مفيد فوزى : اتساءل بيننا وبين نفسى هل من الضرورى ان نقدم فى برنامج يبثة التلفزيون المصرى كلاما اخر عن انفلونزا الخنازير هل لابد ان انا اقف فى الطابور وامشى فى نفس الطريق اللى غيرى قدموة وجابوا وزرا ومسئوليين ووو هل ده ضرورى هل هفضل ونفضل نتكلم عن انفلونزا الخنازير لغاية الناس ما تمل على الشاشة من هذا الكلام لكنى اردت ان ااخذ منحا اخر حبيت ااخذ رأى العلم فجأت كلية ربما مهمشة ولكنها فى واقع الامر شديدة الاهمية حين نناقش شيئا عن انفلونزا الخنازير فالناس هنا فى المعهد العلمى المحترم دارسون لهذا الامر ,فاهمين ايه اللى بيحصل عرفين ان هذا الوباء ممكن خطورة تبقى اية واد ايه ولكن هل من الضرورى ان اثير الفزع فى البيوت والبيوت مسكونه بالفزع اساسا هل من الضرورى ان انا اقول ان المسألة بسيطة وهادئة وان اصابات انفلونزا الطيور اكثر فالناس فى مصر تسترخى نحن نفور ثم نفور انا ببساطة شديدة اخاطب جهاز الوعى المثبت فى رأس كل واحد من حضراتكم طبعا البيوت مختلفة الثقافات والناس كلها مش على درجة واحدة من الوعى فى نساء بسطاء جدا منعين اولادهم يروحوا المدارس لان الامر متعلق بالموت الامر متعلق بالموت وبعض الكلام خرج يقول خذوا بالك ان الحكاية دى الولد ممكن فورا يموت الناس بتخاف على ضناها - اناقش الامر صوت وصوة فى حديث المدينة فاصل مفيد فوزى : حبيبى انت قلقان انت قلقان؟ طالب :لأ انا .. مفيد فوزى : انا بكلمة هو مش حضرتك؟ طالب :انا بغسل ايدى بالمية والصابون مفيد فوزى : اه ايه تانى فى المدرسة بتلاقى الحاجات اللى انت عاوز تغسل بيها صابون وحاجات زى كده؟ طالب :اه هو موجود فى الحمامات تحت مفيد فوزى :اه بتغسل ايدك كام مرة فى اليوم ؟ طالب : يعنى لما ايدى تتوسخ وقبل ما ااكل وبعد ما ااكل مفيد فوزى : اهلك مفزوعين متضايقين قلقانين عليك ؟ طالب : اه مفيد فوزى :ازاى فهمنى يعنى مثلا بيقولوا لى لما تروح المدرسة اغسيل ايديك كويس ولما تيجى تأكل اغسل ايديك كويس وبعد الاكل اغسل ايديك كويس؟ مفيد فوزى : اه طالب : قبلها وبعدها متخليش ايديك وسخة على طول والبس الكمامة على طول 00 مفيد فوزى : وانت لابس الكمامة دى على طول بتعرف تتفاهم مع الاستاذ وانت لابسها طالب : عادى مفيد فوزى : هه طالب :عادى مفيد فوزى :ازاى؟ طالب : بحكها وبتكلم عادى مفيد فوزى : بتتكلم عادى وانتحاطتها كده هما اللى قالوا لك حكها على شان خاطر التنفس انت عارف يعنى ايه انفلونزا الخنازير بتيجى من ايه؟ طالب : بتيجى من الخنزير مثلا بيبقى عنده انفلونزا بتنتقل مفيد فوزى : وهو الخنزير بيبقى عنده انفلونزا فين ؟ طالب : بينتقل من شخص لاخر عن طريق اللمس مفيد فوزى : اللمس ولا النفس؟ طالب :اللمس والنفس والعطس مفيد فوزى : اللمس ازاى يعنى ؟ طالب : يعنى انا لما جأت اعطس فى ايدى انزل اغسلها على طول ما اروحش اسلم على حد ولمااجى اشوف حد يعنى ماابوسهوش ما احضنهوش مفيد فوزى : الورق اللى انتى حطاه ده ده من العطس ولا ايه؟ طالبة :لأ مفيد فوزى :امال من ايه؟ طالبة : مسكينة مفيد فوزى : من ايه ؟ طالبة : مسكينة مفيد فوزى : مسكينه فى ايديكى على طول اه اهلك خايفين عليكى ؟ طالبة : اه مفيد فوزى : ازاى فهمينى الخوف ده شكلة ايه علشان انفلونزا الطيور انفلونزا اية ؟ طالبة : انفلونزا اه انفلونزا الخنازير مفيد فوزى : وايه الفرق بين انفلونزا الطيور وانفلونزا الخنازير؟ طالبة : علشان لو قعدنا جانب احد مفيد فوزى : اية عايز افهم كلامك ؟ طالبة : يعنى مثلا واحد عيان ما نقعدش جانبة مفيد فوزى :اه طالبة :علشان ما نتعديش مفيد فوزى : وانت تعرفى العيان ازاى اللى تقعدى جانبة؟ طالبة : يعنى بعطس عندة برد اى حاجة مفيد فوزى :افرضى انا عطست ادامك يبقى انا عندى انفلونزا الخنازير؟ طالبة : اه مفيد فوزى : يبقى عندى انفلونزا الخنازيرلما اعطس هه؟ طالبة : اه مفيد فوزى : مش كده وتخافى ااه لأ يا بنتى العطس العادى ملوش علاقة بانفلونزا الخنازير ؟ طالبة : قالوا لى ما تقعديش جنب حد عيان وكده مفيد فوزى : نزلى شوية دة متخفش منى وهبعد عنك علشان تبقى عارف مطمن انت اهلك خايفين عليك يعنى بي بى بتحس الخوف ده بتاعهم ازاى ؟ طالبة :خايفين عليا من انفلونزا الخنازير مفيد فوزى : ايوا ما انا يفاهم عارف طبعا اما ل هيخافوا عليك من ايه قنابل بيخافوا عليك ازاى يعنى مظهر ده ايه؟ طالب : بيقولوا لى اغسل ايديك مفيد فوزى :اغسل ايديك خلاص فهمنا ده طالب :وما تقعدش مفيد فوزى :حد بيجى معاك المدرسة؟ طالب :لأ مفيد فوزى : مين من البنات هنا كتب موضوع عن انفلونزا الخنازير ؟ طالب :كتبت موضوع عن انفلونزا الخنازير ازاى احمى نفسى من المرض دوت مرض معدى يأتى عن طريق اللمس والتنفس مفيد فوزى :اه طالب : لما لازم البس الكمامة واغسل ايديا بالمية والصابون مفيد فوزى : ليه؟ طالبة : علشان بنحافظ مفيد فوزى : ايوا لغاية لما تروحى البيت فى الفصل فى الفصل بتعملى ايه اول لما بتنزلى الشارع ؟ طالبة : الشارع ردوا بنلبسها لحد البيت وبعد كده لما نروح مفيد فوزى : سمعتى اى تعليقات فى السكة عليها ؟ طالبة :اه كثير مفيد فوزى : زى ايه؟ طالبة : زى زحمةالمواصلات الناس اللى بيروحوا الجامعة مفيد فوزى : يعنى تعليقات سمعتى كلام؟ طالبة : تعليقات مفيد فوزى : فى الشارع عليكى وانت لبسة دى ؟ طالبة :هو فى ناس ساعات ناس ساعات بيقعدوا يضحكوا مفيد فوزى : اه ما انا عايز افهم بقى ؟ طالبة : ساعات احنا ماشيين عند مدرسة البنات بيبقى فيه صبيان بتريقوا على البنات علشان لابسين الكمامة يعنى بيتريقوا عليهم مفيد فوزى :ازاى بقى ؟ طالبة : احناماشيين مثلا همايقعدوا يضحكوا علينا يعملوا اى تصرف من دوت فا بيضيقونا فا بس احنا غصب عننا طبعا بنلبس الكمامة علشان نحمى نفسنا مفيد فوزى : يعنى انت حاسة جزء من المجتمع مش حاسس بالقضية ؟ طالبة : طبعا مفيد فوزى : مش فاهم الاهمية ؟ طالبة : طبعا جزء فيه ناس بتقول سيبوها على الله وتلبس كمامة وعادى يعنى مفيش حد هيكون عندة بتقول كده فيه ناس بيقولوا سيبوها على الله كمامة ايه ومعرفش ايه فيه ناس بيستخسروا مفيد فوزى :اه طالبة : بس مفيد فوزى : حد منكم اخذ المصل انت اخذت المصل عايزك تقول لى ازاى؟ طالب: اخذت المصل فى ذراعى مفيد فوزى : اخذت المصل فى ذراعك؟ طالب: ايوا مفيد فوزى :باباك بيشتغل ايه؟ طالب: بيشتغل فى بنك مفيد فوزى :انت اسمك ايه؟ طالب:محمود مفيد فوزى : قولى بقى يا محمود انت ايه الظروف اللى خلتك تأخذ المصل؟ طالب: علشاناحافظ على نفسى من مفيد فوزى : ايو الظروف ايه يعنى بباك جية قالك فى يوم تعالى هنديك المصل مين اللى اداه لك ولا رحت الى دكتور ولا ايه؟ طالب: رحت لدكتور مفيد فوزى : دكتور جالك البيت ؟ طالب: لأ انا اختى ادتها لى علشان انفلونزا وكده مفيد فوزى :بااك موظف فى بنك مش كده ؟ طالب:اه مفيد فوزى : هو اللى جاب المصل؟ طالب: اه ايوا مفيد فوزى : اخذته امتى المصل ده ؟ طالب: مش فاكر مفيد فوزى : اخذته السنة دى ولا السنة اللى فاتت ولا امتى؟ طالب: السنه دى مفيد فوزى : امتى يعنى قبل انفلونزا الخنازير؟ طالب: اه مفيد فوزى : كثافة الفصل اد ايه؟ مدرسة : ما بتزيدش عن 40 يعنى احنا حاطين الفصل مايزيدش عن 40 كل اثنين تختة ده اقصى حاجة مفيد فوزى : اه اه الناس ليه مفزوعه من فكرة ا نفلونزا الخنازيرهل هى على حق الناس مفزوعة ولاهى فيه مبالغة انت كمدرس؟ مدرسة :لأ احنا اى حاجة عندنا فى مصر بترتبط بالموت الناس بتفزع منها اولياء الامور خايفين على اولادهم حتى الكبار يعنى فيه ام كبيرة خايفة على ابنها بتحس بتدة ازاى مدرسة : بنحس الطلبة جايين خايفين يا استاذانا عايز اغسل ايدى علشان خايف بتيجى ولية الامر عايز تخش الفصل علشان تشوف ابنها قاعد فين مكانة جنب مين مكانة فى تختة ثلاثة ليه واحنا كلنا قاعدين زى ما حضرتك شايف كده اثنين فى تختة وادى التهوية اهى موجودة اهى والمرواح موجودة فا ولى الامر بيطلع ويشوف ان ابنة قاعد كده مضبوط فا بيطمن ولية امر: عايزين يعنى يهمتوا بالنظافة بس يخلوا بالهم من اولادنا من العلام يأخذوا دراستهم عادى مفيد فوزى : على اساس ايه؟ ولية امر: على اساس بأخذ ابنى كان بيطلع مثلا كل يوم الساعة 12 الظهر بيدن بنأخذ العيال انهاردة قالوا لنا لأ هيطلعوا 1 بعد كده ده بالنسبة لسنة ثانية واولى بس مفيش اى حاجة احنا ما شفناش منهم اى حاجة خايفين على الاشاعات اللى بيقولوها حالات بتظهروعيال بتموت انا اول لما جيت ولقيت الحكومة وكده كان هيغمى عليا وكده اتخضيت قالوا لى لأ دا مفيد فوزى جوا وبيصور وكدا ومتخفيش مفيد فوزى : هه وهى الحكومة جاية علشان انا موجود؟ ولية امر: لأ يعنى على اساس بقى فيه امن وفيه حاجة مفيد فوزى : جاى لى مخصوص يعنى ؟ ولية امر: معرفش بقى ليك والا للمدرسة مفيد فوزى :وانت اتخضيتى لاقيتى الحكومة قلتى حصل حاجة؟ ولية امر:انا قلت حصل حاجة ما انلقت بنسمع فى المدرسة حاجات وكل دى اكيد اشاعات لان فى الحقيقة احنا بنسمع بس ما شفناش مفيد فوزى : الناس قلقانة قوى هل الناس على حق ؟ ولية امر: مش عارفة بس كلة خايف مفيد فوزى : لأ مش عارفة ازاى مش انتى من الاهل مش انتى من الاهل؟ ولية امر: انا عن نفسى زوجى قالى ما توديش عيالى ولو جرا لهم اى حاجة انتى المسئولة بس انا بجيب عيالى علشان عايزة عيالى تتعلم مش عايزة اقعدهم ولا ينزلوا الشارع مفيد فوزى : هل فيه مبالغة عن الحاجات اللى بتتقال؟ ولية امر : اشاعات اشاعات مفيد فوزى : اه ولية امر : واللى ربنا رايد بيه بيكون مفيد فوزى : ما انا عارف اللى ربنا رايد بية احنا هنفضل طول عمرنا نقول اللى ربنا رايد بيه ما احنا كمان لازم نعمل احطياتنا ولية امر : انا بنتى كانت تعبانة قوى وبباها مكنش موجود كان معاه مفيد فوزى : بنتك ظ ولية امر : بنتى انا مفيد فوزى : فى مدرسة ايه ؟ ولية امر : فى البتاع اللى معلش ناسية اسمها مفيد فوزى : البتاع اللى هناك دى يلة يلة ولية امر :هى كات جسمها سخن مفيد فوزى : كانت ايه ؟ ولية امر : كانت جسمها سخن مفيد فوزى :ايوا ولية امر: المهم رحت اكشف قالوا ادفعى 3 جنية ونصف مفيد فوزى : فين حتة تكشفى فين ؟ ولية امر : فااااااااا فى الحميات مفيد فوزى : وبعدين ولية امر :المهم اخذت الفلوس وراحة اكشف قالى ادفعى 10 جنية و75 قرش مفيد فوزى : غيرالثلاثة جنية ونصف ؟ ولية امر : غيرالثلاثة جنية ونصف علشان اعمل يدوها تحليل دم وحاجات زى كده مفيد فوزى : مستشفى ايه ؟ ولية امر: الحميات مفيد فوزى: فين حته فى امبابة ؟ ولية امر : امبابة ا ه هنا مفيد فوزى : لواستدعيتك امام وزير الصحة علشان تقولى له الكلام ده وقال لك اثبتى لى هتثبتى ازاى الكلام ده؟ ولية امر:اروح انا بالليل البتاع الكشف بالليل مفيد فوزى : يعنى انتى دفعى الاول 3 جنية ونصف ؟ ولية امر : 3 ونصف اه مفيد فوزى : وبعدين دفعتى عشرة ونصف؟ ولية امر: عشرة ونص مفيد فوزى: وبعدين قالوا لك افعى 24 جنية ؟ ولية امر: اه 24 جنية مفيد فوزى : بتاعة ايه ال 24 جنية دى؟ ولية امر: علشان ااخذ الحقنة بتاع بنتى وبعدين قعدت اعيط واحد مفيد فوزى : حقنة ايه حقنة ايه ؟ ولية امر: بتاع سخنية والاخر قعدت اعيط اد كده بتاع المضاد الحيوى وراحوا منزلين بتاع عشرين جنية واحد ابن حلال راح مطأطأ عليَ وراح مدينى الفلوس ولية امر : المستشفى بالليل بيبقى اقتصادى بالليل بيبقى اقتصادى فلازم تقطع تذكرة ويعطوا لك العلاج تروح الاجزخانة مفيد فوزى : يعنى ايه علاج اقتصادى؟ ولية امر : بالليل بيبقى اقتصادى بالفلوس مفيد فوزى : بالنهار؟ ولية امر: مجانى حرام وكويسين جد مفيد فوزى :امال بالنهار ليه بفلوس؟ ولية امر:علشان فيه كشف دكاترة الدكاترة بالليل بيطلبوا الدكاترة فا بيكشفوا لهم مفيد فوزى : وده بايصالات؟ ولية امر: بايصالات اه فبيكشفوا له مفيد فوزى : بيعطيكوا ايصالات لصرف العلاج؟ ولية امر: اه بيدوهم ايصالات يروحوا يقبضوا ويعملوا به بياخذوا العلاج به مفيد فوزى : اه اه ولية امر: انما حرام هماكويسين جدا كل المستشفيات كويس حرام مفيد فوزى :البيت المصرى قلقان من انفلونزا الخنازير ؟ مدرسة: طبعا قلقان مفيد فوزى :اه يعنى تقريبا بتعبرى عن ده ازاى اوبتحسية ازاى انت؟ مدرسة : يعنى بيخافوا على اولادهم بس انا سيباها على الله ما بخفس كل اللى يجبة ربنا مفيد فوزى : سيباها على الله مدرسة :انا ابنى فى المدرسة ما اقعدتهوس ولا يوم فى الاعداية ما اقعدتهوش ولا يوم مفيد فوزى :ما اقعدتهوش ولا يوم؟ مدرسة : لأ لابس الكمامة سلمهلهم الكمامات مفيد فوزى :كم عدد الفصل ؟ مدرسة : يعنى حوالى 30 كلهم مش بيجوا فيه قلقانين اه مفيد فوزى : في قلقانين ؟ مدرسة : اه مابيجبوش عيالهم مفيد فوزى :الله يعنى الفصل ده مش سعتة الحقيقية ؟ مدرسة :لأ يعنى هى كده بنقعدهم كده هما 30 عيل مفيد فوزى : وانت يا دكتور دى حجتك؟ طالب : اه مفيد فوزى : ودى الصابونه؟ طالب :اه مفيد فوزى : ودى الميه خليها كده علشان خاطر التليفزيون ما يعتبرش ان ده اعلان فهمت فاهم يعنى ايه اعلان يعنى ايه اعلان يعنى ؟ طالب : اه مفيد فوزى : ها طالب : يعنى نغسل ايدينا بالصابون مفيد فوزى : يعنى ايه ؟ طالب :نغسل ايدينا بالصابون مفيد فوزى : اعلان يعنى نغسل ايدينا بالصابون ده متبرمج انت متبرمج يا ولد يعنى قالوا لك اول ما اجى قول كده بقولك يعنى ايه اعلان بتشوف التليفزيون ؟ طالب : اه مفيد فوزى : بتشوف الاعلانات ؟ طالب :ايوا مفيد فوزى : اذن هنا غض البصر كف الاذى رد السلام الامر بالمعروف والنهى عن المنكرمش كده صح يعنى ايه المنكر يا حبيبتى؟ طالبة : هه مفيد فوزى : يعنى ايه المنكر؟ طالبة : 0000000000 مفيد فوزى : هو احنا عيبنا للاسف مش عارف اخش فى التفاصيل دى والا لأ انا جيت بس علشان احققحكاية انفلونزا الخناير انما مش هدخل فى فكرة التعليم كلام يردد دون ان يفهم الاطفال فحواه ولا مضمونه النهى عن المنكر البنت مش عارفة يعنى النهى عن النكر يمكن هى مش عرافة يمكن غيرها يعرف ايه المنكر يا حبيبى ؟ طالب : العمل القبيح مفيد فوزى :ال اية ؟ طالب : العمل القبيح مفيد فوزى : قوم اقف على حيلك علشان احييك العمل القبيح المنكر المنكر يعنى العمل القبيح طيب فيه كما ن حاجة اسمها الامر بالمعروف يعنى ايه الامر بالمعروف؟ طالب : فعل حسن مفيد فوزى : ايه ؟ طالب : فعل حسن فعل خير مفيد فوزى : فاعل خير؟ طالب : اه مفيد فوزى : طب انت ليه عرفت وهى ما عرفتش؟ طالب : علشان انا براجع الكتاب واقرأكل يوم الحديث ده فاصل مفيد فوزى : حد استشاركم فى مسألة انفلونزا الخنازير حد اخذ منكم معلومات الدولة تعاملت مع الجامعة د / مصطفى احمد بسطامى: اسمح لى حضرتك ارحب بيك فى كلية الطب البيطرى مفيد فوزى : لأ انا مش عايزك ترحب بيا ؟ د / مصطفى احمد بسطامى: ليه كده مفيد فوزى : لأ انا مش عايزك ترحب بيَ د/ مصطفى احمد بسطامى: هرد على حضرتك مفيد فوزى : هل هناك ترحيب من الدولة بأفكاركوا بعلمكوابدراستكوا د / مصطفى احمد بسطامى:الحقيقة لأ مفيد فوزى : لأ؟ د / مصطفى احمد بسطامى:لأ مفيد فوزى : ده دليل على ايه ؟ د / مصطفى احمد بسطامى: اعتقدان هواعتقاد او تصور ان طالما وصل للبشريبقى خلاص احنا هنتصرف احنا كا صحة ونتعامل مع البشر فقط لاغير مع ان الفيرس اساسة جى من حيوانات وهو دراستنا وهو تخصصنا الدقيقيعنى احناا للى عارفين خواصة ايه ويتكاثر ازاى ينمو ازاى ويتحور ازاى الى ان يصل الى انه يصيب الانسان وينتقل من انسان الى انسان ده اساس تخصصى بعد كده لما صول للبشر جوا البشر بقى استلم انت منى بقى وتعامل مع القضية والمرض او مع الوباء بعد انتقالة للبشر للاسف احنا عملنا اجتهاد عملنا ما سكتناش عملنا ندوات تثقيفيه على كل المستويات على مستوى جامعة القاهرة بالكامل بامر من رئيس الجامعة الدكتور حسين كامل كل الكليات لفينها عليها كلية كلية كل الهيئات المدنية من محافظة حلوان لجامعات اخرى كمان لمادعونا مفيد فوزى : حتى الجامعة الام؟ د / مصطفى احمد بسطامى:انت عارف حضرتك ان جامعة القاهرة مفيد فوزى : هى الجامعة الام انا واقف بالتحديد عند الدولة والمعلومات من مصادرها د / مصطفى احمد بسطامى: ايوا يا افندم هوانا رديت على سعتك لأ لن يؤخذ لم يؤخذ راينا فى هذه القضية مفيد فوزى : هو احنا فى مصر يا دكتور مصطفى ما بنشتغلش بفكرة ال team warke ولا ده زويل يوما ما اطلقه وكان مجرد أمل د / مصطفى احمد بسطامى: الى حد ما مفيد فوزى : الى حد ما متبقاش متحفظ؟ د / مصطفى احمد بسطامى: مش متحفظ والله يا افندم مفيد فوزى : المكان ده قعد فيه فتحى سعد؟ د / مصطفى احمد بسطامى: تمام وانا ليىَ الشرف انى اقعد مكانة مفيد فوزى : هل انت فى احلامك اوفى خطتك انك انت فى يوم من الايام تسيب هذه القيمة الاكاديمية علشان تبقى محافظ؟ د / مصطفى احمد بسطامى: والله يا افندم انا بخدم بلدى فى اى موقع كان مفيد فوزى : لألأ د / مصطفى احمد بسطامى: انما انا حاليا عميد كلية الطب البيطرى مفيد فوزى :على المحافظة د / مصطفى احمد بسطامى: لالالالالالأ مفيد فوزى :دكتور مصطفى وانا .... د / مصطفى احمد بسطامى: اتفضل يا افندم مفيد فوزى : وانا فى مكان جامعى له قيمتة وقدسيتة واحترامه باحب باستمرار ان انا وانا باسمع من شخصية فى موقع العميد ما تبقاش متلألة د / مصطفى احمد بسطامى: لأ مفيش مفيد فوزى : يا ابيض يا اسودانت رأيك محصلش تعاون؟ د / مصطفى احمد بسطامى :محصلش تعاون مع الجانب البيطرى تماما مفيد فوزى : مفيش مفيش فى مصر منطق الteam warkeفى العمل د / مصطفى احمد بسطامى: للآسف للآسف الى حد كبير بنأخذ فيها فى بعض الامور فى البدايات او فى وقت الازمات بنأخذ بيها نلم الناس ونسمع وبعد كده بترجع ريما لعادتها القديمة للاسف انما فكر ثابت فى تصرفتنا اللى هو ال team warke ما بنمشيش به سمية زى ما تسمية سمية حب التملك سمية حب الزهور سمية زى ما انت عايز مفيد فوزى : اسميه انانية ؟ د / مصطفى احمد بسطامى: سمية زى ما انت عايزانما بلاش الانانية وبلاش دى فيما يمس صحة الناس مفيد فوزى : فيما يمس ؟ د / مصطفى احمد بسطامى: صحة الناس الشعب المصرى ال 80 مليون دول بأمانة لازم نكون والا دائما هنتحرك بعد حدوث الكارثة يعنى ازاى انهاردة هنتعامل مع وباء جاى من الحيوانات ومن الطب البيطرى ومعنديش حد من الطب البيطرى باستشير برأية ان مش باطالب بشئ معين ولا عضو فى لجنة ولاحاجة خالص خذوا راى كا رجل استشارى من الخارج مفيد فوزى : محدش اخذ رايك؟ د / مصطفى احمد بسطامى: اسمع منى انا عندى 400 استاذ هنا فى كل التخصصات يا استاذ مفيد مفيد فوزى : 400 استاذ؟ د / مصطفى احمد بسطامى: 400 استاذ فى تخصصات مفيدة جدا وبائيات كل الوبائيات اللى بتسمع عنها دى نا اساتذة اللى بقالة 40 سنه شغال يعنى عند ناس بقالها 40 سنه مفيد فوزى : يعنى تخصص الطب؟ د / مصطفى احمد بسطامى: تخصص الطب تخصص دقيق جدا محدش قال لهم انتوا فين الا اذا كان في برنامج او فى بتاع انما على المستوى الرسمى مفيد فوزى :الدولة د / مصطفى احمد بسطامى:لا ما مفيد فوزى : دكتور مصطفى انا عايز اصارحك بان انحنا شبعنا كلام عن غسيل الايدين وعن الديتول وعن المصكات قول لى ملاحظاتك على الاداء فى مصر لحرب هذا الوباء د / مصطفى أوخان : هو الحقيقة بالنسبة للايدين هو لابد لان هو باعتبرة 60% من الوقاية الايدين بالمية والصابون وحتى فيه كمان طريقة غسيل الايدى يعنى مش انا احط لازم ايدى لمدة 20 ثانية واغسل الاظافر واغسل الثنايات بالايدين جيدا لان ممكن يكون الفيرس فى الاماكن دى مختبأ يعنى لازم غسيل الايدى جيدا معنديش مية بصابون واغسل ممكن جدا يحضر لى وعاء فيه على الاقل كحول 70% اغمس ايدى فيه مفيد فوزى : خلينا واقعيين يا دكتورمش معقول انا هروح البيت الاقى .. د / مصطفى أوخان : لأ عشان المدارس مفيد فوزى : والمدارس ما بيحصلش ده يا دكتورانت عارف بيحصل د / مصطفى أوخان :لأ عايز انبه حضرتك فى حاجة مفيد فوزى : قول د / مصطفى أوخان :احنا دائما نقول الاكر ممكن جدا تنقل لى بطريقة غيرمباشرة مفيد فوزى :اوكر ال ايه؟ د / مصطفى أوخان : اوكر الباب مفيد فوزى : الباب اه د/ مصطفى أوخان :الباب او اى حاجة لازم يكون شخص اخر قبلى مصاب الفيرس فلو لمس هذا المكان وانا جئت بعده فا directكده بطريقة غير مباشرة امس الاكرة فا اخذ ايدى على مفيد فوزى : تمام تمام د/ مصطفى أوخان : فمى وانفى واستنشق فا جاء لى الفيرس بطريقة غير مباشرة مفيد فوزى : نعم د / مصطفى أوخان :بعيد عن اى واحد مصاب فا الاقى الفيرس جالى فيه هنا بقى بيدققوا على مسح الاكر والحاجات دى انا عايز بس انبة المدارس اكرة بتاعت الحنافيه لو انا مصاب بالفيرس ولمت مفيد فوزى : قصدك الحنفيه نفسها اللى هى الصنبور؟ د / مصطفى أوخان :الصنبور اه لو انا مصاب بالفيرس ولمست هذا الصنبور لوثت مقبض الحنافيه وبعدين غسلت ايدى بالصابون خلاص ايدى نظفت وبعدين لمست تانى علشان اقفل مفيد فوزى : اه تمام رجعت تانى د / مصطفى أوخان :رجعت تانى وانا مش عارف علشان كده عايز بردك ينبهوا على الطلبة او وهو بيغسل ايدية بيغسل بالمية والصابون وهو بيرغى ايدة يرغى الصنبورولو كان فيه شخص هيجى وراة وهيغسل مثلا الصنبور ما يجيش جه القفل ويجى وراة على طول يغسل ايدية مفيد فوزى : دكتور مصطفى سمعت كلام ملوش حصر عن اللقاح هو اللقاح واللوقاح؟ د/ مصطفى أوخان : لأ مفيد فوزى : لام ضمة؟ د/ مصطفى أوخان : ضمة اه مفيد فوزى :الباكسيم الباكسيم ده فين ومين اللى يتكلم عنه ومين اللى مخول انه يقول لنا ده صح والا لأ د/ مصطفى أوخان :المخول له انه يقول لنا ده صح والا لأ هقول لحضرتك الشركات والمصانع اللى بتعمل اللقاح قولى مين اللى يقول لنا ؟ د/ مصطفى أوخان : وزير الصحة مفيد فوزى : وزير الصحة يعنى احنا نسمع ده من فم وزير الصحة يقول ان المصل ده يصلح للقضاء على الوباء د/ مصطفى أوخان : بس اقول اكتب لى اقرارانك انت مسئول عن الاثار الجانية مفيد فوزى : الله مش هكتب د/ مصطفى أوخان :انت حضرتك اى لقاح بتأخذة هتكتب اقرار مفيد فوزى : مش هكتب يعنى اتقال لى اكتب ؟ د/ مصطفى أوخان : لسة ما انتهتش التجارب مفيد فوزى : لسة ما انتهتش التجارب اه د / مصطفى أوخان : لان عايزك فى حاجة كمان احنا طبيعة مصر بنستورد اللقاحات ديت معاها شهادة انها اجريت عليها جميع التجارب الاكلينيكية بالاثار الجانبية كلها فى تجارب اولية بيبين فعالية اللقاح يعنى بيدى مناعه دة شئ اما الاثار الجانبية بعدين علشان لازم يكون فيه شهرين تجارب اكلينيكة بعد اخذ اللقاح مفيد فوزى :يا دكتور مصطفى رئيس الدولة مبارك ليس طبيبا مش دكتور يعنى الراجل مش دكتور ومع ذلك الراجل كان حريص جدا فى اجتماع وقال شوفواالاول الاثار الجانبية اللقاح يعنى معنى كده ايه انه لما توصل المسألة رئيس الدولة بينبة يبقى لازم نعرف وزير الصحة : لحد دلوقتى متابعين الموقف بدقة ونأمل يجى لنا ال 80 الف جرعه علشان الحجاج ان شاء الله نطعمهم قبل لما يسافروا باذن الله الرئيس مبارك : بس احنا عايزين ناخذ الموضوع ده بحذر شديد مش عاوزين نضحى يعملوا اللى عايزين يعملوه ونشوف هما هيعملوا ايه الوزير: بالضبط هو الموقف هيبان بوضوح جداجداجدا فى نصف نوفمبر هيكون اطعم مش اقل من 60 - 70 مليون واحد ماهونوفمبر ديسمبر يناير فبراير داخل ده كلة هنعمل ايه د/ مصطفى أوخان :هو هنا اللقاح لو توفر والتجارب الاكلينيكية انتهت خالص فى نوفمبر اذن خلاص هيستخدموه فى شهر نوفمبر مفيد فوزى : فاهم ؟ د/ مصطفى أوخان : بس فيه نقطة عاوز انبة ليها كمان مفيد فوزى : اتفضل د/ مصطفى أوخان : اى لقاح بيجى غير كل التجارب الاكلينيكية فيه تجارب بتحدث علية من الهيئة القومية للرقابة على الادوية ما بأعتمدش على اللى برة بتأخذ لها اسبوعين التجارب ديت بشوف الاسترات تست اللى هو الادوات المعقمة باشوف البروتين تنت اللى هوما يزدش عن one micro gram فى المللى مفيد فوزى :انت الكلام ده بتخاطب بيه مين دلوقتى مش بتخاطب بيه الناس العادية داه بتخاطب بيه الدولة بتخاطب بيه الناس اللى بتشتغل فى الاجهزة دى د/ مصطفى أوخان : شوف ساتك ده بياخذ اسبوعين اذن اللقاح ده فيه معاة شهادة بان كل التجارب انتهت فى انا هنا باجرى علية تجارب تاخذ لها اسبوعين و بعد هذه التجارب اطرحة للتصديق مفيد فوزى :دكتور مصطفى هل حقيقة ان تمحورالوباءالميكروب اسرع من اللقاح ؟ د/ مصطفى أوخان : هو ممكن جدا الفيرس يتحور مفيد فوزى : يعنى عقبال ما يجى اللقاح يكون الفيرس تحور؟ د/ مصطفى أوخان :اصل التحورهنا ما بيحدث كبير جدا بيحدث مرحليا ممكن اللقاح لوتحور بينتج ايه تسلسل للاحماض الامينية اللى فيه فيبدأ الاول بسيط بعد كده اية من كثرة الاصابات بيساعد على التحور مفيد فوزى : علشان كده د/ مصطفى أوخان : التحور ده لو حدث هيحدث فى الخارج علشان هما عندهم اصابات اكثر من عندنا مفيد فوزى : عاوزك تقول لى وجة نظرك ؟ فاصل مفيد فوزى : عاوزك تقولى وجه نظرك على اداء مصر فى حرب الوباء؟ مواطن : تقصد حضرتك وباء انفلونزا الخنازير مفيش اعتقد مفيد فوزى : يظهر ان فيه اوبئة ثانية؟ مواطن : ما هو فيه احنا فى السابقة كان فيه انفلونزا الطيور الذى لم نتخلص منه بعد حتى الان وكما تعلم ان هناك حالات انفلونزا الطيور متواجدة وكان فيه حالات بشرية من وقت قريب متواجدة وكانت هناك حالات بشرية من وقت قريب اذن حقيقة فى رأى الشخصى ان ازمة وباء انفلونزا الخنازير بالفعل ازمه تهمنا تهم كل القطاعات ولكن غطت الى حد ما عن كل المشاكل التى كانت موجودة والتى تدعى طبعا مشكلة انفلونزا الطيور مفيد فوزى : فى يوم من الايام عدلى حسين محافظ القليوبية قالى ان انفلونزا الطيور ستمكث 10 سنوات فى هذه البلد وناس قالوا له ايه ده ما تعدش تبالغ يا سيادة المستشارهل كان هو على حق ؟ مواطن : بالتأكيد على حق لان كلنا نعلم ان انفلونز ا الطيور اذا استوطنت فى مكان ما او فى دولة وتم الاستيطان الفعلى هذا الامر يتطلب عدة سنوات للتخلص منه لانهناك اجراءات علمية تعلمها جيدا المنظمات الدولية فى الامر بالتخلص التام من اى وباء ونحن نعلم ان جمهورية مصر العربية يوجد بها وباءانفلونزا الطيور منذ عام 2006 وقد استوطن الفيروس بالفعل وهناك اجراءات تأخذها الدولة اجراءات حثيثة تم العديد منها وخاصة بالتعاون مه المنظمات الدولية الفاو ومنظمات الاغذية والزراعة مفيد فوزى : اسمح لى اقطع كلامك؟ مواطن : اتفضل مفيد فوزى : حد فى المانيا حصل له بلاوى اخذوا عينه خدوا عينه اه بتروح فين؟ مواطن : انفلونزا الطيوروالا الخنازير مفيد فوزى :الخنازير ؟ مواطن : الخنازير بتأخذ العينة بتروح العينة بشكل سريع وتروح مفيد فوزى : بتروح فين ؟ مواطن : بتوصل لمعامل وزارة الصحة مفيد فوزى : ياراجل معقول من المانيا لوزارة الصحة بتروح ازاى؟ مواطن : ماهى بتحفظ فى الثلاجة الفيروس العينة المأخوذة يمكن ان مفيد فوزى :طول بالك تحفظ فى الثلاجة وتوصل مصر. مواطن : توصل ما توصلش ليه على فكرة هناك معامل اقليمية بوزارةالصحة متواجد بها الامكانات مفيد فوزى : حضرتك بتشتغل فى معامل وزارة الصحة ؟ مواطن : انا مستشار الباكسيرة وهى الشركة القابضة التابعة لمعامل المصل والقاح بوزارة الصحة واعمل فى شركة انا مستشار هناك مفيد فوزى : اه اه اه ه ه ه ه مواطن : وهو كان مسئول فى يوم من الايام عن معمل الانفلونزا فى هذا المعمل هناك مختبرات فرعية ربما تحتاج الى مزيد من التدعيم والتجهيز ولكن حقيقتا هناك البنية التحيتة لهذه المعامل هذه الايام قادرة على تشخيص كلاهما فى انفلونزا الطيور وايضا انفلونزا الخنازير ولا ترسل لعلمك وانا مسئول عن هذا الكلام ولا ترسل اى عينة نتيجة التشخيص الى الخارج على الاطلاق فى هذه الايام لماذا لاننا نمتلك فى هذه الايام حقيقتا المقدرة على التشخيض والتصنيف وايضا وصف التتابع الوراثى للسلالات مفيد فوزى : بذمتك يا دكتوراحمد الناس اللى بتشوفنادلوقتى على شاشة التليفزيون تتصور ايه خللى بالك بس خليك معاياتتصور ايه تتصور ان اللقاح ده امن يعنى اذا كنت بتقولى اكتب اقرار وبتقولى ده اول مرة بيتجرب فى مصر د/احمد : لأ مش بيتجرب فى مصر لو سمحت مفيد فوزى : نعم د/احمد :اللقاح ليس اول مرة يتجرب فى مصر اللقاح جرب فى دول عديدة هناك دول بدأت تأخذ اللقاح فى جمهورية الصين الشعبية على فكرة بدأوا يحصنواالاطفال فى المدارس نحن متأخرين احنا متاخرين يا استاذ مفيد الصين حصنت already خلاص لاطفال المدارس وفى بعض الدول الغربية خلاص مفيد فوزى :هل هنا فى مصر؟ د/احمد : وفى المملكة المتحدة البريطانية تحصنوا خلاص مفيد فوزى :هل لديك فى مصر ما يكفى لتحصين مصر ؟ د/احمد : ان لا تستطيع شراء جميع الجرعات التى تكفى 80مليون فرد مفيد فوزى : مين مين اللى هياخذها ؟ د/احمد : الفئات اللى كلنا عارفنها مفيد فوزى :القادرة ؟ د/احمد : ليس الفئات القادرة هناك فئات حددتها منظمة الصحة العالمية مفيد فوزى :اللى هى ؟ د/احمد : ماهى هذه الفئات الاطفال الصغارتحت سن ال5سنوا ت والمتواجدين فى دور الحضانات ربما وبعض دور ا لرعاية اللى معروفة مثل هذه الاماكن فى خطر للتعرض للاصابة هناك ايضا السيدات الحوامل اللى بيعانوا من مشاكل صحية شديدة ممكن توضع تحت هذه الفئة الخاصة هناك ايضا الافراد اللذين يعانون من امراض مزمنه السكرى وامراض الالتهاب الرئوى الربو الشعبى ربما يكون هناك بعض الناس اللى عندهم الكبد الوبائى كل الامراض المزمنه مفيد فوزى :انت امتى تقدر تبدأ ده؟ د/احمد : ازاى يعنى مش فاهم مفيد فوزى : امتى تبدا اللقاح؟ د/احمد : انت المفروض تبدأ التطعيم فورا حاليا مفيد فوزى :انت بتقول الكلام ده هل الكميات موجوده فى مصر؟ د/احمد : انت تسأل المسئولين فى وزارة الصحة اذا كان مفيد فوزى :ياراجل انا بسألك وانت خايف لية ياراجل انت خايف من مين ؟ د/احمد : قولى اخاف من ايه ولا حاجة انت عايز اقولك انه موجود يعنى مفيد فوزى : لأ بالعكس انت بتقول اللقاح موجود يبقى بتكذب؟ د/احمد : اللى اللى يقولة اللى يقول الكلام ده المسئول عن وزارة الصحة ووزير الصحة مفيد فوزى : انت شخصيا ما عندكش اى معلومات؟ د/احمد : لأ مفيد فوزى : معندكش معلومات؟ د/احمد :عن وجود اللقاح من عدمة مفيد فوزى : فى مبالغة بتتقال فى الصحف والاعلام ؟ مواطن : طبعا فيه خصرفيه خطورة الدولةعارفة ان فيه خطورة علشان كده بس مش عارفين يعنى القرار يبقى ايه بالضبط القرار الصح محدش عارفة ايه هو الصح مفيد فوزى : يعنى فيه حالة فزع؟ مواطن :فيه حالة فزع فعلا بين الاود واولياء الامور مفيد فوزى : طب ما هو ده مش عارف اقولك يعنى هل ده سببة ان الاحتياطات مهمة فا بيبقى فيه مبالغة هل الناس فى الشعب المصرى ده لازم توريهم العين الحمرا ولازم توريهم انه فيه خطر علشان يلتزموا ؟ مواطن : فيه ناس عارفة انه فيه خطر جامد من انفلونزا الخنازير فى ناس مش عارفة حاجة عن انفلونزا الخنازير مش عارفة حاجة عنها خالص بدليل انك لو مشيت على القهاوى فى اى حته بتلاقى الناس قاعدة على القهاوى وبيشربوا شيش وكل حاجة عادى مفيد فوزى : معدن؟ مواطن :اه ودا بيمسك من ده ودا بيمكس من ده عادى يعنى مفيد فوزى : هل الشتاء هواخطر المواسم لهذا الوباء؟ مواطن: فعلا هو اخطر المواسم بالنسبة للانفلونزا عامتا مفيد فوزى : عامة ؟ طبيب : انفلونزا الموسمية وانفلونزا الخنازير مفيد فوزى : طيب ايه رأيك ان انا احيانا عطست وجاءت لى فى بعض الاحوال ؟ د/ مصطفى أوخان : وارتفاع فى الحرارة مفيد فوزى : لأ د/ مصطفى أوخان : لأ مادام ما ارتفعش فوق 38 مفيد فوزى : قولى الحكم ايه الحقيقى اللى يبين انا بدأ انفلونزا الخنازير تدق بابها على بيتى ؟ د / مصطفى أوخان : ارتفاع فى الحرارة التهاب فى الحق كحة الالام فى العضلات فى العظام صداع حرقان فى العين وبعد كده لما بيتطور بيحصل صعوبه فى التنفس مفيد فوزى : اه يعنى كأن كل ده هو اللى يفرق عن الانفلونزاالعادية د / مصطفى أوخان :اه مفيد فوزى : لان يا دكتور مصطفى البيوت يعنى المخرج ابنه جاءت له سخنية- امه اتجننت قالت الحق انتوابتعملواحاجة عن النفلونزا الخنازير ياحمد قال لها اه قالت له الحق بقى شوف ايه الحكاية بين ده وده البيت المصرى كله عنده هذا الفزع؟ د/ مصطفى أوخان : لما الانسان ترتفع درجة حرارته لابد من الالتزام بالبيت ما ينزلش مفيد فوزى : سؤال اخرمهم الحميات فى مصر هل هى بحال جيد نبيل شرف الدين الكاتب الصحفى المعروف د جه واشتكى علشان كده عايز يعنى عايز نتوسع مايبقاش كلة متراكم فى الحميات العباسية لانه مش معقول واحد يكون فى مكان بعيد مثلا عن حميات العباسية وهيجى سؤال اخر معامل التحليل هل هي بعافيه ؟ د / مصطفى أوخان : لأ هى المعامل المركزية بعافيه مفيد فوزى :بس المركزية ؟ د/ مصطفى أوخان : ماهو دلوقتى بتعمل فى معامل مركزية سمعت السيد الوزير قال هيسمح لمستشفيات الجامعة بحل هذا اصل التحليل دوت له اجهزة معينة وله كواشت معينه له فا مش اى حد يقدر يقوم بالتحليل بيها الا اذا كان معمل عده الامكانية دى فاصل مفيد فوزى : تسمح تقولى اداء الحكومة فى حل الانفلونزا الاخطاء للتقييم المستقبلى خصوصا اننا على مشارف الشتاء ولا اتصور انه هنقول ليس فى الابداع ابدع مما كان د/ لؤى : تمام نمرة واحد النقطة الاولىانت بتحارب مرضين مع بعض مرض انفلونزا الطيور ومرض انفلونزا الخنازير مفيد فوزى :هل يعلم الناس هذا ؟ د/لؤى : طبعا يمكن هناك عمليات للتوعيه يمكن هناك التوعية بدأت تزيد من سنه 2008 عندما استضافت مصر المؤتمر الدولى لانفلونزا الطيور زادت عمليات التوعية بقى الوعى بالنسبة لانفلونزا الطيور انفلونزا الطيور بتواجهنا فى الشتا وهو مرض اخطر من انفلونزا الخنازير مفيد فوزى :اسمحى اعيد العبارة تانى مرض انفلونزا الطيور اخطر من مرض انفلونزا الخنازير ارجوك تقول للناس ليه ؟ د/لؤى :لان مرض انفلونزا الطيور بينتقل من الطيور الىالانسان وهومرض قاتل اذا لم يعالج الانسان خلال سته وثلاثين ساعة بمضادات الفيرس او مانع اكثار الفيرس اللى هو انتى فلو بتبقى نسبة الوفيات بيصل الى 100% فى مرض انفلونزا الخنازير نسبة الوفاه 3 فى الالف مفيد فوزى : 3 فى الالف؟ د/لؤى : فى الالف مقابل بتبقى للى عنده مناعة ضعيفة انما هوالمرض يمتثل الى حد كبير جدا فى الانفلونزا العادية او انفلونزا الموسمية بيحتاج الى راحة بيحتاج الى علاج بالمضادات الحيوية بيحتاج الى اخذ الاحتياطات الوقائية مفيد فوزى : دكتور هل عندنا لقاحات كافيه ؟ د/لؤى :عندنا لقحات للانفلونزا العادية الموسمية مفيد فوزى : ايه يا افندم؟ د/لؤى : الانفلونزا الموسمية اللى بتشمل من خلالها انقلونزا h1-n1 اللى هو النوع القرير جدا لانفلونزا الخنازير مفيد فوزى :محاليلة تنفع للانفلونزا الموسمية اللى هو ممكن تيجى لى ؟ د/لؤى :اه اللى هى ممكن تيجى مفيد فوزى : يعنى انا لوعطست ادامك ما تخفش؟ د/لؤى : ماهواللى اللى طبعا لابد مناخذ احتياطات الوقاية انما مفيش خوف مفيد فوزى :انا بسألك لو عطست ادامك ما تخفش اعتبر ان انا عندى انفلونزا موسمية هو انفلونزا الخنازير نوع من الانفلونزا الموسمية يا دكتور الراجل بقول له لو انا عطست ادامك متخفش كا مسئول لف لف لف وقال الانفلونزا ودخل فى موضوع ثانى انا بقول لوانا عطست امامك ليه انا بقول كده علشان الناس اللى بتشوفنا حصل لها رعب مجرد ان حد فى البيت يعطس يقولك دى انفلونزا الخنازير هو ده السؤال ان انا عاوز اطمن الناس ؟ د/لؤى : لأ لا يوجد رعب مش اى حد عطس هناك خوف لأ مفيد فوزى :اه يبقى مفيش حد يخاف ولا يفزع لمجرد ان احد فى العيلة عطس ؟ د/لؤى : تمام مفيد فوزى : غيره د/لؤى : الشق الثانى ان انا تعاون الجمهور مع التوعية مع الاستجابة مع البرامج المقدمة من الناس عملية الخوف يعنى دائما بيحصل اعلانات فى التليفزيون العزل الكامل فى المنزل للمريض لأ هو المريض بس ما تعاملش مع الحاجات الشخصية ما يعملش اكل ما يصنعش الحاجات دى مفيد فوزى : بتقولى ان الاعلانات فى التليفزيون بتقول العزل الكامل د/لؤى : العزل الكامل مفيد فوزى : الله حضرتك لك ملاحظة على طريقة الاعلان فى التليفزيون ؟ د/لؤى : طبعا مفيد فوزى : اية هى ؟ د/لؤى : العزل الكامل بيقال ان المريض يعزل فى غرفة منفصلة ده صعب تطبيقةعلى قطاع عريض جدا من الجمهور المصرى مفيد فوزى : ليه ؟ د/لؤى : لان المنازل بطبيعتها مفيش يعنى واحد عنده 5 - 6 اطفال معندوش 3 - 4- 5 غرف فى البيت لو اثنين اصيبوا والا كده مفيد فوزى : طبعا انت عارف ان فى بلدنا شريحة كبيرة من الناس د/لؤى : صعب مفيد فوزى : ممكن جدا يبقوا 14 واحد ساكن فى غرفة د/لؤى : طبعا مفيد فوزى : وتعرف ان فيه ناس ساكنه فى القبور ؟ د/لؤى : طبعا مفيد فوزى : وتعلم ان في ناس ساكنه فى البدرومات اه فحكاية العزل الكامل دى فى غرفة ده كلام وهمى د/لؤى : اكيد مفيد فوزى : ايه ايه كمان ولذلك تبقى الاحتياط فى هذا الحال هو عدم التعامل مع الحاجات الصحية نفسها عدم التعامل مع نفس الفوطة عدم استخدام ا لحاجات الغذائية كا الاكل فى طبق واحد كل الحاجات دى تقلل بنسبة كبيرة جدا لان فى نقطة واحده بس عاوز اوضحها فى انفلونزا الخنازير اتفضل؟ د/لؤى : ان لابد من انتقال المرض من الالتماس المباشرلابد الرفاد يكون قوى عملي الdeeprehalationالتنفس العميق من الشخص السليم الىالشخص المصاب مفيد فوزى : المسألة محتاجة نوع من التعقل فى جرعة الاعلام وصحح لى لوكنت غلطان ؟ د/لؤى : الرسالة الموجهه الاعلام احيانا طبيعة الmasseg اللى هتوجه الى الجمهور يعمل ايه يعنى حتى الان بنتكلم عن الكمامات ولبس الكمامات ناس كثير ماتعرفش تلبس الكمامة متعرفش الطريقة الصحيحة ازاى يشيل الكمامة من الاستك ويرميها من غير ما يمسك الجزء اللى ممكن يكون مصاب او عليه الرزازيعنى مفيد فوزى : حد قاله حد علمه؟ د/لؤى : لأ الاعلام محدش علمة بس مفروض الاعلام تبقى رسالته ان هو يعلم الناس بعض الحاجات الدقيقة التفصيلية مفيد فوزى : هل فيه مبالغة فى الاعلام ؟ د/لؤى : احيانا بيحصل مبالغة مفيد فوزى : هل المبالغة انتقلت الى الفزع فى البيوت ؟ د/لؤى : لأ مفيد فوزى :كل ده يا دكتور بلف وادور حوالين حاجة اسمها جهازالوعى عند الناس هل جهازالوعى فى مصر سليم ؟ د/لؤى : لأ فاصل مفيد فوزى :احمد شوقى دكتوربيطرى بسجل فى الكلية مسك ذراعى وقال لى عندى كلام امين لازم اقوله لك ربما انك بتفتح قلبك للناس د/ا حمد شوقى : اولا انا طبيب بيطرى شغال فى لجان التحصين لانفلونزا الطيور باقبض 263 جنية صافى خالص بدون حوافز بدون ازاى طبيب بيطرى بيتعرض لمرض خطير جدا زى دوت بيقبض 263 جنية مفيد فوزى : غيره؟ د/ا حمد شوقى : التحصينات الدكاترة ما بيحصنوش العمال هما اللى قايمين بالتحصينات التحصينات المفروض اللجنة بتكونها من دكتور وعامل ومعاون مفيد فوزى : دكتوروعامل ومعاون د/ا حمد شوقى : دى ابسط لجنة مفيد فوزى : نعم د/ا حمد شوقى : العامل الدكتورما يقدرش يمشى عامل وبعلم مدير الادارة من يتحدى العامل او من يمنع العامل من التحصين اويمنعه من بيع اللقاح يلقى جزاءة وبيأخذ جزاءات شديدة جدا مفيد فوزى : افهم من كده ان اللقاح بيتباع؟ د/ا حمد شوقى : يباع مفيد فوزى : لمين ؟ د/ا حمد شوقى : للمشترى مفيد فوزى : خارج نطاق؟ د/ا حمد شوقى : وللمزارع مفيد فوزى :خارج النطاق خالص يعنى ملوش دعوه؟ د/ا حمد شوقى : خارج النطاق اه والتحصينة معروفةبيقولوهابجنية او بنصف جنية للطائر دى حاجة ومدير الادارة على علم بذلك بيمنع كده بيأخذ جزأه مفيد فوزى :اللى يقف فى وجه النظر دى؟ د/ا حمد شوقى : اه انا باقف فى لجنة التحصين تانى يوم باتغيب وتانى يوم بأخذ جزا مفيد فوزى : طيب ا رجواذا سمحت اذا حدث لك شئ هديك تليفونى لانك انت مديرادارتك هيشوفك ؟ د/ا حمد شوقى : اه مفيد فوزى :على الشاشة احنا مش بنتكلم فى شاشة سرية هيشوفك على الشاشة والكلام اللى انت بتقوله ده كلام خطير جدا وبالتالى انت مسئول مسئولية عنه تبلغنى لو حدث شئ لك ؟ د/ا حمد شوقى : ماشى مفيد فوزى : ايه تانى من الاشياء الصريحة اللى قلبك عايز يقولها؟ د/ا حمد شوقى : الطب البيطرى عامتا فىمصر مهمل جدا لا يعتمد على دكاترة يعتمد على اطباء يعتمد على عمال ذو خبرة مفيد فوزى : فهمنى مين هوالعامل ؟ د/ا حمد شوقى : عامل النظافة مفيد فوزى : عامل النظافة ؟ د/ا حمد شوقى :هو اللى بيشتغل ويطعم وكل حاجة مفيد فوزى : وانت الدكتور؟ د/ا حمد شوقى :وانا الدكتور ممنوع ولو منعته باجازى ومنعى فى مره وضربى العامل واشتكيت لمديرالادارة ومنعته علشان انا اشتغل مدير الادارة نقلنى وساب العامل مفيد فوزى : سؤال انت مفروض انى عرفت منك انك انتى بتدرس ماجيستير فى ايه؟ د/ا حمد شوقى : ماجيستير فى انفلونزا الخنازير مفيد فوزى : الماجستير بتاعك فى نفلونزا الخنازير ؟ د/ا حمد شوقى : وجمعت عينات دم من انفلونزا الخنازير اثناء الاعدامات مفيد فوزى : قولى كشاب مصرى مخلص ايه ملاحظاتك على اداء الحكومة فى الحرب على انفلونزا الخنازير ؟ د/ا حمد شوقى : هو قرار اعدام الخنازير بسبب اماكنها انا فى وجه نظرى كان قرار صائب بس بالطريقة الصحية هى كانت طريقة عشوائية بصراحة يعنى كلنا كنا بنعدم بطريقة عشوائية مفيد فوزى : دى واحد اثنين؟ د/ا حمد شوقى : انفلونزا الخنازير فى مصر سلوكيات الناس مفيد فوزى : سلوكيات الناس ثلاثة ؟ د/ا حمد شوقى :اه ثقافة الناس مفيد فوزى : خاطئة؟ د/ا حمد شوقى : خاطئة الثقافة منعدمة تماما وفى حاجة ثانية فى وسط الاهالى الناس دائما بتتكلم وبتقول مفيش ولاانفلونزا الخنازير ولا انفلونزا الطيور ودى اللى احنا بنواجهها فى وسط الناس لما بنيجى نحصن الطيور مفيد فوزى : بمعنى ايه مفيش ؟ د/ا حمد شوقى : دى مفيش ثقة فى الحكومة مفيد فوزى : انت واخد حبوب الشجاعة ولا انت مصرى عاوز تقول اللى فى قلبك؟ د/ا حمد شوقى : انا مصرى عايز اقول الواقع البيطرى اليم
