"أبوهشيمة" يوقف "المخبر".. خليك في المواضيع اللطيفة!

كشف الممثل أحمد الجارحي عن وقف برنامجه الذي يحمل اسم" المخبر"، والذي يذاع أسبوعيًا عبر فضائية "قناة ON E" المملوكة لرجل الانقلاب أحمد أبوهشمية، لأسباب غير معلومة.
وقال "الجارحي" في منشور عبر "فيس بوك": إن حلقة أمس من برنامجه والتي كان مقررًا عرضها في التاسعة من مساء الجمعة تم منعها من العرض لأسباب مبهمة.
وأضاف: "على مدار 22 حلقة من برنامج "المخبر"، حاولنا نبقى فعلاً المخبرين اللي بيراقبوا الغلط عشان يصلحوه، حاولنا نعمل حاجة مفيدة بعيدًا عن الإسفاف والاستخفاف بعقل المشاهد، حلقة النهارده اللي مش هتتذاع لأسباب مبهمة، كانت عن التعليم وكان فيها خطاب شديد اللهجة لوزارة التعليم”.
وتابع: "البرنامج أتوقف للمرة التانية عشان أكيد حلقة السجل المدني معجبتش ناس كتير، البرنامج بيتحارب من جميع الجهات، أنا شخصيًا قعدت فوق ال14 ساعة في القسم من كام أسبوع واتقاللي أبعد عن الحكومة، أخليني يعني في المواضيع اللطيفة الخفيفة، رغم كل شيء كملنا وكنا نحاول نكشف ونصلح، البرنامج وقف تاني والله أعلم هيرجع ولا لأ، في جميع الأحوال حبيت أقول شكرا لكل اللي تابعنا علي الدعم المستمر،و لكل اللي عارضنا، اللي بيأكدوا للدنيا كلها قد ايه إحنا بنخاف من اللي عايز يقول كلمة حق".
في سياق ذي صلة، شن نشطاء ورواد التواصل الإجتماعى هجومًا عنيفًا بعد تصريحات "الجارحى" وكتب عمرو أبوزيد.. خش ف الصف يا جارحي للإسف مع اخواتك ،صدقني انت كنت بقعة ضوء وسط الضلمة اللي احنا فيها للاسف.
أما محمد الصاوي فعلق: انت كنت ماشى صح ومعظم الحلقات اللى عملتها هى الواقع اللى عايشينه كل يوم من غير اى اضافات. حلقة بتوع الكاوتش والسوق والسجل المدنى ولو فى حلقة عن المرور والاحياء والمستشفيات الحكومية . كل الكلام دا عايشينه فى الواقع وبنتعامل معاه يوميا . البلد مستنقع زبالة وبلطجة وفساد.
وكتب ريمون : في كل فترة هايطلع ناس نضيفة زيك و هايتوقفوا برضه .. بس في مرة بإذن ربنا حد منكم هايكسر الظلم و التكميم ده .. ربنا معاك يا كبير و شكرا جدا على البرنامج.
باهر جمعة دون قائلا: بدل ما يحاسبو اللي غلطان والمرتشي ويشكروك إنك بتقدملهم المرتشين يقوموا يوقفوك؟معني كده إنهم عارفين وساكتين مش بعيد يكونو بيقسمو معاهم.