#25 يناير يتصدر.. ومغردون: أعظم ثورة فى تاريخ مصر

دشن مغردون عبر موقع التواصل الاجتماعى القصير "تويتر" هاشتاج حمل اسم #25 يناير، فى انطلاق الذكرى السابعة للثورة المصرية المجيدة.
وغرد الناشطون رواد التواصل على الوسم ، الحقوقى جمال عيد غرد فقال:قلوبنا اليك ترحل كل يوم،عيد ثورتنا ، عيد رعبهم.
أما الدكتور أيمن الصياد فقال:انظروا حولكم. قد تتكاثر الغيوم، ولكن الشمس تشرق في نهاية المطاف. صباحكم «ينايري»0
أحمد سوكة كتب:في ذكري ثورة #25يناير، سلام لكل من افترش الارض والسماء في 18 يوما في عصر الخوف، وهانت روحه امام لحظة من حب صادق لوطن يحتضر…وامل صادق في تغيير لم يحدث.
وأضاف: باختصار كل من يؤيد ثورة #25يناير هم أنضف ناس.. وكل من يهاجمها هم الفاسدين، شكرًا للناس اللي كانت ضد #السيسي من اول نقطة دم مش عشان الأسعار والأكل، شكرًا لليناجرية الممولين الخونة اللي بيدافعوا عن الأرض اللي السيسي الوطني باعها للسعودية، عاشت ثورة يناير.
حساب باسم بتاع التى شيرت علق فقال:زي النهاردة من أربع سنين اتقبض عليا بسبب تي شيرت مكتوب عليه وطن بلا تعذيب واتعرضت بسببه لأبشع أنواع التعذيب بالكهرباء والخ.
وتابع: فضلت محبوس سنتين حبس إحتياطي انا وصديقي اسلام وبعد ما خرج بشهر مات.مردفا حديثه ..كان نفسي ينتهي التعذيب بس للأسف انا كنت مجرد حاله وعدت وفيه قبلها وبعدها كتير
أبوسمرا: طلع دين ابونا بسببها ولسا بنحبها.. صحابنا ماتوا ادام عنينا ودفنناهم بايدينا وجسمنا اتخرم خرطوش واتحبسنا سنين من عمرنا وضيعت مستقبلنا ولسا بنحبها #25يناير دي اعظم حاجه ف تاريخ البلد دي رغم كل اللي عملته فينا.
وأضاف محمود.. مين اللي قال ثورة 25 يناير فشلت.. دي ثورة ولا أروع ولا أعظم.. ثورة تسببت أن يقف 2 من كبار رجال الجيش المصري سابقًا لأول مرة في التاريخ وجهًا لوجه للحصول ع كرسي عرش مصر ثورة 25 يناير كشفت كل الاقنعة عن كتير كنا بنشوفها وطنية جدا…عاشت ثورة 25 يناير وكل من ينتمي إليها.
حساب باسم الشاعر عبد الرحمن الأبنودى كتب عدة أبيات قال فيها:
"طلع الشباب البديع قلبوا خريفها ربيع..وحققوا المعجزة.. صحّوا القتيل من القتل،اقتلني! قتلي ما هيعيد دولتك تاني، باكتب بدمي حياة تانية لأوطاني، دمي ده ولّا الربيع؟ الاتنين بلون أخضر،وبابتسم من سعادتي ولّا أحزاني؟".
أما الصحفية رشا عزب فغردت:احساس الناس بيناير باقي وحاضر السنة دي اكتر من اي سنة..الناس بتفتكر لحظاتها الحلوة الشبعانة ببهجة الجموع في عز الضيم..اللي لمسهم سحر يناير صعب ينسوا مهما عمل الهلافيت ورجال الحكم..انتوا خدتوا الشوارع ولميتوا صوتنا منه بس استحالة يتمحي احساسنا بالايام دي.. محبة لكل رفاق اللحظة.
تبعها الإعلامى والحقوقى هيثم أبو خليل.. صباح الفل علي أروع ثورة لم تكتمل ،صباح الفل علي الشهداء الأبرار.
فى حين وضعت شبكة قنوات الجزيرة كاريكاتير ساخر كتبت عليه: كاريكاتير: ذكرى ثورة 25 يناير، ويقف السيسى بباقة ورد أعلى مدرعة شرطة يحيى المواطنين، فى حين يظهر صورة الرئيس مرسى وفتاة كنموذج للثورة فى القفص.
كما وضع حساب باسم حركة شباب 6 إبريل صورة وكتب خلالها:#25يناير..الثورة الشعبية ضد الفساد والإستبداد.
مغرد صعيدى: وتبقي ثورة 25يناير ما بقينا،ويبقي العسكر اكبر خاين ليها.
فى حين كتب حساب باسم "الهرم".. أخبروا أولادكم إننا حاولنا، وقد وضع الصورة الشهير لأحد الشباب وهو يتصدى لإحدى مدرعات الشرطة فى 25 يناير.
وغردت إسراء جمال فكتبت: 25 يناير أنضف مرحلة عيشتها ف حياتي كان الواحد وقتها مفيش جواه غير حب بلده وكان ممكن يعمل اي حاجة عشان بلده وكان عندى أمل بكرة هيبقي أفضل بس قدر الله وما شاء فعل.
تبعتها شمياء محمد فقالت: ستبقى يناير حلم شعب اراد الحياه بكرامه وعزه وحريه،رفض الظلم ولم يرهبه سلاح العسكر ولا بلطجية الداخلية.