نشطاء يرفضون دعوات جبهة الخراب للعصيان المدنى

"هى البلد ناقصة وقف حال وخراب، اللى عنده استعداد يصلح البلد بجد يشتغل ويكشف أى فساد فى مجال عمله ونبطل كلام شوية، كل الفترة اللى فاتت كلام كلام كلام، اشتغلوا بقى".. تعليق عفوى أطلقته جهاد بدر ردا على الدعوات المتكررة من "جبهة خراب مصر"، كما يطلق عليها نشطاء مواقع التواصل، للعصيان المدنى بجميع أنحاء الجمهورية..
عبر موقعى "فيس بوك" و"تويتر" رفض النشطاء هذه الدعوات التى تهدف إلى تدمير الاقتصاد المصرى والذهاب بمصر إلى حافة الهاوية، كتبت شهد أحمد: "العصيان المدنى لازم يكون بموافقة الشعب مش بالقوة زى ماشوفنا فى بورسعيد وقفل المجمع فى التحرير، الشعب رافض العصيان المدنى ورافض جبهة الخراب وحسبى الله ونعم الوكيل فيهم لأنهم بيدوروا على السلطة والمناصب على حساب الشعب الغلبان".
وقال عبد الناصر خليف: "عصيان يعنى تدمير اقتصاد البلد، تدمير اقتصاد أقوى من تخريب منشآت، نعم للتظاهر السلمى دون تعطيل العمل أو المساس باقتصاد البلد".
ودونت زينب بكر: "لأ طبعا العصيان هيوقع اقتصاد البلد وهيخسرها مليارات إحنا من حقنا نعترض بس من غير ما يكون أى ضرر لمصر".
إرادة شعبية!
واتفق النشطاء على أن العصيان لا بد أن يكون بإرادة شعبية؛ فقال خالد الشرقاوى: "العصيان المدنى يكون بإرادة شعبية مش بالبلطجة، يعنى أنا سواق ميكروباص قررت إنى النهارده هركن الميكروباص تحت البيت ومش هشتغل عليه، يعنى أنا صاحب محل أو مطعم قررت إنى النهارده مش هنزل من بيتى ومش هفتح المطعم".
عبد الله ياسين: "جبهة الإنقاذ لا تريد سوى إسقاط مرسى ولو على حساب مصر ولو كلفوا مصر أمنها واقتصادها أو حتى استقلالها".
هدى معروف: "اللى بيحصل ده بلطجة مدنية مش عصيان مدنى.. لأن الناس بتجبر على ترك العمل وإلا تتعرض حياتها للخطر.. اتقوا الله فى البلد اللى عايز يعمر البلد وخايف على الاقتصاد يدعو الناس للعمل مش للعصيان".
رجب عبد التواب: "هذه دعوات مشبوهة لعرقلة المسيرة الاقتصادية وإسقاط مصر وليس الإخوان والإسلاميين، هؤلاء يمررون أجندة مشبوهة".
إبراهيم السيد: "من يتكلم عن العصيان من المعارضة ليس له ثقل سياسى على أرض الواقع.. وده يثبت لنا فشل المعارضة المصرية وهى لا تمثل إلا نفسها.. والدليل على ذلك فشل العصيان الذى سمع عنه نسبة قليلة جدا جدا من الشعب المصرى ولم تعمل بيها".
مدحت الجيار: "لن ينصلح حال البلاد إلا إذا كف هؤلاء المخربون عن دعوات الفساد هذه وتسليم العقول للإعلام الفاسد الذى لا يريد للبلاد أن تنهض لأنهم كانوا أكثر المستفيدين من فساد النظام السابق وليس الإعلام وحده، ولكن بعض ما يقال عنهم رموز للمعارضة فالمعارضة لا بد وأن تكون بناءة".
نهلة محمد: "العصيان انهيار للاقتصاد وليس انهيارا للرئاسة فوقوا يا بشر وسيبوا الراجل يشتغل ويكمل الأربع سنين علشان نقدر نحاسبه، الأمور لن تحل بلى الذراع!!! سيدفع الثمن الفقراء وأصحاب رزق اليوم بيوم منكم لله".
اكسب بالأصول!!
وانتقد نشطاء موقع "تويتر" إطلاق هذه الدعوات؛ فقال محمود حسنى: "مفيش ظلم يستدعى العصيان المدنى لو شايف الرئيس بياكل فى البلد ويسرق فيها يبقى لازم العصيان لكن لو ضغط سياسى عشان (مكسب سياسى) فشلت إنك تحققه بالأصول".
وغرد علاء صادق قائلا: "من الغباء السياسى أن يعتقد من يحشدون أقلية للعصيان المدنى وإسقاط الرئيس أن الأغلبية التى أيدت مرسى والدستور ليست قادرة على إسقاط أى نظام آخر".
رأفت محمد: "لمصلحة من الخراب والحرق والدمار، متبوع بوقف حال الغلابة الأرزقية رزقهم يوم بيوم وجبهة الخراب كلهم من أصحاب الحسابات الجارية والتأشيرات الجاهزة".
سليم أحمد: "المقارنة فى أداء الحكومة لازم يبقى بين هى استلمت البلد شكلها إيه ودلوقتى البلد شكلها إيه؟".
أم مريم: "اللى يحب مصر ميخربش مصر لا للعصيان المدنى وسيبوا الريس يشتغل لحسن العالم الفلول دلعهم باخ أوى وربنا يدينا الصبر".
أحمد أبو الغيط: "مع الأسف الشعب المصرى دمر بسبب الإعلام الفاسد 30 سنة، وأصبح منه جزء عميل لأصحاب الفساد ويساعد على تدمير بلادهم لصالح العصابات والفساد".