع تانى بالفلوس وهتتادول بمزاجهم أو غضب عنهم.. اطمن الفلوس مش هتعجزنا يعنى”. وكتب طه عبد الله: “والله برافوا معتز مطر”.
وكتب محمد سيد: “نظام هش.. أقل شيء يخيفه حتى لو فكرة”. فيما كتب علي ممتاز: “خايفين من إعلامي واحد والبلد فيها 1000 قناة و100 إعلامي.. انتوا فستك خالص”. وكتب أشرف جاد: “كل ده عشان اطمن انت مش لوحدك.. مش لما يبقى معانا فلوس الأول”، وكتب علاء عزمي: “دا ليه دنا كنت بفكر أعملها ختم “#اطمن_انت_مش_لوحدك”.
وكتب سعودي أبو زيد: “يعني هنجوع نجوع.. المهم اطمن انت مش لوحدك”. فيما كتب محمود صلاح: “أنا شوفت 100 جنيه مكتوب عليها #اطمن_انت_مش_لوحدك”. وكتب رأفت عدلي: “متخافش محدش هيكتب #اطمن_انت_مش_لوحدك”. وكتب طارق فاروق: “هنكتب على الدولار”.