بالصور.. "ميتة وخراب ديار".. شرطة الانقلاب تنهب ضحايا حوادث السيارات

تدول نشطاء على مواقع التواصل الاجتماعى، شهادة أحد المواطنين على حادث وقع له على طريق القاهرة العين السخنه، ومدى الظلم الذى تعرض له من داخلية الانقلاب التى تحولت لجباية الاموال بأى طريقه، بعيدا عن دورها فى توفير الامن،ومكافحة الجريمة.

وتحت عنوان "حد يقولى ده اسمه ايه" ، قال احد المواطنين:" النهاردة 1/8/2015 وانا راجع انا واسرتى على طريق القاهرة العين السخنة انفجر أحد إطارات العربية ولفت العربية كذا مرة وانقلبت على جنبها فى الرمال".
وتابع المواطن المكلوم :" فية عربيتين نقل شافو الحادثة و ركنو على جنب وجريو علينا يشوفو جرا لينا ايه وكتر خيرهم بعد ما خرجونا انا واسرتى من العربية واحد جاب حبل و التانى جاب عربيته عشان يعدل العربية ويخرجها من الرمل ".
وأضاف :" واحنا فى وسط ده لقيت عربية دورية شرطة شافتنا الناحية التانية ونزل منها 2 ضباط شرطة ( عقيد وواحد معاة) انا قلت بس دول شافونا و جايين يساعدونا ويطمنوا علينا ".

واستكمل شهادته :" بصيت لقيت العقيد ده بيقول فين الرخص وسحب رخص عربيتين النقل وعربيتى حبيت افهمو أن العربية مقلوبة والناس دى بتساعدنى قالى ازاى تطلعو العربية قبل ما نعمل محضر ونشوف بوظت ايه فى الطريق " .
واستطرد:"انا كنت مزهول ده والله ما سأل اذا كان حد مننا اتعور ولا جرالو حاجة وفين بعد محايله فى الباشا وبكاء من الاتنين السواقين اللى كانو بيساعدونى عشان سحب الرخص ده هيخرب بيتهم , تنازل ووافق أن احنا ندفع غرامة 500 جنية عن كل عربية يعنى 1500 جنيه وعشان الناس دى ملهاش ذنب دفعت كل اللى كان معايا 1200 وهما كمل ودى صورة الوصل بتاعى ب 500 جنية".
واختتم المواطن المكلوم شهادته، بالقول:"تفتكرو احنا لو فى بلد محترمة كان جرى كدة".